{"id":"an3.92","title":"Urgent","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"an3.92","title":"Urgent","units":[{"id":"an3.92:0","sourceIds":["an3.92:0.1","an3.92:0.2","an3.92:0.3"],"kind":"text","text":{"pi":"Aṅguttara Nikāya 3.92\n10. Loṇakapallavagga\nAccāyikasutta","en":"Numbered Discourses 3.92\n10. A Lump of Salt\nUrgent"}},{"id":"an3.92:1","sourceIds":["an3.92:1.1","an3.92:1.2","an3.92:1.3","an3.92:1.4","an3.92:1.5","an3.92:1.6","an3.92:1.7","an3.92:1.8","an3.92:1.9"],"kind":"text","text":{"pi":"“Tīṇimāni, bhikkhave, kassakassa gahapatissa accāyikāni karaṇīyāni.\nKatamāni tīṇi?\nIdha, bhikkhave, kassako gahapati sīghaṁ sīghaṁ khettaṁ sukaṭṭhaṁ karoti sumatikataṁ.\nSīghaṁ sīghaṁ khettaṁ sukaṭṭhaṁ karitvā sumatikataṁ sīghaṁ sīghaṁ bījāni patiṭṭhāpeti.\nSīghaṁ sīghaṁ bījāni patiṭṭhāpetvā sīghaṁ sīghaṁ udakaṁ abhinetipi apanetipi.\nImāni kho, bhikkhave, tīṇi kassakassa gahapatissa accāyikāni karaṇīyāni.\nTassa kho taṁ, bhikkhave, kassakassa gahapatissa natthi sā iddhi vā ānubhāvo vā:\n‘ajjeva me dhaññāni jāyantu, sveva gabbhīni hontu, uttarasveva paccantū’ti.\nAtha kho, bhikkhave, hoti so samayo yaṁ tassa kassakassa gahapatissa tāni dhaññāni utupariṇāmīni jāyantipi gabbhīnipi honti paccantipi.","en":"“Mendicants, a farmer has three urgent duties.\nWhat three?\nA farmer swiftly makes sure the field is well ploughed and tilled.\nNext they swiftly plant seeds in season.\nWhen the time is right, they swiftly irrigate or drain the field.\nThese are the three urgent duties of a farmer.\nThat farmer has no special power or ability to say:\n‘Let the crops germinate today! Let them flower tomorrow! Let them ripen the day after!’\nBut there comes a time when that farmer’s crops germinate, flower, and ripen as the seasons change."}},{"id":"an3.92:2","sourceIds":["an3.92:2.1","an3.92:2.2","an3.92:2.3","an3.92:2.4","an3.92:2.5","an3.92:2.6","an3.92:2.7"],"kind":"text","text":{"pi":"Evamevaṁ kho, bhikkhave, tīṇimāni bhikkhussa accāyikāni karaṇīyāni.\nKatamāni tīṇi?\nAdhisīlasikkhāsamādānaṁ, adhicittasikkhāsamādānaṁ, adhipaññāsikkhāsamādānaṁ—\nimāni kho, bhikkhave, tīṇi bhikkhussa accāyikāni karaṇīyāni.\nTassa kho taṁ, bhikkhave, bhikkhuno natthi sā iddhi vā ānubhāvo vā:\n‘ajjeva me anupādāya āsavehi cittaṁ vimuccatu sve vā uttarasve vā’ti.\nAtha kho, bhikkhave, hoti so samayo yaṁ tassa bhikkhuno adhisīlampi sikkhato adhicittampi sikkhato adhipaññampi sikkhato anupādāya āsavehi cittaṁ vimuccati.","en":"In the same way, a mendicant has three urgent duties.\nWhat three?\nUndertaking the training in the higher ethics, the higher mind, and the higher wisdom.\nThese are the three urgent duties of a mendicant.\nThat mendicant has no special power or ability to say:\n‘Let my mind be freed from defilements by not grasping today! Or tomorrow! Or the day after!’\nBut there comes a time—as that mendicant trains in the higher ethics, the higher mind, and the higher wisdom—that their mind is freed from defilements by not grasping."}},{"id":"an3.92:3","sourceIds":["an3.92:3.1","an3.92:3.2","an3.92:3.3","an3.92:3.4"],"kind":"text","text":{"pi":"Tasmātiha, bhikkhave, evaṁ sikkhitabbaṁ:\n‘tibbo no chando bhavissati adhisīlasikkhāsamādāne, tibbo chando bhavissati adhicittasikkhāsamādāne, tibbo chando bhavissati adhipaññāsikkhāsamādāne’ti.\nEvañhi vo, bhikkhave, sikkhitabban”ti.\nPaṭhamaṁ.","en":"So you should train like this:\n‘We will have keen enthusiasm for undertaking the training in the higher ethics, the higher mind, and the higher wisdom.’\nThat’s how you should train.”"}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/an3.92/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}