{"id":"an3.83","title":"Fields","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"an3.83","title":"Fields","units":[{"id":"an3.83:0","sourceIds":["an3.83:0.1","an3.83:0.2","an3.83:0.3"],"kind":"text","text":{"pi":"Aṅguttara Nikāya 3.83\n9. Samaṇavagga\nKhettasutta","en":"Numbered Discourses 3.83\n9. Ascetics\nFields"}},{"id":"an3.83:1","sourceIds":["an3.83:1.1","an3.83:1.2","an3.83:1.3","an3.83:1.4","an3.83:1.5","an3.83:1.6"],"kind":"text","text":{"pi":"“Tīṇimāni, bhikkhave, kassakassa gahapatissa pubbe karaṇīyāni.\nKatamāni tīṇi?\nIdha, bhikkhave, kassako gahapati paṭikacceva khettaṁ sukaṭṭhaṁ karoti sumatikataṁ.\nPaṭikacceva khettaṁ sukaṭṭhaṁ karitvā sumatikataṁ kālena bījāni patiṭṭhāpeti.\nKālena bījāni patiṭṭhāpetvā samayena udakaṁ abhinetipi apanetipi.\nImāni kho, bhikkhave, tīṇi kassakassa gahapatissa pubbe karaṇīyāni.","en":"“Mendicants, a farmer has three primary duties.\nWhat three?\nA farmer first of all makes sure the field is well ploughed and tilled.\nNext they plant seeds in season.\nWhen the time is right, they irrigate the field and then drain it.\nThese are the three primary duties of a farmer."}},{"id":"an3.83:2","sourceIds":["an3.83:2.1","an3.83:2.2","an3.83:2.3","an3.83:2.4"],"kind":"text","text":{"pi":"Evamevaṁ kho, bhikkhave, tīṇimāni bhikkhussa pubbe karaṇīyāni.\nKatamāni tīṇi?\nAdhisīlasikkhāsamādānaṁ, adhicittasikkhāsamādānaṁ, adhipaññāsikkhāsamādānaṁ—\nimāni kho, bhikkhave, tīṇi bhikkhussa pubbe karaṇīyāni.","en":"In the same way, a mendicant has three primary duties.\nWhat three?\nUndertaking the training in the higher ethics, the higher mind, and the higher wisdom.\nThese are the three primary duties of a mendicant."}},{"id":"an3.83:3","sourceIds":["an3.83:3.1","an3.83:3.2","an3.83:3.3","an3.83:3.4"],"kind":"text","text":{"pi":"Tasmātiha, bhikkhave, evaṁ sikkhitabbaṁ:\n‘tibbo no chando bhavissati adhisīlasikkhāsamādāne, tibbo no chando bhavissati adhicittasikkhāsamādāne, tibbo no chando bhavissati adhipaññāsikkhāsamādāne’ti.\nEvañhi vo, bhikkhave, sikkhitabban”ti.\nTatiyaṁ.","en":"So you should train like this:\n‘We will have keen enthusiasm for undertaking the training in the higher ethics, the higher mind, and the higher wisdom.’\nThat’s how you should train.”"}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/an3.83/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}