{"id":"an3.93","title":"Seclusion","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"an3.93","title":"Seclusion","units":[{"id":"an3.93:0","sourceIds":["an3.93:0.1","an3.93:0.2","an3.93:0.3"],"kind":"text","text":{"pi":"Aṅguttara Nikāya 3.93\n10. Loṇakapallavagga\nPavivekasutta","en":"Numbered Discourses 3.93\n10. A Lump of Salt\nSeclusion"}},{"id":"an3.93:1","sourceIds":["an3.93:1.1","an3.93:1.2","an3.93:1.3"],"kind":"text","text":{"pi":"“Tīṇimāni, bhikkhave, aññatitthiyā paribbājakā pavivekāni paññāpenti.\nKatamāni tīṇi?\nCīvarapavivekaṁ, piṇḍapātapavivekaṁ, senāsanapavivekaṁ.","en":"“Mendicants, wanderers of other religions advocate three kinds of seclusion.\nWhat three?\nSeclusion in robes, almsfood, and lodgings."}},{"id":"an3.93:2","sourceIds":["an3.93:2.1","an3.93:2.2"],"kind":"text","text":{"pi":"Tatridaṁ, bhikkhave, aññatitthiyā paribbājakā cīvarapavivekasmiṁ paññāpenti, sāṇānipi dhārenti, masāṇānipi dhārenti, chavadussānipi dhārenti, paṁsukūlānipi dhārenti, tirīṭānipi dhārenti, ajinampi dhārenti, ajinakkhipampi dhārenti, kusacīrampi dhārenti, vākacīrampi dhārenti, phalakacīrampi dhārenti, kesakambalampi dhārenti, vālakambalampi dhārenti, ulūkapakkhikampi dhārenti.\nIdaṁ kho, bhikkhave, aññatitthiyā paribbājakā cīvarapavivekasmiṁ paññāpenti.","en":"Wanderers of other religions advocate this kind of seclusion in robes. They wear robes of sunn hemp, mixed hemp, corpse-wrapping cloth, rags, lodh tree bark, antelope hide (whole or in strips), kusa grass, bark, wood-chips, human hair, horse-tail hair, or owls’ wings.\nThis is what wanderers of other religions advocate for seclusion in robes."}},{"id":"an3.93:3","sourceIds":["an3.93:3.1","an3.93:3.2","an3.93:3.3"],"kind":"text","text":{"pi":"Tatridaṁ, bhikkhave, aññatitthiyā paribbājakā piṇḍapātapavivekasmiṁ paññāpenti.\nSākabhakkhāpi honti, sāmākabhakkhāpi honti, nīvārabhakkhāpi honti, daddulabhakkhāpi honti, haṭabhakkhāpi honti, kaṇabhakkhāpi honti, ācāmabhakkhāpi honti, piññākabhakkhāpi honti, tiṇabhakkhāpi honti, gomayabhakkhāpi honti, vanamūlaphalāhārā yāpenti pavattaphalabhojī.\nIdaṁ kho, bhikkhave, aññatitthiyā paribbājakā piṇḍapātapavivekasmiṁ paññāpenti.","en":"Wanderers of other religions advocate this kind of seclusion in almsfood.\nThey eat herbs, millet, wild rice, poor rice, water lettuce, rice bran, scum from boiling rice, sesame flour, grass, or cow dung. They survive on forest roots and fruits, or eating fallen fruit.\nThis is what the wanderers of other religions advocate for seclusion in almsfood."}},{"id":"an3.93:4","sourceIds":["an3.93:4.1","an3.93:4.2","an3.93:4.3"],"kind":"text","text":{"pi":"Tatridaṁ, bhikkhave, aññatitthiyā paribbājakā senāsanapavivekasmiṁ paññāpenti araññaṁ rukkhamūlaṁ susānaṁ vanapatthaṁ abbhokāsaṁ palālapuñjaṁ bhusāgāraṁ.\nIdaṁ kho, bhikkhave, aññatitthiyā paribbājakā senāsanapavivekasmiṁ paññāpenti.\nImāni kho, bhikkhave, tīṇi aññatitthiyā paribbājakā pavivekāni paññāpenti.","en":"Wanderers of other religions advocate this kind of seclusion in lodgings. They stay in a wilderness, at the root of a tree, in a charnel ground, a forest, the open air, a heap of straw, or a threshing-hut.\nThis is what wanderers of other religions advocate for seclusion in lodgings.\nThese are the three kinds of seclusion that wanderers of other religions advocate."}},{"id":"an3.93:5","sourceIds":["an3.93:5.1","an3.93:5.2","an3.93:5.3","an3.93:5.4","an3.93:5.5","an3.93:5.6","an3.93:5.7","an3.93:5.8","an3.93:5.9"],"kind":"text","text":{"pi":"Tīṇi kho panimāni, bhikkhave, imasmiṁ dhammavinaye bhikkhuno pavivekāni.