{"id":"an3.88","title":"Training (3rd)","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"an3.88","title":"Training (3rd)","units":[{"id":"an3.88:0","sourceIds":["an3.88:0.1","an3.88:0.2","an3.88:0.3"],"kind":"text","text":{"pi":"Aṅguttara Nikāya 3.88\n9. Samaṇavagga\nTatiyasikkhāsutta","en":"Numbered Discourses 3.88\n9. Ascetics\nTraining (3rd)"}},{"id":"an3.88:1","sourceIds":["an3.88:1.1","an3.88:1.2","an3.88:1.3","an3.88:1.4","an3.88:1.5"],"kind":"text","text":{"pi":"“Sādhikamidaṁ, bhikkhave, diyaḍḍhasikkhāpadasataṁ anvaddhamāsaṁ uddesaṁ āgacchati yattha attakāmā kulaputtā sikkhanti.\nTisso imā, bhikkhave, sikkhā yatthetaṁ sabbaṁ samodhānaṁ gacchati.\nKatamā tisso?\nAdhisīlasikkhā, adhicittasikkhā, adhipaññāsikkhā—\nimā kho, bhikkhave, tisso sikkhā yatthetaṁ sabbaṁ samodhānaṁ gacchati.","en":"“Mendicants, each fortnight over a hundred and fifty training rules come up for recitation, in which gentlemen who desire self-knowledge train.\nThese are all included in the three trainings.\nWhat three?\nThe training in the higher ethics, the higher mind, and the higher wisdom.\nThese are the three trainings that include them all."}},{"id":"an3.88:2","sourceIds":["an3.88:2.1","an3.88:2.2","an3.88:2.3","an3.88:2.4","an3.88:2.5","an3.88:2.6","an3.88:2.7","an3.88:2.8","an3.88:2.9","an3.88:2.10","an3.88:2.11","an3.88:2.12","an3.88:2.13","an3.88:2.14","an3.88:2.15"],"kind":"text","text":{"pi":"Idha, bhikkhave, bhikkhu sīlesu paripūrakārī hoti samādhismiṁ paripūrakārī paññāya paripūrakārī.\nSo yāni tāni khuddānukhuddakāni sikkhāpadāni tāni āpajjatipi vuṭṭhātipi.\nTaṁ kissa hetu?\nNa hi mettha, bhikkhave, abhabbatā vuttā.\nYāni ca kho tāni sikkhāpadāni ādibrahmacariyakāni brahmacariyasāruppāni tattha dhuvasīlo ca hoti ṭhitasīlo ca, samādāya sikkhati sikkhāpadesu.\nSo āsavānaṁ khayā anāsavaṁ cetovimuttiṁ paññāvimuttiṁ diṭṭheva dhamme sayaṁ abhiññā sacchikatvā upasampajja viharati.\nTaṁ vā pana anabhisambhavaṁ appaṭivijjhaṁ pañcannaṁ orambhāgiyānaṁ saṁyojanānaṁ parikkhayā antarāparinibbāyī hoti.\nTaṁ vā pana anabhisambhavaṁ appaṭivijjhaṁ pañcannaṁ orambhāgiyānaṁ saṁyojanānaṁ parikkhayā upahaccaparinibbāyī hoti.\nTaṁ vā pana anabhisambhavaṁ appaṭivijjhaṁ pañcannaṁ orambhāgiyānaṁ saṁyojanānaṁ parikkhayā asaṅkhāraparinibbāyī hoti.\nTaṁ vā pana anabhisambhavaṁ appaṭivijjhaṁ pañcannaṁ orambhāgiyānaṁ saṁyojanānaṁ parikkhayā sasaṅkhāraparinibbāyī hoti.\nTaṁ vā pana anabhisambhavaṁ appaṭivijjhaṁ pañcannaṁ orambhāgiyānaṁ saṁyojanānaṁ parikkhayā uddhaṁsoto hoti akaniṭṭhagāmī.\nTaṁ vā pana anabhisambhavaṁ appaṭivijjhaṁ tiṇṇaṁ saṁyojanānaṁ parikkhayā, rāgadosamohānaṁ tanuttā sakadāgāmī hoti, sakideva imaṁ lokaṁ āgantvā dukkhassantaṁ karoti.\nTaṁ vā pana anabhisambhavaṁ appaṭivijjhaṁ tiṇṇaṁ saṁyojanānaṁ parikkhayā ekabījī hoti, ekaṁyeva mānusakaṁ bhavaṁ nibbattetvā dukkhassantaṁ karoti.\nTaṁ vā pana anabhisambhavaṁ appaṭivijjhaṁ tiṇṇaṁ saṁyojanānaṁ parikkhayā kolaṅkolo hoti, dve vā tīṇi vā kulāni sandhāvitvā saṁsaritvā dukkhassantaṁ karoti.\nTaṁ vā pana anabhisambhavaṁ appaṭivijjhaṁ tiṇṇaṁ saṁyojanānaṁ parikkhayā sattakkhattuparamo hoti, sattakkhattuparamaṁ deve ca manusse ca sandhāvitvā saṁsaritvā dukkhassantaṁ karoti.","en":"Take the case of a mendicant who has fulfilled their ethics, immersion, and wisdom.\nThey break some lesser and minor training rules, but are restored.\nWhy is that?\nBecause I don’t say they’re incapable of that.\nBut they’re constant and steady in their precepts regarding the training rules that are fundamental, befitting the spiritual path. They keep the rules they’ve undertaken.\nThey realize the undefiled freedom of heart and freedom by wisdom. And they live having realized it with their own insight in this very life due to the ending of defilements.\nIf they don’t penetrate so far, with the ending of the five lower fetters they’re extinguished between one life and the next.\nIf they don’t penetrate so far, with the ending of the five lower fetters they’re extinguished upon landing.\nIf they don’t penetrate so far, with the ending of the five lower fetters they’re extinguished without extra effort.\nIf they don’t penetrate so far, with the ending of the five lower fetters they’re extinguished with extra effort.\nIf they don’t penetrate so far, with the ending of the five lower fetters they head upstream, going to the Akaniṭṭha realm.\nIf they don’t penetrate so far, with the ending of three fetters, and the weakening of greed, hate, and delusion, they’re a once-returner. They come back to this world once only, then make an end of suffering.\nIf they don’t penetrate so far, with the ending of three fetters, they’re a one-seeder. They will be reborn just one time in a human existence, then make an end of suffering.\nIf they don’t penetrate so far, with the ending of three fetters, they go from family to family. They will transmigrate between two or three families and then make an end of suffering.\nIf they don’t penetrate so far, with the ending of three fetters, they have at most seven rebirths. They will transmigrate at most seven times among gods and humans and then make an end of suffering."}},{"id":"an3.88:3","sourceIds":["an3.88:3.1","an3.88:3.2","an3.88:3.3"],"kind":"text","text":{"pi":"Iti kho, bhikkhave, paripūraṁ paripūrakārī ārādheti padesaṁ padesakārī.\nAvañjhāni tvevāhaṁ, bhikkhave, sikkhāpadāni vadāmī”ti.\nAṭṭhamaṁ.","en":"So, mendicants, if you practice fully you succeed fully. If you practice partially you succeed partially.\nBut in any case, these training rules are not barren, I say.”"}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/an3.88/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}