{"id":"an3.64","title":"With Sarabha","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"an3.64","title":"With Sarabha","units":[{"id":"an3.64:0","sourceIds":["an3.64:0.1","an3.64:0.2","an3.64:0.3"],"kind":"text","text":{"pi":"Aṅguttara Nikāya 3.64\n7. Mahāvagga\nSarabhasutta","en":"Numbered Discourses 3.64\n7. The Great Chapter\nWith Sarabha"}},{"id":"an3.64:1","sourceIds":["an3.64:1.1","an3.64:1.2","an3.64:1.3","an3.64:1.4","an3.64:1.5","an3.64:1.6","an3.64:1.7","an3.64:1.8","an3.64:1.9","an3.64:1.10"],"kind":"text","text":{"pi":"Evaṁ me sutaṁ—\nekaṁ samayaṁ bhagavā rājagahe viharati gijjhakūṭe pabbate.\nTena kho pana samayena sarabho nāma paribbājako acirapakkanto hoti imasmā dhammavinayā.\nSo rājagahe parisati evaṁ vācaṁ bhāsati:\n“aññāto mayā samaṇānaṁ sakyaputtikānaṁ dhammo.\nAññāya ca panāhaṁ samaṇānaṁ sakyaputtikānaṁ dhammaṁ evāhaṁ tasmā dhammavinayā apakkanto”ti.\nAtha kho sambahulā bhikkhū pubbaṇhasamayaṁ nivāsetvā pattacīvaramādāya rājagahaṁ piṇḍāya pavisiṁsu.\nAssosuṁ kho te bhikkhū sarabhassa paribbājakassa rājagahe parisati evaṁ vācaṁ bhāsamānassa:\n“aññāto mayā samaṇānaṁ sakyaputtikānaṁ dhammo.\nAññāya ca panāhaṁ samaṇānaṁ sakyaputtikānaṁ dhammaṁ evāhaṁ tasmā dhammavinayā apakkanto”ti.","en":"So I have heard.\nAt one time the Buddha was staying near Rājagaha, on the Vulture’s Peak Mountain.\nNow at that time a wanderer named Sarabha had recently left this teaching and training.\nHe was telling a crowd in Rājagaha,\n“I learned the teaching of the ascetics who follow the Sakyan,\nthen I left their teaching and training.”\nThen several mendicants robed up in the morning and, taking their bowls and robes, entered Rājagaha for alms.\nThey heard what Sarabha was saying."}},{"id":"an3.64:2","sourceIds":["an3.64:2.1","an3.64:2.2","an3.64:2.3","an3.64:2.4","an3.64:2.5","an3.64:2.6","an3.64:2.7"],"kind":"text","text":{"pi":"Atha kho te bhikkhū rājagahe piṇḍāya caritvā pacchābhattaṁ piṇḍapātapaṭikkantā yena bhagavā tenupasaṅkamiṁsu; upasaṅkamitvā bhagavantaṁ abhivādetvā ekamantaṁ nisīdiṁsu. Ekamantaṁ nisinnā kho te bhikkhū bhagavantaṁ etadavocuṁ:\n“sarabho nāma, bhante, paribbājako acirapakkanto imasmā dhammavinayā.\nSo rājagahe parisati evaṁ vācaṁ bhāsati:\n‘aññāto mayā samaṇānaṁ sakyaputtikānaṁ dhammo.\nAññāya ca panāhaṁ samaṇānaṁ sakyaputtikānaṁ dhammaṁ evāhaṁ tasmā dhammavinayā apakkanto’ti.\nSādhu, bhante, bhagavā yena sippinikātīraṁ paribbājakārāmo yena sarabho paribbājako tenupasaṅkamatu anukampaṁ upādāyā”ti.\nAdhivāsesi bhagavā tuṇhībhāvena.","en":"Then, after the meal, when they returned from almsround, they went up to the Buddha, bowed, sat down to one side, and said to him,\n“The wanderer named Sarabha has recently left this teaching and training.\nHe was telling a crowd in Rājagaha:\n‘I learned the teaching of the ascetics who follow the Sakyan,\nthen I left their teaching and training.’\nWorthy sir, please go to the wanderers’ monastery on the bank of the Serpentine River to see Sarabha the wanderer out of sympathy.”\nThe Buddha consented with silence."