{"id":"an3.84","title":"The Vajji","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"an3.84","title":"The Vajji","units":[{"id":"an3.84:0","sourceIds":["an3.84:0.1","an3.84:0.2","an3.84:0.3"],"kind":"text","text":{"pi":"Aṅguttara Nikāya 3.84\n9. Samaṇavagga\nVajjiputtasutta","en":"Numbered Discourses 3.84\n9. Ascetics\nThe Vajji"}},{"id":"an3.84:1","sourceIds":["an3.84:1.1","an3.84:1.2","an3.84:1.3","an3.84:1.4","an3.84:1.5","an3.84:1.6","an3.84:1.7","an3.84:1.8","an3.84:1.9","an3.84:1.10"],"kind":"text","text":{"pi":"Ekaṁ samayaṁ bhagavā vesāliyaṁ viharati mahāvane kūṭāgārasālāyaṁ.\nAtha kho aññataro vajjiputtako bhikkhu yena bhagavā tenupasaṅkami; upasaṅkamitvā bhagavantaṁ abhivādetvā ekamantaṁ nisīdi. Ekamantaṁ nisinno kho so vajjiputtako bhikkhu bhagavantaṁ etadavoca:\n“sādhikamidaṁ, bhante, diyaḍḍhasikkhāpadasataṁ anvaddhamāsaṁ uddesaṁ āgacchati.\nNāhaṁ, bhante, ettha sakkomi sikkhitun”ti.\n“Sakkhissasi pana tvaṁ, bhikkhu, tīsu sikkhāsu sikkhituṁ—\nadhisīlasikkhāya, adhicittasikkhāya adhipaññāsikkhāyā”ti?\n“Sakkomahaṁ, bhante, tīsu sikkhāsu sikkhituṁ—\nadhisīlasikkhāya, adhicittasikkhāya, adhipaññāsikkhāyā”ti.\n“Tasmātiha tvaṁ, bhikkhu, tīsu sikkhāsu sikkhassu—\nadhisīlasikkhāya, adhicittasikkhāya, adhipaññāsikkhāya.","en":"At one time the Buddha was staying near Vesālī, at the Great Wood, in the hall with the peaked roof.\nThen a certain Vajji monk went up to the Buddha, bowed, sat down to one side, and said to him:\n“Sir, each fortnight over a hundred and fifty training rules are recited.\nI’m not able to train in them.”\n“But monk, are you able to train in three trainings:\nthe higher ethics, the higher mind, and the higher wisdom?”\n“I am, sir.”\n“So, monk, you should train in these three trainings:\nthe higher ethics, the higher mind, and the higher wisdom."}},{"id":"an3.84:2","sourceIds":["an3.84:2.1","an3.84:2.2"],"kind":"text","text":{"pi":"Yato kho tvaṁ, bhikkhu, adhisīlampi sikkhissasi, adhicittampi sikkhissasi, adhipaññampi sikkhissasi, tassa tuyhaṁ bhikkhu adhisīlampi sikkhato adhicittampi sikkhato adhipaññampi sikkhato rāgo pahīyissati, doso pahīyissati, moho pahīyissati.\nSo tvaṁ rāgassa pahānā dosassa pahānā mohassa pahānā yaṁ akusalaṁ na taṁ karissasi, yaṁ pāpaṁ na taṁ sevissasī”ti.","en":"As you train in these, you will give up greed, hate, and delusion.\nThen you won’t do anything unskillful, or practice anything bad.”"}},{"id":"an3.84:3","sourceIds":["an3.84:3.1","an3.84:3.2","an3.84:3.3","an3.84:3.4"],"kind":"text","text":{"pi":"Atha kho so bhikkhu aparena samayena adhisīlampi sikkhi, adhicittampi sikkhi, adhipaññampi sikkhi.\nTassa adhisīlampi sikkhato adhicittampi sikkhato adhipaññampi sikkhato rāgo pahīyi, doso pahīyi, moho pahīyi.\nSo rāgassa pahānā dosassa pahānā mohassa pahānā yaṁ akusalaṁ taṁ nākāsi, yaṁ pāpaṁ taṁ na sevīti.\nCatutthaṁ.","en":"After some time that monk trained in the higher ethics, the higher mind, and the higher wisdom.\nHe gave up greed, hate, and delusion.\nThen he didn’t do anything unskillful, or practice anything bad."}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/an3.84/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}