{"id":"an3.80","title":"Lesser","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"an3.80","title":"Lesser","units":[{"id":"an3.80:0","sourceIds":["an3.80:0.1","an3.80:0.2","an3.80:0.3"],"kind":"text","text":{"pi":"Aṅguttara Nikāya 3.80\n8. Ānandavagga\nCūḷanikāsutta","en":"Numbered Discourses 3.80\n8. Ānanda\nLesser"}},{"id":"an3.80:1","sourceIds":["an3.80:1.1","an3.80:1.2","an3.80:1.3","an3.80:1.4","an3.80:1.5"],"kind":"text","text":{"pi":"Atha kho āyasmā ānando yena bhagavā tenupasaṅkami; upasaṅkamitvā bhagavantaṁ abhivādetvā ekamantaṁ nisīdi. Ekamantaṁ nisinno kho āyasmā ānando bhagavantaṁ etadavoca:\n“sammukhā metaṁ, bhante, bhagavato sutaṁ sammukhā paṭiggahitaṁ:\n‘bhagavato, ānanda, sikhissa abhibhū nāma sāvako brahmaloke ṭhito sahassilokadhātuṁ sarena viññāpesī’ti.\nBhagavā pana, bhante, arahaṁ sammāsambuddho kīvatakaṁ pahoti sarena viññāpetun”ti?\n“Sāvako so, ānanda, appameyyā tathāgatā”ti.","en":"Then Venerable Ānanda went up to the Buddha, bowed, sat down to one side, and said to him:\n“Sir, I have heard and learned this in the presence of the Buddha:\n‘Ānanda, the Buddha Sikhī had a disciple named Abhibhū. Standing in the realm of divinity, he could make his voice heard throughout the thousandfold galaxy.’\nI wonder how far a Blessed One, a perfected one, a fully awakened Buddha can make their voice heard?”\n“He was a disciple, Ānanda. Realized Ones are immeasurable.”"}},{"id":"an3.80:2","sourceIds":["an3.80:2.1","an3.80:2.2","an3.80:2.3","an3.80:2.4","an3.80:2.5"],"kind":"text","text":{"pi":"Dutiyampi kho āyasmā ānando bhagavantaṁ etadavoca:\n“sammukhā metaṁ, bhante, bhagavato sutaṁ sammukhā paṭiggahitaṁ:\n‘bhagavato, ānanda, sikhissa abhibhū nāma sāvako brahmaloke ṭhito sahassilokadhātuṁ sarena viññāpesī’ti.\nBhagavā pana, bhante, arahaṁ sammāsambuddho kīvatakaṁ pahoti sarena viññāpetun”ti?\n“Sāvako so, ānanda, appameyyā tathāgatā”ti.","en":"For a second time …"}},{"id":"an3.80:3","sourceIds":["an3.80:3.1","an3.80:3.2","an3.80:3.3","an3.80:3.4","an3.80:3.5","an3.80:3.6","an3.80:3.7","an3.80:3.8","an3.80:3.9","an3.80:3.10"],"kind":"text","text":{"pi":"Tatiyampi kho āyasmā ānando bhagavantaṁ etadavoca:\n“sammukhā metaṁ, bhante, bhagavato sutaṁ sammukhā paṭiggahitaṁ:\n‘bhagavato, ānanda, sikhissa abhibhū nāma sāvako brahmaloke ṭhito sahassilokadhātuṁ sarena viññāpesī’ti.\nBhagavā pana, bhante, arahaṁ sammāsambuddho kīvatakaṁ pahoti sarena viññāpetun”ti?\n“Sutā te, ānanda, sahassī cūḷanikā lokadhātū”ti?\n“Etassa, bhagavā, kālo; etassa, sugata, kālo,\nyaṁ bhagavā bhāseyya. Bhagavato sutvā bhikkhū dhāressantī”ti.\n“Tenahānanda, suṇāhi sādhukaṁ manasi karohi, bhāsissāmī”ti.\n“Evaṁ, bhante”ti kho āyasmā ānando bhagavato paccassosi.\nBhagavā etadavoca:","en":"For a third time, Ānanda said to the Buddha:\n“… I wonder how far a Blessed One, a perfected one, a fully awakened Buddha can make their voice heard?”\n“Ānanda, have you heard of a thousandfold lesser world system, a galaxy?”\n“Now is the time, Blessed One! Now is the time, Holy One!\nLet the Buddha speak. The mendicants will listen and remember it.”\n“Well then, Ānanda, listen and apply your mind well, I will speak.”\n“Yes, sir,” Ānanda replied.\nThe Buddha said this:"}},{"id":"an3.80:4","sourceIds":["an3.80:4.1","an3.80:4.2","an3.80:4.3"],"kind":"text","text":{"pi":"“Yāvatā, ānanda, candimasūriyā pariharanti, disā bhanti virocanā, tāva sahassadhā loko.\nTasmiṁ sahassadhā loke sahassaṁ candānaṁ, sahassaṁ sūriyānaṁ, sahassaṁ sinerupabbatarājānaṁ, sahassaṁ jambudīpānaṁ, sahassaṁ aparagoyānānaṁ, sahassaṁ uttarakurūnaṁ, sahassaṁ pubbavidehānaṁ, cattāri mahāsamuddasahassāni, cattāri mahārājasahassāni, sahassaṁ cātumahārājikānaṁ, sahassaṁ tāvatiṁsānaṁ, sahassaṁ yāmānaṁ, sahassaṁ tusitānaṁ, sahassaṁ nimmānaratīnaṁ, sahassaṁ paranimmitavasavattīnaṁ, sahassaṁ brahmalokānaṁ—\nayaṁ vuccatānanda, sahassī cūḷanikā lokadhātu.","en":"“Ānanda, a galaxy extends a thousand times as far as the moon and sun revolve and the dazzling ones light up the quarters.