{"id":"an3.34","title":"Sources","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"an3.34","title":"Sources","units":[{"id":"an3.34:0","sourceIds":["an3.34:0.1","an3.34:0.2","an3.34:0.3"],"kind":"text","text":{"pi":"Aṅguttara Nikāya 3.34\n4. Devadūtavagga\nNidānasutta","en":"Numbered Discourses 3.34\n4. Messengers of the Gods\nSources"}},{"id":"an3.34:1","sourceIds":["an3.34:1.1","an3.34:1.2","an3.34:1.3"],"kind":"text","text":{"pi":"“Tīṇimāni, bhikkhave, nidānāni kammānaṁ samudayāya.\nKatamāni tīṇi?\nLobho nidānaṁ kammānaṁ samudayāya, doso nidānaṁ kammānaṁ samudayāya, moho nidānaṁ kammānaṁ samudayāya.","en":"“Mendicants, there are these three sources that give rise to deeds.\nWhat three?\nGreed, hate, and delusion are sources that give rise to deeds."}},{"id":"an3.34:2","sourceIds":["an3.34:2.1","an3.34:2.2"],"kind":"text","text":{"pi":"Yaṁ, bhikkhave, lobhapakataṁ kammaṁ lobhajaṁ lobhanidānaṁ lobhasamudayaṁ, yatthassa attabhāvo nibbattati tattha taṁ kammaṁ vipaccati.\nYattha taṁ kammaṁ vipaccati tattha tassa kammassa vipākaṁ paṭisaṁvedeti, diṭṭhe vā dhamme upapajja vā apare vā pariyāye.","en":"Any deed that emerges from greed—born, sourced, and originated from greed—ripens where that new incarnation is born.\nAnd wherever that deed ripens, its result is experienced—either in the present life, or in the next life, or in some subsequent period."}},{"id":"an3.34:3","sourceIds":["an3.34:3.1","an3.34:3.2"],"kind":"text","text":{"pi":"Yaṁ, bhikkhave, dosapakataṁ kammaṁ dosajaṁ dosanidānaṁ dosasamudayaṁ, yatthassa attabhāvo nibbattati tattha taṁ kammaṁ vipaccati.\nYattha taṁ kammaṁ vipaccati tattha tassa kammassa vipākaṁ paṭisaṁvedeti, diṭṭhe vā dhamme upapajja vā apare vā pariyāye.","en":"Any deed that emerges from hate—born, sourced, and originated from hate—ripens where that new incarnation is born.\nAnd wherever that deed ripens, its result is experienced—either in the present life, or in the next life, or in some subsequent period."}},{"id":"an3.34:4","sourceIds":["an3.34:4.1","an3.34:4.2"],"kind":"text","text":{"pi":"Yaṁ, bhikkhave, mohapakataṁ kammaṁ mohajaṁ mohanidānaṁ mohasamudayaṁ, yatthassa attabhāvo nibbattati tattha taṁ kammaṁ vipaccati.\nYattha taṁ kammaṁ vipaccati tattha tassa kammassa vipākaṁ paṭisaṁvedeti, diṭṭhe vā dhamme upapajja vā apare vā pariyāye.","en":"Any deed that emerges from delusion—born, sourced, and originated from delusion—ripens where that new incarnation is born.\nAnd wherever that deed ripens, its result is experienced—either in the present life, or in the next life, or in some subsequent period."}},{"id":"an3.34:5","sourceIds":["an3.34:5.1","an3.34:5.2","an3.34:5.3","an3.34:5.4","an3.34:5.5"],"kind":"text","text":{"pi":"Seyyathāpi, bhikkhave, bījāni akhaṇḍāni apūtīni avātātapahatāni sārādāni sukhasayitāni sukhette suparikammakatāya bhūmiyā nikkhittāni.\nDevo ca sammādhāraṁ anuppaveccheyya.\nEvassu tāni, bhikkhave, bījāni vuddhiṁ viruḷhiṁ vepullaṁ āpajjeyyuṁ.\nEvamevaṁ kho, bhikkhave, yaṁ lobhapakataṁ kammaṁ lobhajaṁ lobhanidānaṁ lobhasamudayaṁ, yatthassa attabhāvo nibbattati tattha taṁ kammaṁ vipaccati.