{"id":"an3.19","title":"A Shopkeeper (1st)","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"an3.19","title":"A Shopkeeper (1st)","units":[{"id":"an3.19:0","sourceIds":["an3.19:0.1","an3.19:0.2","an3.19:0.3"],"kind":"text","text":{"pi":"Aṅguttara Nikāya 3.19\n2. Rathakāravagga\nPaṭhamapāpaṇikasutta","en":"Numbered Discourses 3.19\n2. The Chariot-Maker\nA Shopkeeper (1st)"}},{"id":"an3.19:1","sourceIds":["an3.19:1.1","an3.19:1.2","an3.19:1.3","an3.19:1.4"],"kind":"text","text":{"pi":"“Tīhi, bhikkhave, aṅgehi samannāgato pāpaṇiko abhabbo anadhigataṁ vā bhogaṁ adhigantuṁ, adhigataṁ vā bhogaṁ phātiṁ kātuṁ.\nKatamehi tīhi?\nIdha, bhikkhave, pāpaṇiko pubbaṇhasamayaṁ na sakkaccaṁ kammantaṁ adhiṭṭhāti, majjhanhikasamayaṁ na sakkaccaṁ kammantaṁ adhiṭṭhāti, sāyanhasamayaṁ na sakkaccaṁ kammantaṁ adhiṭṭhāti.\nImehi kho, bhikkhave, tīhi aṅgehi samannāgato pāpaṇiko abhabbo anadhigataṁ vā bhogaṁ adhigantuṁ, adhigataṁ vā bhogaṁ phātiṁ kātuṁ.","en":"“Mendicants, a shopkeeper who has three factors is unable to acquire more wealth or to increase the wealth they’ve already acquired.\nWhat three?\nIt’s when a shopkeeper doesn’t carefully focus on their work in the morning, at midday, and in the afternoon.\nA shopkeeper who has these three factors is unable to acquire more wealth or to increase the wealth they’ve already acquired."}},{"id":"an3.19:2","sourceIds":["an3.19:2.1","an3.19:2.2","an3.19:2.3","an3.19:2.4"],"kind":"text","text":{"pi":"Evamevaṁ kho, bhikkhave, tīhi dhammehi samannāgato bhikkhu abhabbo anadhigataṁ vā kusalaṁ dhammaṁ adhigantuṁ, adhigataṁ vā kusalaṁ dhammaṁ phātiṁ kātuṁ.\nKatamehi tīhi?\nIdha, bhikkhave, bhikkhu pubbaṇhasamayaṁ na sakkaccaṁ samādhinimittaṁ adhiṭṭhāti, majjhanhikasamayaṁ na sakkaccaṁ samādhinimittaṁ adhiṭṭhāti, sāyanhasamayaṁ na sakkaccaṁ samādhinimittaṁ adhiṭṭhāti.\nImehi kho, bhikkhave, tīhi dhammehi samannāgato bhikkhu abhabbo anadhigataṁ vā kusalaṁ dhammaṁ adhigantuṁ, adhigataṁ vā kusalaṁ dhammaṁ phātiṁ kātuṁ.","en":"In the same way, a mendicant with three qualities is unable to acquire more skillful qualities or to increase the skillful qualities they’ve already acquired.\nWhat three?\nIt’s when a mendicant doesn’t carefully focus on a meditation subject as a basis of immersion in the morning, at midday, and in the afternoon.\nA mendicant who possesses these three qualities is unable to acquire more skillful qualities or to increase the skillful qualities they’ve already acquired."}},{"id":"an3.19:3","sourceIds":["an3.19:3.1","an3.19:3.2","an3.19:3.3","an3.19:3.4"],"kind":"text","text":{"pi":"Tīhi, bhikkhave, aṅgehi samannāgato pāpaṇiko bhabbo anadhigataṁ vā bhogaṁ adhigantuṁ, adhigataṁ vā bhogaṁ phātiṁ kātuṁ.\nKatamehi tīhi?\nIdha, bhikkhave, pāpaṇiko pubbaṇhasamayaṁ sakkaccaṁ kammantaṁ adhiṭṭhāti, majjhanhikasamayaṁ …pe… sāyanhasamayaṁ sakkaccaṁ kammantaṁ adhiṭṭhāti.\nImehi kho, bhikkhave, tīhi aṅgehi samannāgato pāpaṇiko bhabbo anadhigataṁ vā bhogaṁ adhigantuṁ, adhigataṁ vā bhogaṁ phātiṁ kātuṁ.","en":"A shopkeeper who has three factors is able to acquire more wealth or to increase the wealth they’ve already acquired.\nWhat three?\nIt’s when a shopkeeper carefully focuses on their work in the morning, at midday, and in the afternoon.\nA shopkeeper who has these three factors is able to acquire more wealth or to increase the wealth they’ve already acquired."}},{"id":"an3.19:4","sourceIds":["an3.19:4.1","an3.19:4.2","an3.19:4.3","an3.19:4.4","an3.19:4.5"],"kind":"text","text":{"pi":"Evamevaṁ kho, bhikkhave, tīhi dhammehi samannāgato bhikkhu bhabbo anadhigataṁ vā kusalaṁ dhammaṁ adhigantuṁ, adhigataṁ vā kusalaṁ dhammaṁ phātiṁ kātuṁ.\nKatamehi tīhi?\nIdha, bhikkhave, bhikkhu pubbaṇhasamayaṁ sakkaccaṁ samādhinimittaṁ adhiṭṭhāti, majjhanhikasamayaṁ …pe… sāyanhasamayaṁ sakkaccaṁ samādhinimittaṁ adhiṭṭhāti.\nImehi kho, bhikkhave, tīhi dhammehi samannāgato bhikkhu bhabbo anadhigataṁ vā kusalaṁ dhammaṁ adhigantuṁ, adhigataṁ vā kusalaṁ dhammaṁ phātiṁ kātun”ti.\nNavamaṁ.","en":"In the same way, a mendicant with three qualities is able to acquire more skillful qualities or to increase the skillful qualities they’ve already acquired.\nWhat three?\nIt’s when a mendicant carefully focuses on a meditation subject as a basis of immersion in the morning, at midday, and in the afternoon.\nA mendicant who possesses these three qualities is able to acquire more skillful qualities or to increase the skillful qualities they’ve already acquired.”"}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/an3.19/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}