\nIn that galaxy there are a thousand moons, a thousand suns, a thousand Sinerus king of mountains, a thousand Black Plum Tree Lands, a thousand lands west of Godāvarī, a thousand lands north of Kuru, a thousand lands east of Videha, four thousand oceans, four thousand great kings, a thousand realms of the gods of the four great kings, a thousand realms of the gods of the thirty-three, of the gods of Yama, of the joyful gods, of the gods who love to create, of the gods who control what is created by others, and a thousand realms of divinity.\nThis is called a thousandfold lesser world system, a ‘galaxy’."}},{"id":"an3.80:5","sourceIds":["an3.80:5.1","an3.80:5.2"],"kind":"text","text":{"pi":"Yāvatānanda, sahassī cūḷanikā lokadhātu tāva sahassadhā loko.\nAyaṁ vuccatānanda, dvisahassī majjhimikā lokadhātu.","en":"A world system that extends for a thousand galaxies\nis called a millionfold middling world system, a ‘galactic cluster’."}},{"id":"an3.80:6","sourceIds":["an3.80:6.1","an3.80:6.2"],"kind":"text","text":{"pi":"Yāvatānanda, dvisahassī majjhimikā lokadhātu tāva sahassadhā loko.\nAyaṁ vuccatānanda, tisahassī mahāsahassī lokadhātu.","en":"A world system that extends for a thousand galactic clusters\nis called a billionfold great world system, a ‘galactic supercluster’."}},{"id":"an3.80:7","sourceIds":["an3.80:7.1"],"kind":"text","text":{"pi":"Ākaṅkhamāno, ānanda, tathāgato tisahassimahāsahassilokadhātuṁ sarena viññāpeyya, yāvatā pana ākaṅkheyyā”ti.","en":"If he wished, Ānanda, a Realized One could make his voice heard throughout a galactic supercluster, or as far as he wants.”"}},{"id":"an3.80:8","sourceIds":["an3.80:8.1","an3.80:8.2","an3.80:8.3","an3.80:8.4"],"kind":"text","text":{"pi":"“Yathā kathaṁ pana, bhante, bhagavā tisahassimahāsahassilokadhātuṁ sarena viññāpeyya, yāvatā pana ākaṅkheyyā”ti?\n“Idhānanda, tathāgato tisahassimahāsahassilokadhātuṁ obhāsena phareyya.\nYadā te sattā taṁ ālokaṁ sañjāneyyuṁ, atha tathāgato ghosaṁ kareyya saddamanussāveyya.\nEvaṁ kho, ānanda, tathāgato tisahassimahāsahassilokadhātuṁ sarena viññāpeyya, yāvatā pana ākaṅkheyyā”ti.","en":"“But how would the Buddha make his voice heard so far?”\n“First, Ānanda, a Realized One would fill the galactic supercluster with light.\nWhen sentient beings saw the light, the Realized One would project his call so that they’d hear the sound.\nThat’s how a Realized One could make his voice heard throughout a galactic supercluster, or as far as he wants.”"}},{"id":"an3.80:9","sourceIds":["an3.80:9.1","an3.80:9.2","an3.80:9.3","an3.80:9.4","an3.80:9.5","an3.80:9.6","an3.80:9.7","an3.80:9.8","an3.80:9.9","an3.80:9.10","an3.80:9.11"],"kind":"text","text":{"pi":"Evaṁ vutte, āyasmā ānando āyasmantaṁ udāyiṁ etadavoca:\n“lābhā vata me, suladdhaṁ vata me,\nyassa me satthā evaṁmahiddhiko evaṁmahānubhāvo”ti.\nEvaṁ vutte, āyasmā udāyī āyasmantaṁ ānandaṁ etadavoca:\n“kiṁ tuyhettha, āvuso ānanda, yadi te satthā evaṁmahiddhiko evaṁmahānubhāvo”ti?\nEvaṁ vutte, bhagavā āyasmantaṁ udāyiṁ etadavoca:\n“mā hevaṁ, udāyi, mā hevaṁ, udāyi.\nSace, udāyi, ānando avītarāgo kālaṁ kareyya, tena cittappasādena sattakkhattuṁ devesu devarajjaṁ kāreyya, sattakkhattuṁ imasmiṁyeva jambudīpe mahārajjaṁ kāreyya.\nApi ca, udāyi, ānando diṭṭheva dhamme parinibbāyissatī”ti.\nDasamaṁ.\nĀnandavaggo tatiyo.","en":"When he said this, Venerable Ānanda said,\n“I’m so fortunate, so very fortunate,\nto have a teacher with such power and might!”\nWhen he said this, Venerable Udāyī said to Venerable Ānanda,\n“What is it to you, Reverend Ānanda, if your teacher has such power and might?”\nWhen he said this, the Buddha said to Venerable Udāyī,\n“Not so, Udāyī, not so!\nIf Ānanda were to die while still not free of greed, he would rule as king of the gods for seven lifetimes, or as king of the Black Plum Tree Land for seven lifetimes, because of the confidence of his heart.\nHowever, Ānanda will be fully extinguished in this very life.”"}},{"id":"an3.80:10","sourceIds":["an3.80:10.0","an3.80:10.1","an3.80:10.2","an3.80:10.3","an3.80:10.4"],"kind":"text","text":{"pi":"Tassuddānaṁ\nChanno ājīvako sakko,\nnigaṇṭho ca nivesako;\nDuve bhavā sīlabbataṁ,\ngandhajātañca cūḷanīti."}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/an3.80/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}