{"id":"an3.57","title":"With Vacchagotta","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"an3.57","title":"With Vacchagotta","units":[{"id":"an3.57:0","sourceIds":["an3.57:0.1","an3.57:0.2","an3.57:0.3"],"kind":"text","text":{"pi":"Aṅguttara Nikāya 3.57\n6. Brāhmaṇavagga\nVacchagottasutta","en":"Numbered Discourses 3.57\n6. Brahmins\nWith Vacchagotta"}},{"id":"an3.57:1","sourceIds":["an3.57:1.1","an3.57:1.2","an3.57:1.3","an3.57:1.4","an3.57:1.5","an3.57:1.6","an3.57:1.7","an3.57:1.8","an3.57:1.9","an3.57:1.10","an3.57:1.11","an3.57:1.12","an3.57:1.13","an3.57:1.14"],"kind":"text","text":{"pi":"Atha kho vacchagotto paribbājako yena bhagavā tenupasaṅkami; upasaṅkamitvā bhagavatā saddhiṁ sammodi.\nSammodanīyaṁ kathaṁ sāraṇīyaṁ vītisāretvā ekamantaṁ nisīdi. Ekamantaṁ nisinno kho vacchagotto paribbājako bhagavantaṁ etadavoca:\n“sutaṁ metaṁ, bho gotama, samaṇo gotamo evamāha:\n‘mayhameva dānaṁ dātabbaṁ, nāññesaṁ dānaṁ dātabbaṁ;\nmayhameva sāvakānaṁ dānaṁ dātabbaṁ, nāññesaṁ sāvakānaṁ dānaṁ dātabbaṁ;\nmayhameva dinnaṁ mahapphalaṁ, nāññesaṁ dinnaṁ mahapphalaṁ;\nmayhameva sāvakānaṁ dinnaṁ mahapphalaṁ, nāññesaṁ sāvakānaṁ dinnaṁ mahapphalan’ti.\nYe te, bho gotama, evamāhaṁsu ‘samaṇo gotamo evamāha:\n“mayhameva dānaṁ dātabbaṁ, nāññesaṁ dānaṁ dātabbaṁ.\nMayhameva sāvakānaṁ dānaṁ dātabbaṁ, nāññesaṁ sāvakānaṁ dānaṁ dātabbaṁ.\nMayhameva dinnaṁ mahapphalaṁ, nāññesaṁ dinnaṁ mahapphalaṁ.\nMayhameva sāvakānaṁ dinnaṁ mahapphalaṁ, nāññesaṁ sāvakānaṁ dinnaṁ mahapphalan”’ti.\nKacci te bhoto gotamassa vuttavādino na ca bhavantaṁ gotamaṁ abhūtena abbhācikkhanti, dhammassa cānudhammaṁ byākaronti, na ca koci sahadhammiko vādānupāto gārayhaṁ ṭhānaṁ āgacchati?\nAnabbhakkhātukāmā hi mayaṁ bhavantaṁ gotaman”ti.","en":"Then the wanderer Vacchagotta went up to the Buddha, and exchanged greetings with him.\nWhen the greetings and polite conversation were over, he sat down to one side and said to the Buddha:\n“I have heard, worthy Gotama, that the ascetic Gotama says this:\n‘Gifts should only be given to me, not to others.\nGifts should only be given to my disciples, not to the disciples of others.\nOnly what is given to me is very fruitful, not what is given to others.\nOnly what is given to my disciples is very fruitful, not what is given to the disciples of others.’\nI trust those who say this repeat what the worthy Gotama has said, and do not misrepresent him with an untruth? Is their explanation in line with the teaching? Are there any legitimate grounds for rebuttal and criticism?\nFor we don’t want to misrepresent the worthy Gotama.”"}},{"id":"an3.57:2","sourceIds":["an3.57:2.1","an3.57:2.2","an3.57:2.3","an3.57:2.4","an3.57:2.5","an3.57:2.6","an3.57:2.7","an3.57:2.8","an3.57:2.9"],"kind":"text","text":{"pi":"“Ye te, vaccha, evamāhaṁsu:\n‘samaṇo gotamo evamāha:\n“mayhameva dānaṁ dātabbaṁ …pe…\nnāññesaṁ sāvakānaṁ dinnaṁ mahapphalan”’ti\nna me te vuttavādino. Abbhācikkhanti ca pana maṁ asatā abhūtena.\nYo kho, vaccha, paraṁ dānaṁ dadantaṁ vāreti so tiṇṇaṁ antarāyakaro hoti, tiṇṇaṁ pāripanthiko.\nKatamesaṁ tiṇṇaṁ?