{"id":"an3.39","title":"A Delicate Lifestyle","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"an3.39","title":"A Delicate Lifestyle","units":[{"id":"an3.39:0","sourceIds":["an3.39:0.1","an3.39:0.2","an3.39:0.3"],"kind":"text","text":{"pi":"Aṅguttara Nikāya 3.39\n4. Devadūtavagga\nSukhumālasutta","en":"Numbered Discourses 3.39\n4. Messengers of the Gods\nA Delicate Lifestyle"}},{"id":"an3.39:1","sourceIds":["an3.39:1.1","an3.39:1.2","an3.39:1.3","an3.39:1.4","an3.39:1.5","an3.39:1.6"],"kind":"text","text":{"pi":"“Sukhumālo ahaṁ, bhikkhave, paramasukhumālo accantasukhumālo.\nMama sudaṁ, bhikkhave, pitu nivesane pokkharaṇiyo kāritā honti.\nEkattha sudaṁ, bhikkhave, uppalaṁ vappati, ekattha padumaṁ, ekattha puṇḍarīkaṁ, yāvadeva mamatthāya.\nNa kho panassāhaṁ, bhikkhave, akāsikaṁ candanaṁ dhāremi. Kāsikaṁ, bhikkhave, su me taṁ veṭhanaṁ hoti, kāsikā kañcukā, kāsikaṁ nivāsanaṁ, kāsiko uttarāsaṅgo.\nRattindivaṁ kho pana me su taṁ, bhikkhave, setacchattaṁ dhārīyati:\n‘mā naṁ phusi sītaṁ vā uṇhaṁ vā tiṇaṁ vā rajo vā ussāvo vā’ti.","en":"“My lifestyle was delicate, mendicants, most delicate, extremely delicate.\nIn my father’s home, lotus ponds were made just for me.\nIn some, blue water lilies blossomed, while in others, there were pink or white lotuses, just for my benefit.\nI only used sandalwood from Kāsi, and my turbans, jackets, sarongs, and upper robes also came from Kāsi.\nAnd a white parasol was held over me night and day, with the thought:\n‘Don’t let cold, heat, grass, dust, or damp bother him.’"}},{"id":"an3.39:2","sourceIds":["an3.39:2.1","an3.39:2.2","an3.39:2.3"],"kind":"text","text":{"pi":"Tassa mayhaṁ, bhikkhave, tayo pāsādā ahesuṁ—eko hemantiko, eko gimhiko, eko vassiko.\nSo kho ahaṁ, bhikkhave, vassike pāsāde vassike cattāro māse nippurisehi tūriyehi paricārayamāno na heṭṭhāpāsādaṁ orohāmi.\nYathā kho pana, bhikkhave, aññesaṁ nivesane dāsakammakaraporisassa kaṇājakaṁ bhojanaṁ dīyati bilaṅgadutiyaṁ, evamevassu me, bhikkhave, pitu nivesane dāsakammakaraporisassa sālimaṁsodano dīyati.","en":"I had three stilt longhouses—one for the winter, one for the summer, and one for the rainy season.\nI stayed in a stilt longhouse without coming downstairs for the four months of the rainy season, where I was entertained by musicians—none of them men.\nWhile the bondservants, workers, and staff in other houses are given sour gruel with false black pepper to eat, in my father’s home they are given fine rice with meat."}},{"id":"an3.39:3","sourceIds":["an3.39:3.1","an3.39:3.2","an3.39:3.3","an3.39:3.4"],"kind":"text","text":{"pi":"Tassa mayhaṁ, bhikkhave, evarūpāya iddhiyā samannāgatassa evarūpena ca sukhumālena etadahosi:\n‘assutavā kho puthujjano attanā jarādhammo samāno jaraṁ anatīto paraṁ jiṇṇaṁ disvā aṭṭīyati harāyati jigucchati attānaṁyeva atisitvā, ahampi khomhi jarādhammo jaraṁ anatīto.\nAhañceva kho pana jarādhammo samāno jaraṁ anatīto paraṁ jiṇṇaṁ disvā aṭṭīyeyyaṁ harāyeyyaṁ jiguccheyyaṁ na metaṁ assa patirūpan’ti.