{"id":"an3.128","title":"Bitter","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"an3.128","title":"Bitter","units":[{"id":"an3.128:0","sourceIds":["an3.128:0.1","an3.128:0.2","an3.128:0.3"],"kind":"text","text":{"pi":"Aṅguttara Nikāya 3.128\n13. Kusināravagga\nKaṭuviyasutta","en":"Numbered Discourses 3.128\n13. Kusinārā\nBitter"}},{"id":"an3.128:1","sourceIds":["an3.128:1.1","an3.128:1.2","an3.128:1.3","an3.128:1.4"],"kind":"text","text":{"pi":"Ekaṁ samayaṁ bhagavā bārāṇasiyaṁ viharati isipatane migadāye.\nAtha kho bhagavā pubbaṇhasamayaṁ nivāsetvā pattacīvaramādāya bārāṇasiṁ piṇḍāya pāvisi.\nAddasā kho bhagavā goyogapilakkhasmiṁ piṇḍāya caramāno aññataraṁ bhikkhuṁ rittassādaṁ bāhirassādaṁ muṭṭhassatiṁ asampajānaṁ asamāhitaṁ vibbhantacittaṁ pākatindriyaṁ.\nDisvā taṁ bhikkhuṁ etadavoca:","en":"At one time the Buddha was staying near Varanasi in the deer park at Isipatana.\nThen the Buddha robed up in the morning and, taking his bowl and robe, entered Varanasi for alms.\nWhile the Buddha was walking for alms near the cow-hitching place at the wavy leaf fig, he saw a disgruntled monk who was looking for pleasure in external things, unmindful, without situational awareness or immersion, with straying mind and undisciplined faculties.\nThe Buddha said to him,"}},{"id":"an3.128:2","sourceIds":["an3.128:2.1","an3.128:2.2","an3.128:2.3","an3.128:2.4"],"kind":"text","text":{"pi":"“Mā kho tvaṁ, bhikkhu, attānaṁ kaṭuviyamakāsi.\nTaṁ vata, bhikkhu, kaṭuviyakataṁ attānaṁ āmagandhena avassutaṁ makkhikā nānupatissanti nānvāssavissantīti, netaṁ ṭhānaṁ vijjatī”ti.\nAtha kho so bhikkhu bhagavatā iminā ovādena ovadito saṁvegamāpādi.\nAtha kho bhagavā bārāṇasiyaṁ piṇḍāya caritvā pacchābhattaṁ piṇḍapātapaṭikkanto bhikkhū āmantesi:","en":"“Monk, don’t be bitter.\nIf you’re bitter, festering with putrefaction, flies will, without a doubt, plague and infest you.”\nHearing this advice of the Buddha, that monk was struck with a sense of urgency.\nThen, after the meal, on his return from almsround, the Buddha told the mendicants what had happened. …"}},{"id":"an3.128:3","sourceIds":["an3.128:3.1","an3.128:3.2","an3.128:3.3"],"kind":"text","text":{"pi":"“Idhāhaṁ, bhikkhave, pubbaṇhasamayaṁ nivāsetvā pattacīvaramādāya bārāṇasiṁ piṇḍāya pāvisiṁ.\nAddasaṁ kho ahaṁ, bhikkhave, goyogapilakkhasmiṁ piṇḍāya caramāno aññataraṁ bhikkhuṁ rittassādaṁ bāhirassādaṁ muṭṭhassatiṁ asampajānaṁ asamāhitaṁ vibbhantacittaṁ pākatindriyaṁ.\nDisvā taṁ bhikkhuṁ etadavocaṁ:"}},{"id":"an3.128:4","sourceIds":["an3.128:4.1","an3.128:4.2","an3.128:4.3","an3.128:4.4","an3.128:4.5","an3.128:4.6","an3.128:4.7"],"kind":"text","text":{"pi":"‘Mā kho tvaṁ, bhikkhu, attānaṁ kaṭuviyamakāsi.\nTaṁ vata bhikkhu kaṭuviyakataṁ attānaṁ āmagandhena avassutaṁ makkhikā nānupatissanti nānvāssavissantīti, netaṁ ṭhānaṁ vijjatī’ti.\nAtha kho, bhikkhave, so bhikkhu mayā iminā ovādena ovadito saṁvegamāpādī”ti.\nEvaṁ vutte, aññataro bhikkhu bhagavantaṁ etadavoca:\n“kiṁ nu kho, bhante, kaṭuviyaṁ?\nKo āmagandho?\nKā makkhikā”ti?","en":"When he said this, one of the mendicants said to the Buddha:\n“Sir, what is this ‘bitterness’?\nWhat is ‘putrefaction’?\nAnd what are the ‘flies’?”"}},{"id":"an3.128:5","sourceIds":["an3.128:5.1","an3.128:5.2","an3.128:5.3","an3.128:5.4"],"kind":"text","text":{"pi":"“Abhijjhā kho, bhikkhu, kaṭuviyaṁ;\nbyāpādo āmagandho;\npāpakā akusalā vitakkā makkhikā.\nTaṁ vata, bhikkhu, kaṭuviyakataṁ attānaṁ āmagandhena avassutaṁ makkhikā nānupatissanti nānvāssavissantīti, netaṁ ṭhānaṁ vijjatīti.","en":"“Desire is bitterness;\nill will is the putrefaction;\nand bad, unskillful thoughts are the flies.\nIf you’re bitter, festering with putrefaction, flies will, without a doubt, plague and infest you."}},{"id":"an3.128:6","sourceIds":["an3.128:6.1","an3.128:6.2","an3.128:6.3","an3.128:6.4"],"kind":"text","text":{"pi":"Aguttaṁ cakkhusotasmiṁ,\nindriyesu asaṁvutaṁ;\nMakkhikānupatissanti,\nsaṅkappā rāganissitā.","en":"When your eyes and ears are unguarded,\nand you’re not restrained in your sense faculties,\nflies—those lustful thoughts—\nwill plague you."}},{"id":"an3.128:7","sourceIds":["an3.128:7.1","an3.128:7.2","an3.128:7.3","an3.128:7.4"],"kind":"text","text":{"pi":"Kaṭuviyakato bhikkhu,\nāmagandhe avassuto;\nĀrakā hoti nibbānā,\nvighātasseva bhāgavā.","en":"A mendicant who’s bitter,\nfestering with putrefaction,\nis far from being extinguished,\ndistress is their lot."}},{"id":"an3.128:8","sourceIds":["an3.128:8.1","an3.128:8.2","an3.128:8.3","an3.128:8.4"],"kind":"text","text":{"pi":"Gāme vā yadi vāraññe,\naladdhā samathamattano;\nPareti bālo dummedho,\nmakkhikāhi purakkhato.","en":"Whether in village or wilderness,\nif they don’t find serenity in themselves,\nthe fool, the simpleton departs,\nhonored only by flies."}},{"id":"an3.128:9","sourceIds":["an3.128:9.1","an3.128:9.2","an3.128:9.3","an3.128:9.4","an3.128:9.5"],"kind":"text","text":{"pi":"Ye ca sīlena sampannā,\npaññāyūpasameratā;\nUpasantā sukhaṁ senti,\nnāsayitvāna makkhikā”ti.\nChaṭṭhaṁ.","en":"But those who have ethics,\nlovers of wisdom and peace,\nthey, being peaceful, sleep at ease,\nsince they’ve got rid of the flies.”"}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/an3.128/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}