\nDāyakassa puññantarāyakaro hoti, paṭiggāhakānaṁ lābhantarāyakaro hoti, pubbeva kho panassa attā khato ca hoti upahato ca.\nYo kho, vaccha, paraṁ dānaṁ dadantaṁ vāreti so imesaṁ tiṇṇaṁ antarāyakaro hoti, tiṇṇaṁ pāripanthiko.","en":"“Vaccha, those who say this\ndo not repeat what I have said. They misrepresent me with what is false and untrue.\nAnyone who prevents another from giving makes an obstacle and a roadblock for three individuals.\nWhat three?\nThe giver is obstructed from making merit. The receiver is obstructed from getting what is offered. And they’ve already broken and damaged themselves.\nAnyone who prevents another from giving makes an obstacle and a roadblock for these three individuals."}},{"id":"an3.57:3","sourceIds":["an3.57:3.1","an3.57:3.2","an3.57:3.3","an3.57:3.4","an3.57:3.5"],"kind":"text","text":{"pi":"Ahaṁ kho pana, vaccha, evaṁ vadāmi:\n‘ye hi te candanikāya vā oligalle vā pāṇā, tatrapi yo thālidhovanaṁ vā sarāvadhovanaṁ vā chaḍḍeti:\n“ye tattha pāṇā te tena yāpentū”’ti, tato nidānampāhaṁ, vaccha, puññassa āgamaṁ vadāmi.\nKo pana vādo manussabhūte.\nApi cāhaṁ, vaccha, sīlavato dinnaṁ mahapphalaṁ vadāmi, no tathā dussīlassa, so ca hoti pañcaṅgavippahīno pañcaṅgasamannāgato.","en":"Vaccha, this is what I say:\n‘You even make merit by tipping out dish-washing water in a cesspool or a sump with living creatures in it, thinking,\n“May any creatures here be nourished!”’\nHow much more then for human beings!\nHowever, I also say that a gift to an ethical person is more fruitful than one to an unethical person. They’ve given up five factors, and possess five factors."}},{"id":"an3.57:4","sourceIds":["an3.57:4.1","an3.57:4.2","an3.57:4.3"],"kind":"text","text":{"pi":"Katamāni pañcaṅgāni pahīnāni honti?\nKāmacchando pahīno hoti, byāpādo pahīno hoti, thinamiddhaṁ pahīnaṁ hoti, uddhaccakukkuccaṁ pahīnaṁ hoti, vicikicchā pahīnā hoti.\nImāni pañcaṅgāni vippahīnāni honti.","en":"What are the five factors they’ve given up?\nSensual desire, ill will, dullness and drowsiness, restlessness and remorse, and doubt.\nThese are the five factors they’ve given up."}},{"id":"an3.57:5","sourceIds":["an3.57:5.1","an3.57:5.2","an3.57:5.3","an3.57:5.4"],"kind":"text","text":{"pi":"Katamehi pañcahi aṅgehi samannāgato hoti?\nAsekkhena sīlakkhandhena samannāgato hoti, asekkhena samādhikkhandhena samannāgato hoti, asekkhena paññākkhandhena samannāgato hoti, asekkhena vimuttikkhandhena samannāgato hoti, asekkhena vimuttiñāṇadassanakkhandhena samannāgato hoti;\nimehi pañcahi aṅgehi samannāgato hoti.\nIti pañcaṅgavippahīne pañcaṅgasamannāgate dinnaṁ mahapphalanti vadāmīti.","en":"What are the five factors they possess?\nThe entire spectrum of an adept’s ethics, immersion, wisdom, freedom, and knowledge and vision of freedom.\nThese are the five factors they possess.\nI say that a gift to anyone who has given up these five factors and possesses these five factors is very fruitful."}},{"id":"an3.57:6","sourceIds":["an3.57:6.1","an3.57:6.2","an3.57:6.3","an3.57:6.4"],"kind":"text","text":{"pi":"Iti kaṇhāsu setāsu,\nrohiṇīsu harīsu vā;\nKammāsāsu sarūpāsu,\ngosu pārevatāsu vā.","en":"Cows may be black or white,\nred or tawny,\nmottled or uniform,\nor pigeon-colored."