}},{"id":"an3.64:3","sourceIds":["an3.64:3.1","an3.64:3.2","an3.64:3.3","an3.64:3.4","an3.64:3.5"],"kind":"text","text":{"pi":"Atha kho bhagavā sāyanhasamayaṁ paṭisallānā vuṭṭhito yena sippinikātīraṁ paribbājakārāmo yena sarabho paribbājako tenupasaṅkami; upasaṅkamitvā paññatte āsane nisīdi. Nisajja kho bhagavā sarabhaṁ paribbājakaṁ etadavoca:\n“saccaṁ kira tvaṁ, sarabha, evaṁ vadesi:\n‘aññāto mayā samaṇānaṁ sakyaputtikānaṁ dhammo.\nAññāya ca panāhaṁ samaṇānaṁ sakyaputtikānaṁ dhammaṁ evāhaṁ tasmā dhammavinayā apakkanto’”ti?\nEvaṁ vutte, sarabho paribbājako tuṇhī ahosi.","en":"Then in the late afternoon, the Buddha came out of retreat and went to the wanderers’ monastery on the bank of the Serpentine River to visit Sarabha the wanderer. He sat down on the seat spread out and said to the wanderer Sarabha,\n“Is it really true, Sarabha, that you’ve been saying:\n‘I learned the teaching of the ascetics who follow the Sakyan,\nthen I left their teaching and training.’”\nWhen he said this, Sarabha kept silent."}},{"id":"an3.64:4","sourceIds":["an3.64:4.1","an3.64:4.2","an3.64:4.3","an3.64:4.4","an3.64:4.5"],"kind":"text","text":{"pi":"Dutiyampi kho bhagavā sarabhaṁ paribbājakaṁ etadavoca:\n“vadehi, sarabha, kinti te aññāto samaṇānaṁ sakyaputtikānaṁ dhammo?\nSace te aparipūraṁ bhavissati, ahaṁ paripūressāmi.\nSace pana te paripūraṁ bhavissati, ahaṁ anumodissāmī”ti.\nDutiyampi kho sarabho paribbājako tuṇhī ahosi.","en":"For a second time, the Buddha said to Sarabha,\n“Tell me, Sarabha, what exactly have you learned of the teachings of the ascetics who follow the Sakyan?\nIf you’ve not learned it fully, I’ll fill you in.\nBut if you have learned it fully, I’ll agree.”\nFor a second time, Sarabha kept silent."}},{"id":"an3.64:5","sourceIds":["an3.64:5.1","an3.64:5.2","an3.64:5.3","an3.64:5.4","an3.64:5.5"],"kind":"text","text":{"pi":"Tatiyampi kho bhagavā sarabhaṁ paribbājakaṁ etadavoca:\n“yo kho, sarabha, paññāyati samaṇānaṁ sakyaputtikānaṁ dhammo vadehi, sarabha, kinti te aññāto samaṇānaṁ sakyaputtikānaṁ dhammo?\nSace te aparipūraṁ bhavissati, ahaṁ paripūressāmi.\nSace pana te paripūraṁ bhavissati, ahaṁ anumodissāmī”ti.\nTatiyampi kho sarabho paribbājako tuṇhī ahosi.","en":"For a third time, the Buddha said to Sarabha,\n“Sarabha, the teachings of the ascetics who follow the Sakyan are clear to me. What exactly have you learned of the teachings of the ascetics who follow the Sakyan?\nIf you’ve not learned it fully, I’ll fill you in.\nBut if you have learned it fully, I’ll agree.”\nFor a third time, Sarabha kept silent."}},{"id":"an3.64:6","sourceIds":["an3.64:6.1","an3.64:6.2","an3.64:6.3","an3.64:6.4","an3.64:6.5","an3.64:6.6"],"kind":"text","text":{"pi":"Atha kho te paribbājakā sarabhaṁ paribbājakaṁ etadavocuṁ:\n“yadeva kho tvaṁ, āvuso sarabha, samaṇaṁ gotamaṁ yāceyyāsi tadeva te samaṇo gotamo pavāreti.\nVadehāvuso sarabha, kinti te aññāto samaṇānaṁ sakyaputtikānaṁ dhammo?\nSace te aparipūraṁ bhavissati, samaṇo gotamo paripūressati.\nSace pana te paripūraṁ bhavissati, samaṇo gotamo anumodissatī”ti.\nEvaṁ vutte, sarabho paribbājako tuṇhībhūto maṅkubhūto pattakkhandho adhomukho pajjhāyanto appaṭibhāno nisīdi.","en":"Then those wanderers said to Sarabha,\n“The ascetic Gotama has offered to tell you anything you ask for.\nSpeak, reverend Sarabha, what exactly have you learned of the teachings of the ascetics who follow the Sakyan?\nIf you’ve not learned it fully, he’ll fill you in.