\nTassa mayhaṁ, bhikkhave, iti paṭisañcikkhato yo yobbane yobbanamado so sabbaso pahīyi.","en":"Amid such prosperity and such a delicate lifestyle, I thought:\n‘When an unlearned ordinary person—who is liable to grow old, not being exempt from old age—sees someone else who is old, they’re horrified, repelled, and disgusted, overlooking the fact that they themselves are in the same situation.\nBut since I, too, am liable to grow old, it would not be appropriate for me to be horrified, embarrassed, and disgusted, when I see someone else who is old.’\nReflecting like this, I entirely gave up the vanity of youth."}},{"id":"an3.39:4","sourceIds":["an3.39:4.1","an3.39:4.2","an3.39:4.3"],"kind":"text","text":{"pi":"Assutavā kho puthujjano attanā byādhidhammo samāno byādhiṁ anatīto paraṁ byādhitaṁ disvā aṭṭīyati harāyati jigucchati attānaṁyeva atisitvā:\n‘ahampi khomhi byādhidhammo byādhiṁ anatīto, ahañceva kho pana byādhidhammo samāno byādhiṁ anatīto paraṁ byādhikaṁ disvā aṭṭīyeyyaṁ harāyeyyaṁ jiguccheyyaṁ, na metaṁ assa patirūpan’ti.\nTassa mayhaṁ, bhikkhave, iti paṭisañcikkhato yo ārogye ārogyamado so sabbaso pahīyi.","en":"‘When an unlearned ordinary person—who is liable to get sick, not being exempt from sickness—sees someone else who is sick, they’re horrified, repelled, and disgusted, overlooking the fact that they themselves are in the same situation.\nBut since I, too, am liable to get sick, it would not be appropriate for me to be horrified, embarrassed, and disgusted, when I see someone else who is sick.’\nReflecting like this, I entirely gave up the vanity of health."}},{"id":"an3.39:5","sourceIds":["an3.39:5.1","an3.39:5.2","an3.39:5.3"],"kind":"text","text":{"pi":"Assutavā kho puthujjano attanā maraṇadhammo samāno maraṇaṁ anatīto paraṁ mataṁ disvā aṭṭīyati harāyati jigucchati attānaṁyeva atisitvā:\n‘ahampi khomhi maraṇadhammo, maraṇaṁ anatīto, ahaṁ ceva kho pana maraṇadhammo samāno maraṇaṁ anatīto paraṁ mataṁ disvā aṭṭīyeyyaṁ harāyeyyaṁ jiguccheyyaṁ, na metaṁ assa patirūpan’ti.\nTassa mayhaṁ, bhikkhave, iti paṭisañcikkhato yo jīvite jīvitamado so sabbaso pahīyīti.","en":"‘When an unlearned ordinary person—who is liable to die, not being exempt from death—sees someone else who is dead, they’re horrified, repelled, and disgusted, overlooking the fact that they themselves are in the same situation.\nBut since I, too, am liable to die, it would not be appropriate for me to be horrified, embarrassed, and disgusted, when I see someone else who is dead.’\nReflecting like this, I entirely gave up the vanity of life."}},{"id":"an3.39:6","sourceIds":["an3.39:6.1","an3.39:6.2","an3.39:6.3","an3.39:6.4","an3.39:6.5","an3.39:6.6","an3.39:6.7","an3.39:6.8"],"kind":"text","text":{"pi":"Tayome, bhikkhave, madā.\nKatame tayo?\nYobbanamado, ārogyamado, jīvitamado.\nYobbanamadamatto vā, bhikkhave, assutavā puthujjano kāyena duccaritaṁ carati, vācāya duccaritaṁ carati, manasā duccaritaṁ carati.\nSo kāyena duccaritaṁ caritvā, vācāya duccaritaṁ caritvā, manasā duccaritaṁ caritvā kāyassa bhedā paraṁ maraṇā apāyaṁ duggatiṁ vinipātaṁ nirayaṁ upapajjati.\nĀrogyamadamatto vā, bhikkhave, assutavā puthujjano …pe…\njīvitamadamatto vā, bhikkhave, assutavā puthujjano kāyena duccaritaṁ carati, vācāya duccaritaṁ carati, manasā duccaritaṁ carati.