}},{"id":"an3.57:7","sourceIds":["an3.57:7.1","an3.57:7.2","an3.57:7.3","an3.57:7.4","an3.57:7.5","an3.57:7.6"],"kind":"text","text":{"pi":"Yāsu kāsuci etāsu,\ndanto jāyati puṅgavo;\nDhorayho balasampanno,\nkalyāṇajavanikkamo;\nTameva bhāre yuñjanti,\nnāssa vaṇṇaṁ parikkhare.","en":"But when one is born among them,\nthe bull that’s tamed—\na behemoth, powerful,\nwell-paced in pulling forward—\nthey yoke the load just to him,\nregardless of his color."}},{"id":"an3.57:8","sourceIds":["an3.57:8.1","an3.57:8.2","an3.57:8.3","an3.57:8.4"],"kind":"text","text":{"pi":"Evamevaṁ manussesu,\nyasmiṁ kasmiñci jātiye;\nKhattiye brāhmaṇe vesse,\nsudde caṇḍālapukkuse.","en":"So it is for humans,\nwherever they may be born—\namong aristocrats, brahmins, peasants,\nmenials, or corpse-workers and scavengers—"}},{"id":"an3.57:9","sourceIds":["an3.57:9.1","an3.57:9.2","an3.57:9.3","an3.57:9.4"],"kind":"text","text":{"pi":"Yāsu kāsuci etāsu,\ndanto jāyati subbato;\nDhammaṭṭho sīlasampanno,\nsaccavādī hirīmano.","en":"one is born among them,\ntamed, true to their vows.\nFirm in principle, accomplished in ethical conduct,\ntruthful, conscientious,"}},{"id":"an3.57:10","sourceIds":["an3.57:10.1","an3.57:10.2","an3.57:10.3","an3.57:10.4"],"kind":"text","text":{"pi":"Pahīnajātimaraṇo,\nbrahmacariyassa kevalī;\nPannabhāro visaṁyutto,\nkatakicco anāsavo.","en":"they’ve given up birth and death.\nComplete in the spiritual journey,\nwith burden put down, detached,\nthey’ve completed the task and are free of defilements."}},{"id":"an3.57:11","sourceIds":["an3.57:11.1","an3.57:11.2","an3.57:11.3","an3.57:11.4"],"kind":"text","text":{"pi":"Pāragū sabbadhammānaṁ,\nanupādāya nibbuto;\nTasmiṁyeva viraje khette,\nvipulā hoti dakkhiṇā.","en":"Gone beyond all things,\nthey’re quenched by not grasping.\nIn that flawless field,\na religious donation is abundant."}},{"id":"an3.57:12","sourceIds":["an3.57:12.1","an3.57:12.2","an3.57:12.3","an3.57:12.4"],"kind":"text","text":{"pi":"Bālā ca avijānantā,\ndummedhā assutāvino;\nBahiddhā denti dānāni,\nna hi sante upāsare.","en":"Fools who don’t understand—\nunlearned simpletons—\ngive their gifts to those outside,\nand don’t attend the peaceful ones."}},{"id":"an3.57:13","sourceIds":["an3.57:13.1","an3.57:13.2","an3.57:13.3","an3.57:13.4"],"kind":"text","text":{"pi":"Ye ca sante upāsanti,\nsappaññe dhīrasammate;\nSaddhā ca nesaṁ sugate,\nmūlajātā patiṭṭhitā.","en":"But those who do attend the peaceful ones—\nwise, esteemed as attentive—\nand whose faith in the Holy One\nhas roots planted deep,"}},{"id":"an3.57:14","sourceIds":["an3.57:14.1","an3.57:14.2","an3.57:14.3","an3.57:14.4","an3.57:14.5"],"kind":"text","text":{"pi":"Devalokañca te yanti,\nkule vā idha jāyare;\nAnupubbena nibbānaṁ,\nadhigacchanti paṇḍitā”ti.\nSattamaṁ.","en":"they go to the realm of the gods,\nor are born here in a good family.\nGradually those astute ones\nreach extinguishment.”"}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/an3.57/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}