\nBut if you have learned it fully, he’ll agree.”\nWhen this was said, Sarabha sat silent, dismayed, shoulders drooping, downcast, depressed, with nothing to say."}},{"id":"an3.64:7","sourceIds":["an3.64:7.1"],"kind":"text","text":{"pi":"Atha kho bhagavā sarabhaṁ paribbājakaṁ tuṇhībhūtaṁ maṅkubhūtaṁ pattakkhandhaṁ adhomukhaṁ pajjhāyantaṁ appaṭibhānaṁ viditvā te paribbājake etadavoca:","en":"Knowing this, the Buddha said to the wanderers:"}},{"id":"an3.64:8","sourceIds":["an3.64:8.1","an3.64:8.2","an3.64:8.3"],"kind":"text","text":{"pi":"“Yo kho maṁ, paribbājakā, evaṁ vadeyya:\n‘sammāsambuddhassa te paṭijānato ime dhammā anabhisambuddhā’ti, tamahaṁ tattha sādhukaṁ samanuyuñjeyyaṁ samanugāheyyaṁ samanubhāseyyaṁ.\nSo vata mayā sādhukaṁ samanuyuñjiyamāno samanugāhiyamāno samanubhāsiyamāno aṭṭhānametaṁ anavakāso yaṁ so tiṇṇaṁ ṭhānānaṁ nāññataraṁ ṭhānaṁ nigaccheyya, aññena vā aññaṁ paṭicarissati, bahiddhā kathaṁ apanāmessati, kopañca dosañca appaccayañca pātukarissati, tuṇhībhūto maṅkubhūto pattakkhandho adhomukho pajjhāyanto appaṭibhāno nisīdissati, seyyathāpi sarabho paribbājako.","en":"“Wanderers, someone might say to me:\n‘You claim to be a fully awakened Buddha, but you don’t understand these things.’ Then I’d carefully pursue, press, and grill them on that point.\nWhen grilled by me, they would, without a doubt, fall into one of these three categories. They’d dodge the issue, distracting the discussion with irrelevant points. They’d display annoyance, hate, and bitterness. Or they’d sit silent, dismayed, shoulders drooping, downcast, depressed, with nothing to say, like Sarabha."}},{"id":"an3.64:9","sourceIds":["an3.64:9.1","an3.64:9.2","an3.64:9.3"],"kind":"text","text":{"pi":"Yo kho maṁ, paribbājakā, evaṁ vadeyya:\n‘khīṇāsavassa te paṭijānato ime āsavā aparikkhīṇā’ti, tamahaṁ tattha sādhukaṁ samanuyuñjeyyaṁ samanugāheyyaṁ samanubhāseyyaṁ.\nSo vata mayā sādhukaṁ samanuyuñjiyamāno samanugāhiyamāno samanubhāsiyamāno aṭṭhānametaṁ anavakāso yaṁ so tiṇṇaṁ ṭhānānaṁ nāññataraṁ ṭhānaṁ nigaccheyya, aññena vā aññaṁ paṭicarissati, bahiddhā kathaṁ apanāmessati, kopañca dosañca appaccayañca pātukarissati, tuṇhībhūto maṅkubhūto pattakkhandho adhomukho pajjhāyanto appaṭibhāno nisīdissati, seyyathāpi sarabho paribbājako.","en":"Wanderers, someone might say to me:\n‘You claim to have ended all defilements, but you still have these defilements.’ Then I’d carefully pursue, press, and grill them on that point.\nWhen grilled by me, they would, without a doubt, fall into one of these three categories. They’d dodge the issue, distracting the discussion with irrelevant points. They’d display annoyance, hate, and bitterness. Or they’d sit silent, dismayed, shoulders drooping, downcast, depressed, with nothing to say, like Sarabha."}},{"id":"an3.64:10","sourceIds":["an3.64:10.1","an3.64:10.2","an3.64:10.3","an3.64:10.4"],"kind":"text","text":{"pi":"Yo kho maṁ, paribbājakā, evaṁ vadeyya:\n‘yassa kho pana te atthāya dhammo desito, so na niyyāti takkarassa sammā dukkhakkhayāyā’ti, tamahaṁ tattha sādhukaṁ samanuyuñjeyyaṁ samanugāheyyaṁ samanubhāseyyaṁ.