\nSo kāyena duccaritaṁ caritvā, vācāya duccaritaṁ caritvā, manasā duccaritaṁ caritvā kāyassa bhedā paraṁ maraṇā apāyaṁ duggatiṁ vinipātaṁ nirayaṁ upapajjati.","en":"There are these three vanities.\nWhat three?\nThe vanity of youth, of health, and of life.\nIntoxicated with the vanity of youth, an unlearned ordinary person does bad things by way of body, speech, and mind.\nWhen their body breaks up, after death, they’re reborn in a place of loss, a bad place, the underworld, hell.\nIntoxicated with the vanity of health …\nIntoxicated with the vanity of life, an unlearned ordinary person does bad things by way of body, speech, and mind.\nWhen their body breaks up, after death, they’re reborn in a place of loss, a bad place, the underworld, hell."}},{"id":"an3.39:7","sourceIds":["an3.39:7.1","an3.39:7.2","an3.39:7.3"],"kind":"text","text":{"pi":"Yobbanamadamatto vā, bhikkhave, bhikkhu sikkhaṁ paccakkhāya hīnāyāvattati.\nĀrogyamadamatto vā, bhikkhave, bhikkhu …pe…\njīvitamadamatto vā, bhikkhave, bhikkhu sikkhaṁ paccakkhāya hīnāyāvattatīti.","en":"Intoxicated with the vanity of youth, health, or life, a mendicant resigns the training and returns to a lesser life."}},{"id":"an3.39:8","sourceIds":["an3.39:8.1","an3.39:8.2","an3.39:8.3","an3.39:8.4"],"kind":"text","text":{"pi":"Byādhidhammā jarādhammā,\natho maraṇadhammino;\nYathādhammā tathāsantā,\njigucchanti puthujjanā.","en":"For others, sickness is natural,\nand so are old age and death.\nThough this is how their nature is,\nordinary people feel disgusted."}},{"id":"an3.39:9","sourceIds":["an3.39:9.1","an3.39:9.2","an3.39:9.3","an3.39:9.4"],"kind":"text","text":{"pi":"Ahañce taṁ jiguccheyyaṁ,\nevaṁdhammesu pāṇisu;\nNa metaṁ patirūpassa,\nmama evaṁ vihārino.","en":"If I were to be disgusted\nwith creatures whose nature is such,\nit would not be appropriate for me,\nsince my life is just the same."}},{"id":"an3.39:10","sourceIds":["an3.39:10.1","an3.39:10.2","an3.39:10.3","an3.39:10.4"],"kind":"text","text":{"pi":"Sohaṁ evaṁ viharanto,\nñatvā dhammaṁ nirūpadhiṁ;\nĀrogye yobbanasmiñca,\njīvitasmiñca ye madā.","en":"Living in such a way,\nI understood the truth without attachments.\nI mastered all vanities—\nof health, of youth,"}},{"id":"an3.39:11","sourceIds":["an3.39:11.1","an3.39:11.2","an3.39:11.3","an3.39:11.4"],"kind":"text","text":{"pi":"Sabbe made abhibhosmi,\nNekkhamme daṭṭhu khemataṁ;\nTassa me ahu ussāho,\nNibbānaṁ abhipassato.","en":"and even of life—\nseeing renunciation as sanctuary.\nZeal sprang up in me\nas I looked to extinguishment."}},{"id":"an3.39:12","sourceIds":["an3.39:12.1","an3.39:12.2","an3.39:12.3","an3.39:12.4","an3.39:12.5"],"kind":"text","text":{"pi":"Nāhaṁ bhabbo etarahi,\nKāmāni paṭisevituṁ;\nAnivatti bhavissāmi,\nBrahmacariyaparāyaṇo”ti.\nNavamaṁ.","en":"Now I’m unable\nto indulge in sensual pleasures;\nthere’s no turning back,\nI’m committed to the spiritual life.”"}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/an3.39/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}