\nYattha taṁ kammaṁ vipaccati tattha tassa kammassa vipākaṁ paṭisaṁvedeti, diṭṭhe vā dhamme upapajja vā apare vā pariyāye.","en":"Suppose some seeds were intact, unspoiled, not weather-damaged, fertile, and well-kept. They’re sown in a well-prepared, productive field,\nand the heavens provide plenty of rain.\nThen those seeds would grow, increase, and mature.\nIn the same way, any deed that emerges from greed—born, sourced, and originated from greed—ripens where that new incarnation is born.\nAnd wherever that deed ripens, its result is experienced—either in the present life, or in the next life, or in some subsequent period."}},{"id":"an3.34:6","sourceIds":["an3.34:6.1","an3.34:6.2","an3.34:6.3","an3.34:6.4"],"kind":"text","text":{"pi":"Yaṁ dosapakataṁ kammaṁ …pe…\nyaṁ mohapakataṁ kammaṁ mohajaṁ mohanidānaṁ mohasamudayaṁ, yatthassa attabhāvo nibbattati tattha taṁ kammaṁ vipaccati.\nYattha taṁ kammaṁ vipaccati tattha tassa kammassa vipākaṁ paṭisaṁvedeti, diṭṭhe vā dhamme upapajja vā apare vā pariyāye.\nImāni kho, bhikkhave, tīṇi nidānāni kammānaṁ samudayāya.","en":"Any deed that emerges from hate …\nAny deed that emerges from delusion—born, sourced, and originated from delusion—ripens where that new incarnation is born.\nAnd wherever that deed ripens, its result is experienced—either in the present life, or in the next life, or in some subsequent period.\nThese are three sources that give rise to deeds."}},{"id":"an3.34:7","sourceIds":["an3.34:7.1","an3.34:7.2","an3.34:7.3"],"kind":"text","text":{"pi":"Tīṇimāni, bhikkhave, nidānāni kammānaṁ samudayāya.\nKatamāni tīṇi?\nAlobho nidānaṁ kammānaṁ samudayāya, adoso nidānaṁ kammānaṁ samudayāya, amoho nidānaṁ kammānaṁ samudayāya.","en":"Mendicants, there are these three sources that give rise to deeds.\nWhat three?\nContentment, love, and understanding are sources that give rise to deeds."}},{"id":"an3.34:8","sourceIds":["an3.34:8.1"],"kind":"text","text":{"pi":"Yaṁ, bhikkhave, alobhapakataṁ kammaṁ alobhajaṁ alobhanidānaṁ alobhasamudayaṁ, lobhe vigate evaṁ taṁ kammaṁ pahīnaṁ hoti ucchinnamūlaṁ tālāvatthukataṁ anabhāvaṅkataṁ āyatiṁ anuppādadhammaṁ.","en":"Any deed that emerges from contentment—born, sourced, and originated from contentment—is given up when greed is done away with. It’s cut off at the root, made like a palm stump, obliterated, and unable to arise in the future."}},{"id":"an3.34:9","sourceIds":["an3.34:9.1"],"kind":"text","text":{"pi":"Yaṁ, bhikkhave, adosapakataṁ kammaṁ adosajaṁ adosanidānaṁ adosasamudayaṁ, dose vigate evaṁ taṁ kammaṁ pahīnaṁ hoti ucchinnamūlaṁ tālāvatthukataṁ anabhāvaṅkataṁ āyatiṁ anuppādadhammaṁ.","en":"Any deed that emerges from love—born, sourced, and originated from love—is abandoned when hate is done away with. It’s cut off at the root, made like a palm stump, obliterated, and unable to arise in the future."}},{"id":"an3.34:10","sourceIds":["an3.34:10.1"],"kind":"text","text":{"pi":"Yaṁ, bhikkhave, amohapakataṁ kammaṁ amohajaṁ amohanidānaṁ amohasamudayaṁ, mohe vigate evaṁ taṁ kammaṁ pahīnaṁ hoti ucchinnamūlaṁ tālāvatthukataṁ anabhāvaṅkataṁ āyatiṁ anuppādadhammaṁ.","en":"Any deed that emerges from understanding—born, sourced, and originated from understanding—is abandoned when delusion is done away with. It’s cut off at the root, made like a palm stump, obliterated, and unable to arise in the future."