{"id":"an3.124","title":"Arguments","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"an3.124","title":"Arguments","units":[{"id":"an3.124:0","sourceIds":["an3.124:0.1","an3.124:0.2","an3.124:0.3"],"kind":"text","text":{"pi":"Aṅguttara Nikāya 3.124\n13. Kusināravagga\nBhaṇḍanasutta","en":"Numbered Discourses 3.124\n13. At Kusinārā\nArguments"}},{"id":"an3.124:1","sourceIds":["an3.124:1.1","an3.124:1.2","an3.124:1.3","an3.124:1.4","an3.124:1.5","an3.124:1.6","an3.124:1.7","an3.124:1.8","an3.124:1.9","an3.124:1.10","an3.124:1.11","an3.124:1.12"],"kind":"text","text":{"pi":"“Yassaṁ, bhikkhave, disāyaṁ bhikkhū bhaṇḍanajātā kalahajātā vivādāpannā aññamaññaṁ mukhasattīhi vitudantā viharanti, manasi kātumpi me esā, bhikkhave, disā na phāsu hoti, pageva gantuṁ.\nNiṭṭhamettha gacchāmi:\n‘addhā te āyasmanto tayo dhamme pajahiṁsu, tayo dhamme bahulamakaṁsu.\nKatame tayo dhamme pajahiṁsu?\nNekkhammavitakkaṁ, abyāpādavitakkaṁ, avihiṁsāvitakkaṁ—\nime tayo dhamme pajahiṁsu.\nKatame tayo dhamme bahulamakaṁsu?\nKāmavitakkaṁ, byāpādavitakkaṁ, vihiṁsāvitakkaṁ—\nime tayo dhamme bahulamakaṁsu’.\nYassaṁ, bhikkhave, disāyaṁ bhikkhū bhaṇḍanajātā kalahajātā vivādāpannā aññamaññaṁ mukhasattīhi vitudantā viharanti, manasi kātumpi me esā, bhikkhave, disā na phāsu hoti, pageva gantuṁ.\nNiṭṭhamettha gacchāmi:\n‘addhā te āyasmanto ime tayo dhamme pajahiṁsu, ime tayo dhamme bahulamakaṁsu’.","en":"“Mendicants, I’m not even comfortable thinking about a place where mendicants fight—quarreling and disputing, continually wounding each other with barbed words—let alone going there.\nI come to a conclusion about them:\n‘Clearly those venerables have given up three things and cultivated three things.’\nWhat three things have they given up?\nThoughts of renunciation, good will, and harmlessness.\nWhat three things have they cultivated?\nSensual, malicious, and cruel thoughts. …\nI come to a conclusion about them:\n‘Clearly those venerables have given up three things and cultivated three things.’"}},{"id":"an3.124:2","sourceIds":["an3.124:2.1","an3.124:2.2","an3.124:2.3","an3.124:2.4","an3.124:2.5","an3.124:2.6","an3.124:2.7","an3.124:2.8","an3.124:2.9","an3.124:2.10","an3.124:2.11","an3.124:2.12","an3.124:2.13"],"kind":"text","text":{"pi":"Yassaṁ pana, bhikkhave, disāyaṁ bhikkhū samaggā sammodamānā avivadamānā khīrodakībhūtā aññamaññaṁ piyacakkhūhi sampassantā viharanti, gantumpi me esā, bhikkhave, disā phāsu hoti, pageva manasi kātuṁ.\nNiṭṭhamettha gacchāmi:\n‘addhā te āyasmanto tayo dhamme pajahiṁsu, tayo dhamme bahulamakaṁsu.\nKatame tayo dhamme pajahiṁsu?\nKāmavitakkaṁ, byāpādavitakkaṁ, vihiṁsāvitakkaṁ—\nime tayo dhamme pajahiṁsu.\nKatame tayo dhamme bahulamakaṁsu?\nNekkhammavitakkaṁ, abyāpādavitakkaṁ, avihiṁsāvitakkaṁ—\nime tayo dhamme bahulamakaṁsu’.\nYassaṁ, bhikkhave, disāyaṁ bhikkhū samaggā sammodamānā avivadamānā khīrodakībhūtā aññamaññaṁ piyacakkhūhi sampassantā viharanti, gantumpi me esā, bhikkhave, disā phāsu hoti, pageva manasi kātuṁ.\nNiṭṭhamettha gacchāmi:\n‘addhā te āyasmanto ime tayo dhamme pajahiṁsu, ime tayo dhamme bahulamakaṁsū’”ti.\nDutiyaṁ.","en":"I feel comfortable going to a place where the mendicants live in harmony—appreciating each other, without quarreling, blending like milk and water, and regarding each other with kindly eyes—let alone thinking about it.\nI come to a conclusion about them:\n‘Clearly those venerables have given up three things and cultivated three things.’\nWhat three things have they given up?\nSensual, malicious, and cruel thoughts.\nWhat three things have they cultivated?\nThoughts of renunciation, good will, and harmlessness. …\nI come to a conclusion about them:\n‘Clearly those venerables have given up three things and cultivated three things.’”"}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/an3.124/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}