{"id":"an3.91","title":"At Paṅkadhā","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"an3.91","title":"At Paṅkadhā","units":[{"id":"an3.91:0","sourceIds":["an3.91:0.1","an3.91:0.2","an3.91:0.3"],"kind":"text","text":{"pi":"Aṅguttara Nikāya 3.91\n9. Samaṇavagga\nSaṅkavāsutta","en":"Numbered Discourses 3.91\n9. Ascetics\nAt Paṅkadhā"}},{"id":"an3.91:1","sourceIds":["an3.91:1.1","an3.91:1.2","an3.91:1.3","an3.91:1.4","an3.91:1.5","an3.91:1.6","an3.91:1.7","an3.91:1.8","an3.91:1.9"],"kind":"text","text":{"pi":"Ekaṁ samayaṁ bhagavā kosalesu cārikaṁ caramāno mahatā bhikkhusaṅghena saddhiṁ yena saṅkavā nāma kosalānaṁ nigamo tadavasari.\nTatra sudaṁ bhagavā saṅkavāyaṁ viharati.\nTena kho pana samayena kassapagotto nāma bhikkhu saṅkavāyaṁ āvāsiko hoti.\nTatra sudaṁ bhagavā sikkhāpadapaṭisaṁyuttāya dhammiyā kathāya bhikkhū sandasseti samādapeti samuttejeti sampahaṁseti.\nAtha kho kassapagottassa bhikkhuno bhagavati sikkhāpadapaṭisaṁyuttāya dhammiyā kathāya bhikkhū sandassente samādapente samuttejente sampahaṁsente ahudeva akkhanti ahu appaccayo:\n“adhisallikhatevāyaṁ samaṇo”ti.\nAtha kho bhagavā saṅkavāyaṁ yathābhirantaṁ viharitvā yena rājagahaṁ tena cārikaṁ pakkāmi.\nAnupubbena cārikaṁ caramāno yena rājagahaṁ tadavasari.\nTatra sudaṁ bhagavā rājagahe viharati.","en":"At one time the Buddha was wandering in the land of the Kosalans together with a large Saṅgha of mendicants. He arrived at a town of the Kosalans named Paṅkadhā,\nand stayed there.\nNow, at that time a monk named Kassapagotta was resident at Paṅkadhā.\nThere the Buddha educated, encouraged, fired up, and inspired the mendicants with a Dhamma talk about the training rules.\nKassapagotta became quite impatient and bitter, thinking,\n“This ascetic is much too strict.”\nWhen the Buddha had stayed in Paṅkadhā as long as he pleased, he set out for Rājagaha.\nTraveling stage by stage, he arrived at Rājagaha,\nand stayed there."}},{"id":"an3.91:2","sourceIds":["an3.91:2.1","an3.91:2.2","an3.91:2.3","an3.91:2.4","an3.91:2.5","an3.91:2.6","an3.91:2.7"],"kind":"text","text":{"pi":"Atha kho kassapagottassa bhikkhuno acirapakkantassa bhagavato ahudeva kukkuccaṁ ahu vippaṭisāro:\n“alābhā vata me, na vata me lābhā; dulladdhaṁ vata me, na vata me suladdhaṁ;\nyassa me bhagavati sikkhāpadapaṭisaṁyuttāya dhammiyā kathāya bhikkhū sandassente samādapente samuttejente sampahaṁsente ahudeva akkhanti ahu appaccayo:\n‘adhisallikhatevāyaṁ samaṇo’ti.\nYannūnāhaṁ yena bhagavā tenupasaṅkameyyaṁ; upasaṅkamitvā bhagavato santike accayaṁ accayato deseyyan”ti.\nAtha kho kassapagotto bhikkhu senāsanaṁ saṁsāmetvā pattacīvaramādāya yena rājagahaṁ tena pakkāmi.