{"id":"an4.1","title":"Understood","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"an4.1","title":"Understood","units":[{"id":"an4.1:0","sourceIds":["an4.1:0.1","an4.1:0.2","an4.1:0.3"],"kind":"text","text":{"pi":"Aṅguttara Nikāya 4.1\n1. Bhaṇḍagāmavagga\nAnubuddhasutta","en":"Numbered Discourses 4.1\n1. At Wares Village\nUnderstood"}},{"id":"an4.1:1","sourceIds":["an4.1:1.1","an4.1:1.2","an4.1:1.3","an4.1:1.4","an4.1:1.5","an4.1:1.6"],"kind":"text","text":{"pi":"Evaṁ me sutaṁ—\nekaṁ samayaṁ bhagavā vajjīsu viharati bhaṇḍagāme.\nTatra kho bhagavā bhikkhū āmantesi:\n“bhikkhavo”ti.\n“Bhadante”ti te bhikkhū bhagavato paccassosuṁ.\nBhagavā etadavoca:","en":"So I have heard.\nAt one time the Buddha was staying in the land of the Vajjis at Wares Village.\nThere the Buddha addressed the mendicants,\n“Mendicants!”\n“Venerable sir,” they replied.\nThe Buddha said this:"}},{"id":"an4.1:2","sourceIds":["an4.1:2.1","an4.1:2.2","an4.1:2.3","an4.1:2.4","an4.1:2.5","an4.1:2.6","an4.1:2.7"],"kind":"text","text":{"pi":"“Catunnaṁ, bhikkhave, dhammānaṁ ananubodhā appaṭivedhā evamidaṁ dīghamaddhānaṁ sandhāvitaṁ saṁsaritaṁ mamañceva tumhākañca.\nKatamesaṁ catunnaṁ?\nAriyassa, bhikkhave, sīlassa ananubodhā appaṭivedhā evamidaṁ dīghamaddhānaṁ sandhāvitaṁ saṁsaritaṁ mamañceva tumhākañca.\nAriyassa, bhikkhave, samādhissa ananubodhā appaṭivedhā evamidaṁ dīghamaddhānaṁ sandhāvitaṁ saṁsaritaṁ mamañceva tumhākañca.\nAriyāya, bhikkhave, paññāya ananubodhā appaṭivedhā evamidaṁ dīghamaddhānaṁ sandhāvitaṁ saṁsaritaṁ mamañceva tumhākañca.\nAriyāya, bhikkhave, vimuttiyā ananubodhā appaṭivedhā evamidaṁ dīghamaddhānaṁ sandhāvitaṁ saṁsaritaṁ mamañceva tumhākañca.\nTayidaṁ, bhikkhave, ariyaṁ sīlaṁ anubuddhaṁ paṭividdhaṁ, ariyo samādhi anubuddho paṭividdho, ariyā paññā anubuddhā paṭividdhā, ariyā vimutti anubuddhā paṭividdhā, ucchinnā bhavataṇhā, khīṇā bhavanetti, natthi dāni punabbhavo”ti.","en":"“Mendicants, due to not understanding and not penetrating four things, both you and I have wandered and transmigrated for such a very long time.\nWhat four?\nNoble ethics,\nimmersion,\nwisdom,\nand freedom.\nThese noble ethics, immersion, wisdom, and freedom have been understood and comprehended. Craving for continued existence has been cut off; the leash to existence is ended; now there’ll be no more future lives.”"}},{"id":"an4.1:3","sourceIds":["an4.1:3.1","an4.1:3.2"],"kind":"text","text":{"pi":"Idamavoca bhagavā.\nIdaṁ vatvāna sugato athāparaṁ etadavoca satthā:","en":"That is what the Buddha said.\nThen the Holy One, the Teacher, went on to say:"}},{"id":"an4.1:4","sourceIds":["an4.1:4.1","an4.1:4.2","an4.1:4.3","an4.1:4.4"],"kind":"text","text":{"pi":"“Sīlaṁ samādhi paññā ca,\nvimutti ca anuttarā;\nAnubuddhā ime dhammā,\ngotamena yasassinā.","en":"“Ethics, immersion, and wisdom,\nand the supreme freedom:\nthese things have been understood\nby Gotama the renowned."}},{"id":"an4.1:5","sourceIds":["an4.1:5.1","an4.1:5.2","an4.1:5.3","an4.1:5.4","an4.1:5.5"],"kind":"text","text":{"pi":"Iti buddho abhiññāya,\ndhammamakkhāsi bhikkhunaṁ;\nDukkhassantakaro satthā,\ncakkhumā parinibbuto”ti.\nPaṭhamaṁ.","en":"And so the Buddha, having insight,\nexplained this teaching to the mendicants.\nThe teacher made an end of suffering,\nseeing clearly, he is fully quenched.”"}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/an4.1/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}