{"id":"an3.23","title":"Choices","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"an3.23","title":"Choices","units":[{"id":"an3.23:0","sourceIds":["an3.23:0.1","an3.23:0.2","an3.23:0.3"],"kind":"text","text":{"pi":"Aṅguttara Nikāya 3.23\n3. Puggalavagga\nSaṅkhārasutta","en":"Numbered Discourses 3.23\n3. Individuals\nChoices"}},{"id":"an3.23:1","sourceIds":["an3.23:1.1","an3.23:1.2","an3.23:1.3","an3.23:1.4","an3.23:1.5","an3.23:1.6"],"kind":"text","text":{"pi":"“Tayome, bhikkhave, puggalā santo saṁvijjamānā lokasmiṁ.\nKatame tayo?\nIdha, bhikkhave, ekacco puggalo sabyābajjhaṁ kāyasaṅkhāraṁ abhisaṅkharoti, sabyābajjhaṁ vacīsaṅkhāraṁ abhisaṅkharoti, sabyābajjhaṁ manosaṅkhāraṁ abhisaṅkharoti.\nSo sabyābajjhaṁ kāyasaṅkhāraṁ abhisaṅkharitvā, sabyābajjhaṁ vacīsaṅkhāraṁ abhisaṅkharitvā, sabyābajjhaṁ manosaṅkhāraṁ abhisaṅkharitvā sabyābajjhaṁ lokaṁ upapajjati.\nTamenaṁ sabyābajjhaṁ lokaṁ upapannaṁ samānaṁ sabyābajjhā phassā phusanti.\nSo sabyābajjhehi phassehi phuṭṭho samāno sabyābajjhaṁ vedanaṁ vedayati ekantadukkhaṁ, seyyathāpi sattā nerayikā.","en":"“These three individuals are found in the world.\nWhat three?\nFirstly, a certain individual makes hurtful choices by way of body, speech, and mind.\nHaving made these choices, they’re reborn in a hurtful world,\nwhere hurtful contacts strike them.\nTouched by hurtful contacts, they experience hurtful feelings that are absolutely painful—like the beings in hell."}},{"id":"an3.23:2","sourceIds":["an3.23:2.1","an3.23:2.2","an3.23:2.3","an3.23:2.4"],"kind":"text","text":{"pi":"Idha pana, bhikkhave, ekacco puggalo abyābajjhaṁ kāyasaṅkhāraṁ abhisaṅkharoti, abyābajjhaṁ vacīsaṅkhāraṁ abhisaṅkharoti, abyābajjhaṁ manosaṅkhāraṁ abhisaṅkharoti.\nSo abyābajjhaṁ kāyasaṅkhāraṁ abhisaṅkharitvā, abyābajjhaṁ vacīsaṅkhāraṁ abhisaṅkharitvā, abyābajjhaṁ manosaṅkhāraṁ abhisaṅkharitvā abyābajjhaṁ lokaṁ upapajjati.\nTamenaṁ abyābajjhaṁ lokaṁ upapannaṁ samānaṁ abyābajjhā phassā phusanti.\nSo abyābajjhehi phassehi phuṭṭho samāno abyābajjhaṁ vedanaṁ vedayati ekantasukhaṁ, seyyathāpi devā subhakiṇhā.","en":"Furthermore, another individual makes pleasing choices by way of body, speech, and mind.\nHaving made these choices, they are reborn in a pleasing world,\nwhere pleasing contacts strike them.\nTouched by pleasing contacts, they experience pleasing feelings of absolute happiness—like the gods of universal beauty."}},{"id":"an3.23:3","sourceIds":["an3.23:3.1","an3.23:3.2","an3.23:3.3","an3.23:3.4","an3.23:3.5","an3.23:3.6"],"kind":"text","text":{"pi":"Idha pana, bhikkhave, ekacco puggalo sabyābajjhampi abyābajjhampi kāyasaṅkhāraṁ abhisaṅkharoti, sabyābajjhampi abyābajjhampi vacīsaṅkhāraṁ abhisaṅkharoti, sabyābajjhampi abyābajjhampi manosaṅkhāraṁ abhisaṅkharoti.\nSo sabyābajjhampi abyābajjhampi kāyasaṅkhāraṁ abhisaṅkharitvā, sabyābajjhampi abyābajjhampi vacīsaṅkhāraṁ abhisaṅkharitvā, sabyābajjhampi abyābajjhampi manosaṅkhāraṁ abhisaṅkharitvā sabyābajjhampi abyābajjhampi lokaṁ upapajjati.\nTamenaṁ sabyābajjhampi abyābajjhampi lokaṁ upapannaṁ samānaṁ sabyābajjhāpi abyābajjhāpi phassā phusanti.\nSo sabyābajjhehipi abyābajjhehipi phassehi phuṭṭho samāno sabyābajjhampi abyābajjhampi vedanaṁ vedayati vokiṇṇasukhadukkhaṁ, seyyathāpi manussā ekacce ca devā ekacce ca vinipātikā.\nIme kho, bhikkhave, tayo puggalā santo saṁvijjamānā lokasmin”ti.\nTatiyaṁ.","en":"Furthermore, another individual makes both hurtful and pleasing choices by way of body, speech, and mind.\nHaving made these choices, they are reborn in a world that is both hurtful and pleasing,\nwhere hurtful and pleasing contacts strike them.\nTouched by both hurtful and pleasing contacts, they experience both hurtful and pleasing feelings that are a mixture of pleasure and pain—like humans, some gods, and some beings in the underworld.\nThese are the three individuals found in the world.”"}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/an3.23/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}