{"id":"an3.86","title":"Training (1st)","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"an3.86","title":"Training (1st)","units":[{"id":"an3.86:0","sourceIds":["an3.86:0.1","an3.86:0.2","an3.86:0.3"],"kind":"text","text":{"pi":"Aṅguttara Nikāya 3.86\n9. Samaṇavagga\nPaṭhamasikkhāsutta","en":"Numbered Discourses 3.86\n9. Ascetics\nTraining (1st)"}},{"id":"an3.86:1","sourceIds":["an3.86:1.1","an3.86:1.2","an3.86:1.3","an3.86:1.4","an3.86:1.5"],"kind":"text","text":{"pi":"“Sādhikamidaṁ, bhikkhave, diyaḍḍhasikkhāpadasataṁ anvaddhamāsaṁ uddesaṁ āgacchati, yattha attakāmā kulaputtā sikkhanti.\nTisso imā, bhikkhave, sikkhā yatthetaṁ sabbaṁ samodhānaṁ gacchati.\nKatamā tisso?\nAdhisīlasikkhā, adhicittasikkhā adhipaññāsikkhā—\nimā kho, bhikkhave, tisso sikkhā, yatthetaṁ sabbaṁ samodhānaṁ gacchati.","en":"“Mendicants, each fortnight over a hundred and fifty training rules come up for recitation, in which gentlemen who desire self-knowledge train.\nThese are all included in the three trainings.\nWhat three?\nThe training in the higher ethics, the higher mind, and the higher wisdom.\nThese are the three trainings that include them all."}},{"id":"an3.86:2","sourceIds":["an3.86:2.1","an3.86:2.2","an3.86:2.3","an3.86:2.4","an3.86:2.5","an3.86:2.6"],"kind":"text","text":{"pi":"Idha, bhikkhave, bhikkhu sīlesu paripūrakārī hoti samādhismiṁ mattaso kārī paññāya mattaso kārī.\nSo yāni tāni khuddānukhuddakāni sikkhāpadāni tāni āpajjatipi vuṭṭhātipi.\nTaṁ kissa hetu?\nNa hi mettha, bhikkhave, abhabbatā vuttā.\nYāni ca kho tāni sikkhāpadāni ādibrahmacariyakāni brahmacariyasāruppāni, tattha dhuvasīlo ca hoti ṭhitasīlo ca, samādāya sikkhati sikkhāpadesu.\nSo tiṇṇaṁ saṁyojanānaṁ parikkhayā sotāpanno hoti avinipātadhammo niyato sambodhiparāyaṇo.","en":"Take the case of a mendicant who has fulfilled their ethics, but has limited immersion and wisdom.\nThey break some lesser and minor training rules, but are restored.\nWhy is that?\nBecause I don’t say they’re incapable of that.\nBut they’re constant and steady in their precepts regarding the training rules that are fundamental, befitting the spiritual path. They keep the rules they’ve undertaken.\nWith the ending of three fetters they’re a stream-enterer, not liable to be reborn in the underworld, assured, destined for awakening."}},{"id":"an3.86:3","sourceIds":["an3.86:3.1","an3.86:3.2","an3.86:3.3","an3.86:3.4","an3.86:3.5","an3.86:3.6"],"kind":"text","text":{"pi":"Idha pana, bhikkhave, bhikkhu sīlesu paripūrakārī hoti samādhismiṁ mattaso kārī paññāya mattaso kārī.\nSo yāni tāni khuddānukhuddakāni sikkhāpadāni tāni āpajjatipi vuṭṭhātipi.\nTaṁ kissa hetu?\nNa hi mettha, bhikkhave, abhabbatā vuttā.\nYāni ca kho tāni sikkhāpadāni ādibrahmacariyakāni brahmacariyasāruppāni tattha dhuvasīlo ca hoti ṭhitasīlo ca, samādāya sikkhati sikkhāpadesu.\nSo tiṇṇaṁ saṁyojanānaṁ parikkhayā rāgadosamohānaṁ tanuttā sakadāgāmī hoti, sakideva imaṁ lokaṁ āgantvā dukkhassantaṁ karoti.","en":"Take another case of a mendicant who has fulfilled their ethics, but has limited immersion and wisdom.\nThey break some lesser and minor training rules, but are restored.\nWhy is that?\nBecause I don’t say they’re incapable of that.