}},{"id":"an3.34:11","sourceIds":["an3.34:11.1","an3.34:11.2","an3.34:11.3","an3.34:11.4","an3.34:11.5","an3.34:11.6"],"kind":"text","text":{"pi":"Seyyathāpi, bhikkhave, bījāni akhaṇḍāni apūtīni avātātapahatāni sārādāni sukhasayitāni.\nTāni puriso agginā ḍaheyya.\nAgginā ḍahitvā masiṁ kareyya.\nMasiṁ karitvā mahāvāte vā ophuṇeyya nadiyā vā sīghasotāya pavāheyya.\nEvassu tāni, bhikkhave, bījāni ucchinnamūlāni tālāvatthukatāni anabhāvaṅkatāni āyatiṁ anuppādadhammāni.\nEvamevaṁ kho, bhikkhave, yaṁ alobhapakataṁ kammaṁ alobhajaṁ alobhanidānaṁ alobhasamudayaṁ, lobhe vigate evaṁ taṁ kammaṁ pahīnaṁ hoti ucchinnamūlaṁ tālāvatthukataṁ anabhāvaṅkataṁ āyatiṁ anuppādadhammaṁ.","en":"Suppose some seeds were intact, unspoiled, not damaged by wind and sun, fertile, and well-kept.\nBut someone would burn them with fire,\nreduce them to ashes,\nand whisk away the ashes in a strong wind, or glide them down a swift stream.\nThen those seeds would be cut off at the root, made like a palm stump, obliterated, and unable to arise in the future.\nIn the same way, any deed that emerges from contentment—born, sourced, and originated from contentment—is abandoned when greed is done away with. It’s cut off at the root, made like a palm stump, obliterated, and unable to arise in the future."}},{"id":"an3.34:12","sourceIds":["an3.34:12.1","an3.34:12.2","an3.34:12.3","an3.34:12.4"],"kind":"text","text":{"pi":"Yaṁ adosapakataṁ kammaṁ …pe…\nyaṁ amohapakataṁ kammaṁ amohajaṁ amohanidānaṁ amohasamudayaṁ, mohe vigate evaṁ taṁ kammaṁ pahīnaṁ hoti …pe…\nāyatiṁ anuppādadhammaṁ.\nImāni kho, bhikkhave, tīṇi nidānāni kammānaṁ samudayāyāti.","en":"Any deed that emerges from love …\nAny deed that emerges from understanding—born, sourced, and originated from understanding—is abandoned when delusion is done away with.\nIt’s cut off at the root, made like a palm stump, obliterated, and unable to arise in the future.\nThese are three sources that give rise to deeds."}},{"id":"an3.34:13","sourceIds":["an3.34:13.1","an3.34:13.2","an3.34:13.3","an3.34:13.4","an3.34:13.5","an3.34:13.6"],"kind":"text","text":{"pi":"Lobhajaṁ dosajañceva,\nmohajañcāpaviddasu;\nYaṁ tena pakataṁ kammaṁ,\nappaṁ vā yadi vā bahuṁ;\nIdheva taṁ vedaniyaṁ,\nvatthu aññaṁ na vijjati.","en":"When an ignorant person acts\nout of greed, hate, or delusion,\nany deeds they have done,\na little or a lot,\nare to be experienced right here,\nnot in any other place."}},{"id":"an3.34:14","sourceIds":["an3.34:14.1","an3.34:14.2","an3.34:14.3","an3.34:14.4","an3.34:14.5"],"kind":"text","text":{"pi":"Tasmā lobhañca dosañca,\nmohajañcāpi viddasu;\nVijjaṁ uppādayaṁ bhikkhu,\nsabbā duggatiyo jahe”ti.\nCatutthaṁ.","en":"So a wise person,\na mendicant arousing knowledge\nof the outcome of greed, hate, and delusion,\nwould abandon all bad destinies.”"}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/an3.34/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}