\nAnupubbena yena rājagahaṁ yena gijjhakūṭo pabbato yena bhagavā tenupasaṅkami; upasaṅkamitvā bhagavantaṁ abhivādetvā ekamantaṁ nisīdi. Ekamantaṁ nisinno kho kassapagotto bhikkhu bhagavantaṁ etadavoca:","en":"Soon after the Buddha left, Kassapagotta became quite remorseful and regretful, thinking,\n“It’s my loss, my misfortune,\nthat when the Buddha was talking about the training rules I became quite impatient and bitter, thinking\nhe was much too strict.\nWhy don’t I go to the Buddha and confess my mistake to him?”\nThen Kassapagotta set his lodgings in order and, taking his bowl and robe, set out for Rājagaha.\nEventually he came to Rājagaha and the Vulture’s Peak. He went up to the Buddha, bowed, sat down to one side, and told him what had happened, saying:"}},{"id":"an3.91:3","sourceIds":["an3.91:3.1","an3.91:3.2","an3.91:3.3","an3.91:3.4","an3.91:3.5","an3.91:3.6","an3.91:3.7","an3.91:3.8","an3.91:3.9","an3.91:3.10","an3.91:3.11","an3.91:3.12","an3.91:3.13"],"kind":"text","text":{"pi":"“Ekamidaṁ, bhante, samayaṁ bhagavā saṅkavāyaṁ viharati, saṅkavā nāma kosalānaṁ nigamo.\nTatra, bhante, bhagavā sikkhāpadapaṭisaṁyuttāya dhammiyā kathāya bhikkhū sandassesi samādapesi samuttejesi sampahaṁsesi.\nTassa mayhaṁ bhagavati sikkhāpadapaṭisaṁyuttāya dhammiyā kathāya bhikkhū sandassente samādapente samuttejente sampahaṁsente ahudeva akkhanti ahu appaccayo:\n‘adhisallikhatevāyaṁ samaṇo’ti.\nAtha kho bhagavā saṅkavāyaṁ yathābhirantaṁ viharitvā yena rājagahaṁ tena cārikaṁ pakkāmi. (…)\nTassa mayhaṁ, bhante, acirapakkantassa bhagavato ahudeva kukkuccaṁ ahu vippaṭisāro:\n‘alābhā vata me, na vata me lābhā; dulladdhaṁ vata me, na vata me suladdhaṁ;\nyassa me bhagavati sikkhāpadapaṭisaṁyuttāya dhammiyā kathāya bhikkhū sandassente samādapente samuttejente sampahaṁsente ahudeva akkhanti ahu appaccayo:\n“adhisallikhatevāyaṁ samaṇo”ti.\nYannūnāhaṁ yena bhagavā tenupasaṅkameyyaṁ; upasaṅkamitvā bhagavato santike accayaṁ accayato deseyyan’ti.\nAccayo maṁ, bhante, accagamā yathābālaṁ yathāmūḷhaṁ yathāakusalaṁ yassa me bhagavati sikkhāpadapaṭisaṁyuttāya dhammiyā kathāya bhikkhū sandassente samādapente samuttejente sampahaṁsente ahudeva akkhanti ahu appaccayo:\n‘adhisallikhatevāyaṁ samaṇo’ti.\nTassa me, bhante, bhagavā accayaṁ accayato paṭiggaṇhātu, āyatiṁ saṁvarāyā”ti.","en":"“I made a mistake, sir. It was foolish, stupid, and unskillful of me to become impatient and bitter when the Buddha was educating, encouraging, firing up, and inspiring the mendicants with a Dhamma talk about the training rules, and to think,\n‘This ascetic is much too strict.’\nPlease, sir, accept my mistake for what it is, so I will restrain myself in future.”"}},{"id":"an3.91:4","sourceIds":["an3.91:4.1","an3.91:4.2","an3.91:4.3","an3.91:4.4"],"kind":"text","text":{"pi":"“Taggha taṁ, kassapa, accayo accagamā yathābālaṁ yathāmūḷhaṁ yathāakusalaṁ, yassa te mayi sikkhāpadapaṭisaṁyuttāya dhammiyā kathāya bhikkhū sandassente samādapente samuttejente sampahaṁsente ahudeva akkhanti ahu appaccayo:\n‘adhisallikhatevāyaṁ samaṇo’ti.