\nSo vata mayā sādhukaṁ samanuyuñjiyamāno samanugāhiyamāno samanubhāsiyamāno aṭṭhānametaṁ anavakāso yaṁ so tiṇṇaṁ ṭhānānaṁ nāññataraṁ ṭhānaṁ nigaccheyya, aññena vā aññaṁ paṭicarissati, bahiddhā kathaṁ apanāmessati, kopañca dosañca appaccayañca pātukarissati, tuṇhībhūto maṅkubhūto pattakkhandho adhomukho pajjhāyanto appaṭibhāno nisīdissati, seyyathāpi sarabho paribbājako”ti.\nAtha kho bhagavā sippinikātīre paribbājakārāme tikkhattuṁ sīhanādaṁ naditvā vehāsaṁ pakkāmi.","en":"Wanderers, someone might say to me:\n‘Regardless of your goal in teaching the Dhamma, it does not deliver one who applies it to the complete ending of suffering.’ Then I’d carefully pursue, press, and grill them on that point.\nWhen grilled by me, they would, without a doubt, fall into one of these three categories. They’d dodge the issue, distracting the discussion with irrelevant points. They’d display annoyance, hate, and bitterness. Or they’d sit silent, dismayed, shoulders drooping, downcast, depressed, with nothing to say, like Sarabha.”\nThen the Buddha, having roared his lion’s roar three times in the monastery for the wanderers on the bank of the Serpentine River, rose into the air and flew away."}},{"id":"an3.64:11","sourceIds":["an3.64:11.1","an3.64:11.2","an3.64:11.3","an3.64:11.4","an3.64:11.5","an3.64:11.6","an3.64:11.7","an3.64:11.8","an3.64:11.9"],"kind":"text","text":{"pi":"Atha kho te paribbājakā acirapakkantassa bhagavato sarabhaṁ paribbājakaṁ samantato vācāyasannitodakena sañjambharimakaṁsu:\n“seyyathāpi, āvuso sarabha, brahāraññe jarasiṅgālo ‘sīhanādaṁ nadissāmī’ti siṅgālakaṁyeva nadati, bheraṇḍakaṁyeva nadati;\nevamevaṁ kho tvaṁ, āvuso sarabha, aññatreva samaṇena gotamena ‘sīhanādaṁ nadissāmī’ti siṅgālakaṁyeva nadasi bheraṇḍakaṁyeva nadasi.\nSeyyathāpi, āvuso sarabha, ambukasañcarī ‘purisakaravitaṁ ravissāmī’ti ambukasañcariravitaṁyeva ravati;\nevamevaṁ kho tvaṁ, āvuso sarabha, aññatreva samaṇena gotamena ‘purisakaravitaṁ ravissāmī’ti, ambukasañcariravitaṁyeva ravasi.\nSeyyathāpi, āvuso sarabha, usabho suññāya gosālāya gambhīraṁ naditabbaṁ maññati;\nevamevaṁ kho tvaṁ, āvuso sarabha, aññatreva samaṇena gotamena gambhīraṁ naditabbaṁ maññasī”ti.\nAtha kho te paribbājakā sarabhaṁ paribbājakaṁ samantato vācāyasannitodakena sañjambharimakaṁsūti.\nCatutthaṁ.","en":"Soon after the Buddha left, those wanderers beset Sarabha on all sides with sneering and jeering.\n“Reverend Sarabha, you’re just like an old jackal in the formidable wilderness who thinks, ‘I’ll roar a lion’s roar!’ but they still only manage to squeal and yelp like a jackal.\nIn the same way, when the ascetic Gotama wasn’t here you said ‘I’ll roar a lion’s roar!’ but you only managed to squeal and yelp like a jackal.\nYou’re just like a marsh hen who thinks, ‘I’ll cry like a cuckoo!’ but they still only manage to cry like a marsh hen.\nIn the same way, when the ascetic Gotama wasn’t here you said ‘I’ll cry like a cuckoo!’ but you still only managed to cry like a marsh hen.\nYou’re just like a bull that thinks to bellow only when the cowstall is empty.\nIn the same way, you only thought to bellow when the ascetic Gotama wasn’t here.”\nThat’s how those wanderers beset Sarabha on all sides with sneering and jeering."}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/an3.64/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}