\nKatamāni tīṇi?\nIdha, bhikkhave, bhikkhu sīlavā ca hoti, dussīlyañcassa pahīnaṁ hoti, tena ca vivitto hoti;\nsammādiṭṭhiko ca hoti, micchādiṭṭhi cassa pahīnā hoti, tāya ca vivitto hoti;\nkhīṇāsavo ca hoti, āsavā cassa pahīnā honti, tehi ca vivitto hoti.\nYato kho, bhikkhave, bhikkhu sīlavā hoti, dussīlyañcassa pahīnaṁ hoti, tena ca vivitto hoti;\nsammādiṭṭhiko ca hoti, micchādiṭṭhi cassa pahīnā hoti, tāya ca vivitto hoti;\nkhīṇāsavo ca hoti, āsavā cassa pahīnā honti, tehi ca vivitto hoti.\nAyaṁ vuccati, bhikkhave, ‘bhikkhu aggappatto sārappatto suddho sāre patiṭṭhito’.","en":"In this teaching and training, there are three kinds of seclusion for a mendicant.\nWhat three?\nFirstly, a mendicant is ethical, giving up unethical conduct, being secluded from it.\nThey have right view, giving up wrong view, being secluded from it.\nThey’ve ended defilements, giving up defilements, being secluded from them.\nWhen a mendicant has these three kinds of seclusion,\nthey’re called a mendicant who has reached the peak and the pith, being pure and consolidated in the core."}},{"id":"an3.93:6","sourceIds":["an3.93:6.1","an3.93:6.2","an3.93:6.3","an3.93:6.4","an3.93:6.5","an3.93:6.6","an3.93:6.7","an3.93:6.8","an3.93:6.9","an3.93:6.10","an3.93:6.11","an3.93:6.12","an3.93:6.13"],"kind":"text","text":{"pi":"Seyyathāpi, bhikkhave, kassakassa gahapatissa sampannaṁ sālikkhettaṁ.\nTamenaṁ kassako gahapati sīghaṁ sīghaṁ lavāpeyya.\nSīghaṁ sīghaṁ lavāpetvā sīghaṁ sīghaṁ saṅgharāpeyya.\nSīghaṁ sīghaṁ saṅgharāpetvā sīghaṁ sīghaṁ ubbahāpeyya.\nSīghaṁ sīghaṁ ubbahāpetvā sīghaṁ sīghaṁ puñjaṁ kārāpeyya.\nSīghaṁ sīghaṁ puñjaṁ kārāpetvā sīghaṁ sīghaṁ maddāpeyya.\nSīghaṁ sīghaṁ maddāpetvā sīghaṁ sīghaṁ palālāni uddharāpeyya.\nSīghaṁ sīghaṁ palālāni uddharāpetvā sīghaṁ sīghaṁ bhusikaṁ uddharāpeyya.\nSīghaṁ sīghaṁ bhusikaṁ uddharāpetvā sīghaṁ sīghaṁ opunāpeyya.\nSīghaṁ sīghaṁ opunāpetvā sīghaṁ sīghaṁ atiharāpeyya.\nSīghaṁ sīghaṁ atiharāpetvā sīghaṁ sīghaṁ koṭṭāpeyya.\nSīghaṁ sīghaṁ koṭṭāpetvā sīghaṁ sīghaṁ thusāni uddharāpeyya.\nEvamassu tāni, bhikkhave, kassakassa gahapatissa dhaññāni aggappattāni sārappattāni suddhāni sāre patiṭṭhitāni.","en":"When a farmer’s rice field is ripe,\nthey’d have the rice cut swiftly,\ngathered swiftly,\ntransported swiftly,\nmade into heaps swiftly,\nthreshed swiftly,\nthe straw removed swiftly,\nwinnowed swiftly,\nbrought over swiftly,\npounded swiftly,\nand have the husks removed swiftly.\nIn this way that farmer’s crop would reach the peak and the pith, being pure and consolidated in the core."}},{"id":"an3.93:7","sourceIds":["an3.93:7.1","an3.93:7.2","an3.93:7.3","an3.93:7.4","an3.93:7.5"],"kind":"text","text":{"pi":"Evamevaṁ kho, bhikkhave, yato bhikkhu sīlavā ca hoti, dussīlyañcassa pahīnaṁ hoti, tena ca vivitto hoti;\nsammādiṭṭhiko ca hoti, micchādiṭṭhi cassa pahīnā hoti, tāya ca vivitto hoti;\nkhīṇāsavo ca hoti, āsavā cassa pahīnā honti, tehi ca vivitto hoti.\nAyaṁ vuccati, bhikkhave, ‘bhikkhu aggappatto sārappatto suddho sāre patiṭṭhito’”ti.\nDutiyaṁ.","en":"In the same way, when a mendicant is ethical, giving up unethical conduct, being secluded from it;\nwhen they have right view, giving up wrong view, being secluded from it;\nwhen they’ve ended defilements, giving up defilements, being secluded from them:\nthey’re called a mendicant who has reached the peak and the pith, being pure and consolidated in the core.”"}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/an3.93/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}