\nYato ca kho tvaṁ, kassapa, accayaṁ accayato disvā yathādhammaṁ paṭikarosi, taṁ te mayaṁ paṭiggaṇhāma.\nVuddhihesā, kassapa, ariyassa vinaye yo accayaṁ accayato disvā yathādhammaṁ paṭikaroti, āyatiṁ saṁvaraṁ āpajjati.","en":"“Indeed, Kassapa, you made a mistake.\nBut since you have recognized your mistake for what it is, and have dealt with it properly, I accept it.\nFor it is growth in the training of the Noble One to recognize a mistake for what it is, deal with it properly, and commit to restraint in the future."}},{"id":"an3.91:5","sourceIds":["an3.91:5.1","an3.91:5.2","an3.91:5.3","an3.91:5.4"],"kind":"text","text":{"pi":"Thero cepi, kassapa, bhikkhu hoti na sikkhākāmo na sikkhāsamādānassa vaṇṇavādī, ye caññe bhikkhū na sikkhākāmā te ca na sikkhāya samādapeti, ye caññe bhikkhū sikkhākāmā tesañca na vaṇṇaṁ bhaṇati bhūtaṁ tacchaṁ kālena, evarūpassāhaṁ, kassapa, therassa bhikkhuno na vaṇṇaṁ bhaṇāmi.\nTaṁ kissa hetu?\nSatthā hissa vaṇṇaṁ bhaṇatīti aññe naṁ bhikkhū bhajeyyuṁ, ye naṁ bhajeyyuṁ tyāssa diṭṭhānugatiṁ āpajjeyyuṁ, yyāssa diṭṭhānugatiṁ āpajjeyyuṁ tesaṁ taṁ assa dīgharattaṁ ahitāya dukkhāyāti.\nTasmāhaṁ, kassapa, evarūpassa therassa bhikkhuno na vaṇṇaṁ bhaṇāmi.","en":"Kassapa, take the case of a senior mendicant who is not eager to train and doesn’t praise taking up the training. They don’t encourage other mendicants who are not eager to train to take up the training. And they don’t truthfully and correctly praise at the right time those mendicants not eager to train. I don’t praise that kind of senior mendicant.\nWhy is that?\nBecause, hearing that I praised that mendicant, other mendicants might want to keep company with them. Then they might follow their example, which would be for their lasting harm and suffering.\nThat’s why I don’t praise that kind of senior mendicant."}},{"id":"an3.91:6","sourceIds":["an3.91:6.1","an3.91:6.2","an3.91:6.3","an3.91:6.4","an3.91:6.5"],"kind":"text","text":{"pi":"Majjhimo cepi, kassapa, bhikkhu hoti …pe…\nnavo cepi, kassapa, bhikkhu hoti na sikkhākāmo na sikkhāsamādānassa vaṇṇavādī, ye caññe bhikkhū na sikkhākāmā te ca na sikkhāya samādapeti, ye caññe bhikkhū sikkhākāmā tesañca na vaṇṇaṁ bhaṇati bhūtaṁ tacchaṁ kālena, evarūpassāhaṁ, kassapa, navassa bhikkhuno na vaṇṇaṁ bhaṇāmi.\nTaṁ kissa hetu?\nSatthā hissa vaṇṇaṁ bhaṇatīti aññe naṁ bhikkhū bhajeyyuṁ, ye naṁ bhajeyyuṁ tyāssa diṭṭhānugatiṁ āpajjeyyuṁ, yyāssa diṭṭhānugatiṁ āpajjeyyuṁ tesaṁ taṁ assa dīgharattaṁ ahitāya dukkhāyāti.