{"id":"an3.79","title":"Fragrances","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"an3.79","title":"Fragrances","units":[{"id":"an3.79:0","sourceIds":["an3.79:0.1","an3.79:0.2","an3.79:0.3"],"kind":"text","text":{"pi":"Aṅguttara Nikāya 3.79\n8. Ānandavagga\nGandhajātasutta","en":"Numbered Discourses 3.79\n8. Ānanda\nFragrances"}},{"id":"an3.79:1","sourceIds":["an3.79:1.1"],"kind":"text","text":{"pi":"Atha kho āyasmā ānando yena bhagavā tenupasaṅkami; upasaṅkamitvā bhagavantaṁ abhivādetvā ekamantaṁ nisīdi. Ekamantaṁ nisinno kho āyasmā ānando bhagavantaṁ etadavoca:","en":"Then Venerable Ānanda went up to the Buddha, bowed, sat down to one side, and said to him:"}},{"id":"an3.79:2","sourceIds":["an3.79:2.1","an3.79:2.2","an3.79:2.3","an3.79:2.4","an3.79:2.5"],"kind":"text","text":{"pi":"“Tīṇimāni, bhante, gandhajātāni, yesaṁ anuvātaṁyeva gandho gacchati, no paṭivātaṁ.\nKatamāni tīṇi?\nMūlagandho, sāragandho, pupphagandho—\nimāni kho, bhante, tīṇi gandhajātāni, yesaṁ anuvātaṁyeva gandho gacchati, no paṭivātaṁ.\nAtthi nu kho, bhante, kiñci gandhajātaṁ yassa anuvātampi gandho gacchati, paṭivātampi gandho gacchati, anuvātapaṭivātampi gandho gacchatī”ti?","en":"“Sir, there are these three kinds of fragrance that spread only with the wind, not against it.\nWhat three?\nThe fragrance of roots, heartwood, and flowers.\nThese are the three kinds of fragrance that spread only with the wind, not against it.\nIs there a kind of fragrance that spreads with the wind, and against it, and both ways?”"}},{"id":"an3.79:3","sourceIds":["an3.79:3.1","an3.79:3.2"],"kind":"text","text":{"pi":"“Atthānanda, kiñci gandhajātaṁ yassa anuvātampi gandho gacchati, paṭivātampi gandho gacchati, anuvātapaṭivātampi gandho gacchatī”ti.\n“Katamañca pana, bhante, gandhajātaṁ yassa anuvātampi gandho gacchati, paṭivātampi gandho gacchati, anuvātapaṭivātampi gandho gacchatī”ti?","en":"“There is, Ānanda, such a kind of fragrance.”\n“So what, sir, is that kind of fragrance?”"}},{"id":"an3.79:4","sourceIds":["an3.79:4.1","an3.79:4.2","an3.79:4.3"],"kind":"text","text":{"pi":"“Idhānanda, yasmiṁ gāme vā nigame vā itthī vā puriso vā buddhaṁ saraṇaṁ gato hoti, dhammaṁ saraṇaṁ gato hoti, saṅghaṁ saraṇaṁ gato hoti,\npāṇātipātā paṭivirato hoti, adinnādānā paṭivirato hoti, kāmesumicchācārā paṭivirato hoti, musāvādā paṭivirato hoti, surāmerayamajjapamādaṭṭhānā paṭivirato hoti, sīlavā hoti kalyāṇadhammo,\nvigatamalamaccherena cetasā agāraṁ ajjhāvasati muttacāgo payatapāṇi vossaggarato yācayogo dānasaṁvibhāgarato.","en":"“It’s when, Ānanda, in some village or town, a woman or man has gone for refuge to the Buddha, the teaching, and the Saṅgha.\nThey don’t kill living creatures, steal, commit sexual misconduct, lie, or consume intoxicants of beer, wine, and liquor. They’re ethical, of good character.\nThey live at home with heart rid of the stain of stinginess, freely generous, open-handed, loving to let go, committed to charity, loving to give and to share."}},{"id":"an3.79:5","sourceIds":["an3.79:5.1","an3.79:5.2","an3.79:5.3","an3.79:5.4"],"kind":"text","text":{"pi":"Tassa disāsu samaṇabrāhmaṇā vaṇṇaṁ bhāsanti:\n‘amukasmiṁ nāma gāme vā nigame vā itthī vā puriso vā buddhaṁ saraṇaṁ gato hoti, dhammaṁ saraṇaṁ gato hoti, saṅghaṁ saraṇaṁ gato hoti,\npāṇātipātā paṭivirato hoti, adinnādānā paṭivirato hoti, kāmesumicchācārā paṭivirato hoti, musāvādā paṭivirato hoti, surāmerayamajjapamādaṭṭhānā paṭivirato hoti, sīlavā hoti kalyāṇadhammo,\nvigatamalamaccherena cetasā agāraṁ ajjhāvasati muttacāgo payatapāṇi vossaggarato yācayogo dānasaṁvibhāgarato’ti.","en":"Ascetics and brahmins everywhere praise them for these good qualities;"}},{"id":"an3.79:6","sourceIds":["an3.79:6.1","an3.79:6.2","an3.79:6.3","an3.79:6.4","an3.79:6.5"],"kind":"text","text":{"pi":"Devatāpissa vaṇṇaṁ bhāsanti:\n‘amukasmiṁ nāma gāme vā nigame vā itthī vā puriso vā buddhaṁ saraṇaṁ gato hoti, dhammaṁ saraṇaṁ gato hoti, saṅghaṁ saraṇaṁ gato hoti,\npāṇātipātā paṭivirato hoti …pe… surāmerayamajjapamādaṭṭhānā paṭivirato hoti, sīlavā hoti kalyāṇadhammo,\nvigatamalamaccherena cetasā agāraṁ ajjhāvasati muttacāgo payatapāṇi vossaggarato yācayogo dānasaṁvibhāgarato’ti.\nIdaṁ kho taṁ, ānanda, gandhajātaṁ yassa anuvātampi gandho gacchati, paṭivātampi gandho gacchati, anuvātapaṭivātampi gandho gacchatīti.","en":"even the deities praise them.\nThis is the kind of fragrance that spreads with the wind, and against it, and both."}},{"id":"an3.79:7","sourceIds":["an3.79:7.1","an3.79:7.2","an3.79:7.3","an3.79:7.4","an3.79:7.5"],"kind":"text","text":{"pi":"Na pupphagandho paṭivātameti,\nNa candanaṁ tagaramallikā vā;\nSatañca gandho paṭivātameti,\nSabbā disā sappuriso pavāyatī”ti.\nNavamaṁ.","en":"The fragrance of flowers doesn’t spread against the wind,\nnor sandalwood, pinwheel flowers, or jasmine;\nbut the fragrance of the good spreads against the wind;\na true person’s virtue spreads in every direction.”"}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/an3.79/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}