\nBut they’re constant and steady in their precepts regarding the training rules that are fundamental, befitting the spiritual path. They keep the rules they’ve undertaken.\nWith the ending of three fetters, and the weakening of greed, hate, and delusion, they’re a once-returner. They come back to this world once only, then make an end of suffering."}},{"id":"an3.86:4","sourceIds":["an3.86:4.1","an3.86:4.2","an3.86:4.3","an3.86:4.4","an3.86:4.5","an3.86:4.6"],"kind":"text","text":{"pi":"Idha pana, bhikkhave, bhikkhu sīlesu paripūrakārī hoti samādhismiṁ paripūrakārī paññāya mattaso kārī.\nSo yāni tāni khuddānukhuddakāni sikkhāpadāni tāni āpajjatipi vuṭṭhātipi.\nTaṁ kissa hetu?\nNa hi mettha, bhikkhave, abhabbatā vuttā.\nYāni ca kho tāni sikkhāpadāni ādibrahmacariyakāni brahmacariyasāruppāni tattha dhuvasīlo ca hoti ṭhitasīlo ca, samādāya sikkhati sikkhāpadesu.\nSo pañcannaṁ orambhāgiyānaṁ saṁyojanānaṁ parikkhayā opapātiko hoti tattha parinibbāyī anāvattidhammo tasmā lokā.","en":"Take another case of a mendicant who has fulfilled their ethics and immersion, but has limited wisdom.\nThey break some lesser and minor training rules, but are restored.\nWhy is that?\nBecause I don’t say they’re incapable of that.\nBut they’re constant and steady in their precepts regarding the training rules that are fundamental, befitting the spiritual path. They keep the rules they’ve undertaken.\nWith the ending of the five lower fetters they’re reborn spontaneously. They are extinguished there, and are not liable to return from that world."}},{"id":"an3.86:5","sourceIds":["an3.86:5.1","an3.86:5.2","an3.86:5.3","an3.86:5.4","an3.86:5.5","an3.86:5.6"],"kind":"text","text":{"pi":"Idha pana, bhikkhave, bhikkhu sīlesu paripūrakārī hoti samādhismiṁ paripūrakārī paññāya paripūrakārī.\nSo yāni tāni khuddānukhuddakāni sikkhāpadāni tāni āpajjatipi vuṭṭhātipi.\nTaṁ kissa hetu?\nNa hi mettha, bhikkhave, abhabbatā vuttā.\nYāni ca kho tāni sikkhāpadāni ādibrahmacariyakāni brahmacariyasāruppāni tattha dhuvasīlo ca hoti ṭhitasīlo ca, samādāya sikkhati sikkhāpadesu.\nSo āsavānaṁ khayā anāsavaṁ cetovimuttiṁ paññāvimuttiṁ diṭṭheva dhamme sayaṁ abhiññā sacchikatvā upasampajja viharati.","en":"Take another case of a mendicant who has fulfilled their ethics, immersion, and wisdom.\nThey break some lesser and minor training rules, but are restored.\nWhy is that?\nBecause I don’t say they’re incapable of that.\nBut they’re constant and steady in their precepts regarding the training rules that are fundamental, befitting the spiritual path. They keep the rules they’ve undertaken.\nThey realize the undefiled freedom of heart and freedom by wisdom. And they live having realized it with their own insight in this very life due to the ending of defilements."}},{"id":"an3.86:6","sourceIds":["an3.86:6.1","an3.86:6.2","an3.86:6.3"],"kind":"text","text":{"pi":"Iti kho, bhikkhave, padesaṁ padesakārī ārādheti paripūraṁ paripūrakārī.\nAvañjhāni tvevāhaṁ, bhikkhave, sikkhāpadāni vadāmī”ti.\nChaṭṭhaṁ.","en":"So, mendicants, if you practice partially you succeed partially. If you practice fully you succeed fully.\nBut in any case, these training rules are not barren, I say.”"}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/an3.86/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}