\nTasmāhaṁ, kassapa, evarūpassa navassa bhikkhuno na vaṇṇaṁ bhaṇāmi.","en":"Take the case of a middle mendicant who doesn’t want to train …\nTake the case of a junior mendicant who is not eager to train …\nThat’s why I don’t praise that kind of junior mendicant."}},{"id":"an3.91:7","sourceIds":["an3.91:7.1","an3.91:7.2","an3.91:7.3","an3.91:7.4"],"kind":"text","text":{"pi":"Thero cepi, kassapa, bhikkhu hoti sikkhākāmo sikkhāsamādānassa vaṇṇavādī, ye caññe bhikkhū na sikkhākāmā te ca sikkhāya samādapeti, ye caññe bhikkhū sikkhākāmā tesañca vaṇṇaṁ bhaṇati bhūtaṁ tacchaṁ kālena, evarūpassāhaṁ, kassapa, therassa bhikkhuno vaṇṇaṁ bhaṇāmi.\nTaṁ kissa hetu?\nSatthā hissa vaṇṇaṁ bhaṇatīti aññe naṁ bhikkhū bhajeyyuṁ, ye naṁ bhajeyyuṁ tyāssa diṭṭhānugatiṁ āpajjeyyuṁ, yyāssa diṭṭhānugatiṁ āpajjeyyuṁ tesaṁ taṁ assa dīgharattaṁ hitāya sukhāyāti.\nTasmāhaṁ, kassapa, evarūpassa therassa bhikkhuno vaṇṇaṁ bhaṇāmi.","en":"Kassapa, take the case of a senior mendicant who is eager to train and praises taking up the training. They encourage other mendicants who are not eager to train to take up the training. And they truthfully and correctly praise at the right time those mendicants who are eager to train. I praise that kind of senior mendicant.\nWhy is that?\nBecause, hearing that I praised that mendicant, other mendicants might want to keep company with them. Then they might follow their example, which would be for their lasting welfare and happiness.\nThat’s why I praise that kind of senior mendicant."}},{"id":"an3.91:8","sourceIds":["an3.91:8.1","an3.91:8.2","an3.91:8.3","an3.91:8.4","an3.91:8.5","an3.91:8.6","an3.91:8.7"],"kind":"text","text":{"pi":"Majjhimo cepi, kassapa, bhikkhu hoti sikkhākāmo …pe…\nnavo cepi, kassapa, bhikkhu hoti sikkhākāmo sikkhāsamādānassa vaṇṇavādī, ye caññe bhikkhū na sikkhākāmā te ca sikkhāya samādapeti, ye caññe bhikkhū sikkhākāmā tesañca vaṇṇaṁ bhaṇati bhūtaṁ tacchaṁ kālena, evarūpassāhaṁ, kassapa, navassa bhikkhuno vaṇṇaṁ bhaṇāmi.\nTaṁ kissa hetu?\nSatthā hissa vaṇṇaṁ bhaṇatīti aññe naṁ bhikkhū bhajeyyuṁ, ye naṁ bhajeyyuṁ tyāssa diṭṭhānugatiṁ āpajjeyyuṁ, yyāssa diṭṭhānugatiṁ āpajjeyyuṁ tesaṁ taṁ assa dīgharattaṁ hitāya sukhāyāti.\nTasmāhaṁ, kassapa, evarūpassa navassa bhikkhuno vaṇṇaṁ bhaṇāmī”ti.\nEkādasamaṁ.\nSamaṇavaggo catuttho.","en":"Take the case of a middle mendicant who is eager to train …\nTake the case of a junior mendicant who is eager to train …\nThat’s why I praise that kind of junior mendicant.”"}},{"id":"an3.91:9","sourceIds":["an3.91:9.0","an3.91:9.1","an3.91:9.2","an3.91:9.3","an3.91:9.4"],"kind":"text","text":{"pi":"Tassuddānaṁ\nSamaṇo gadrabho khettaṁ,\nvajjiputto ca sekkhakaṁ;\nTayo ca sikkhanā vuttā,\ndve sikkhā saṅkavāya cāti."}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/an3.91/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}