{"id":"an4.100","title":"With Potaliya the Wanderer","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"an4.100","title":"With Potaliya the Wanderer","units":[{"id":"an4.100:0","sourceIds":["an4.100:0.1","an4.100:0.2","an4.100:0.3"],"kind":"text","text":{"pi":"Aṅguttara Nikāya 4.100\n10. Asuravagga\nPotaliyasutta","en":"Numbered Discourses 4.100\n10. Titans\nWith Potaliya the Wanderer"}},{"id":"an4.100:1","sourceIds":["an4.100:1.1","an4.100:1.2"],"kind":"text","text":{"pi":"Atha kho potaliyo paribbājako yena bhagavā tenupasaṅkami; upasaṅkamitvā bhagavatā saddhiṁ sammodi.\nSammodanīyaṁ kathaṁ sāraṇīyaṁ vītisāretvā ekamantaṁ nisīdi. Ekamantaṁ nisinnaṁ kho potaliyaṁ paribbājakaṁ bhagavā etadavoca:","en":"Then the wanderer Potaliya went up to the Buddha, and exchanged greetings with him.\nWhen the greetings and polite conversation were over, he sat down to one side, and the Buddha said to him:"}},{"id":"an4.100:2","sourceIds":["an4.100:2.1","an4.100:2.2","an4.100:2.3","an4.100:2.4","an4.100:2.5","an4.100:2.6","an4.100:2.7","an4.100:2.8"],"kind":"text","text":{"pi":"“Cattārome, potaliya, puggalā santo saṁvijjamānā lokasmiṁ.\nKatame cattāro?\nIdha, potaliya, ekacco puggalo avaṇṇārahassa avaṇṇaṁ bhāsitā hoti bhūtaṁ tacchaṁ kālena, no ca kho vaṇṇārahassa vaṇṇaṁ bhāsitā hoti bhūtaṁ tacchaṁ kālena.\nIdha pana, potaliya, ekacco puggalo vaṇṇārahassa vaṇṇaṁ bhāsitā hoti bhūtaṁ tacchaṁ kālena, no ca kho avaṇṇārahassa avaṇṇaṁ bhāsitā hoti bhūtaṁ tacchaṁ kālena.\nIdha pana, potaliya, ekacco puggalo neva avaṇṇārahassa avaṇṇaṁ bhāsitā hoti bhūtaṁ tacchaṁ kālena, no ca vaṇṇārahassa vaṇṇaṁ bhāsitā hoti bhūtaṁ tacchaṁ kālena.\nIdha pana, potaliya, ekacco puggalo avaṇṇārahassa ca avaṇṇaṁ bhāsitā hoti bhūtaṁ tacchaṁ kālena, vaṇṇārahassa ca vaṇṇaṁ bhāsitā hoti bhūtaṁ tacchaṁ kālena.\nIme kho, potaliya, cattāro puggalā santo saṁvijjamānā lokasmiṁ.\nImesaṁ kho, potaliya, catunnaṁ puggalānaṁ katamo te puggalo khamati abhikkantataro ca paṇītataro cā”ti?","en":"“Potaliya, these four individuals are found in the world.\nWhat four?\nOne individual criticizes those deserving of criticism at the right time, truthfully and correctly. But they don’t praise those deserving of praise at the right time, truthfully and correctly.\nAnother individual praises those deserving of praise … But they don’t criticize those deserving of criticism …\nAnother individual doesn’t praise those deserving of praise … Nor do they criticize those deserving of criticism …\nAnother individual criticizes those deserving of criticism at the right time, truthfully and correctly. And they praise those deserving of praise at the right time, truthfully and correctly.\nThese are the four individuals found in the world.\nOf these four individuals, who do you believe to be the finest?”"}},{"id":"an4.100:3","sourceIds":["an4.100:3.1","an4.100:3.2","an4.100:3.3","an4.100:3.4","an4.100:3.5","an4.100:3.6","an4.100:3.7","an4.100:3.8","an4.100:3.9","an4.100:3.10","an4.100:3.11"],"kind":"text","text":{"pi":"“Cattārome, bho gotama, puggalā santo saṁvijjamānā lokasmiṁ.\nKatame cattāro?\nIdha, bho gotama, ekacco puggalo avaṇṇārahassa avaṇṇaṁ bhāsitā hoti bhūtaṁ tacchaṁ kālena, no ca kho vaṇṇārahassa vaṇṇaṁ bhāsitā hoti bhūtaṁ tacchaṁ kālena.\nIdha pana, bho gotama, ekacco puggalo vaṇṇārahassa vaṇṇaṁ bhāsitā hoti bhūtaṁ tacchaṁ kālena, no ca kho avaṇṇārahassa avaṇṇaṁ bhāsitā hoti bhūtaṁ tacchaṁ kālena.\nIdha pana, bho gotama, ekacco puggalo neva avaṇṇārahassa avaṇṇaṁ bhāsitā hoti bhūtaṁ tacchaṁ kālena, no ca vaṇṇārahassa vaṇṇaṁ bhāsitā hoti bhūtaṁ tacchaṁ kālena.\nIdha pana, bho gotama, ekacco puggalo avaṇṇārahassa ca avaṇṇaṁ bhāsitā hoti bhūtaṁ tacchaṁ kālena, vaṇṇārahassa ca vaṇṇaṁ bhāsitā hoti bhūtaṁ tacchaṁ kālena.\nIme kho, bho gotama, cattāro puggalā santo saṁvijjamānā lokasmiṁ.\nImesaṁ, bho gotama, catunnaṁ puggalānaṁ yvāyaṁ puggalo neva avaṇṇārahassa avaṇṇaṁ bhāsitā hoti bhūtaṁ tacchaṁ kālena, no ca vaṇṇārahassa vaṇṇaṁ bhāsitā hoti bhūtaṁ tacchaṁ kālena;\nayaṁ me puggalo khamati imesaṁ catunnaṁ puggalānaṁ abhikkantataro ca paṇītataro ca.\nTaṁ kissa hetu?\nAbhikkantā hesā, bho gotama, yadidaṁ upekkhā”ti.","en":"“Worthy Gotama, of these four individuals, it is the individual who neither praises those deserving of praise at the right time, truthfully and correctly; nor criticizes those deserving of criticism at the right time, truthfully and correctly.\nThat is the individual I believe to be the finest.\nWhy is that?\nBecause, worthy Gotama, equanimity is the best.”"}},{"id":"an4.100:4","sourceIds":["an4.100:4.1","an4.100:4.2","an4.100:4.3","an4.100:4.4","an4.100:4.5","an4.100:4.6"],"kind":"text","text":{"pi":"“Cattārome, potaliya, puggalā santo saṁvijjamānā lokasmiṁ.\nKatame cattāro …pe… ime kho, potaliya, cattāro puggalā santo saṁvijjamānā lokasmiṁ.\nImesaṁ kho, potaliya, catunnaṁ puggalānaṁ yvāyaṁ puggalo avaṇṇārahassa ca avaṇṇaṁ bhāsitā hoti bhūtaṁ tacchaṁ kālena, vaṇṇārahassa ca vaṇṇaṁ bhāsitā hoti bhūtaṁ tacchaṁ kālena;\nayaṁ imesaṁ catunnaṁ puggalānaṁ abhikkantataro ca paṇītataro ca.\nTaṁ kissa hetu?\nAbhikkantā hesā, potaliya, yadidaṁ tattha tattha kālaññutā”ti.","en":"“Potaliya, of these four individuals, it is the individual who criticizes those deserving of criticism at the right time, truthfully and correctly; and praises those deserving of praise at the right time, truthfully and correctly.\nThat is the individual I consider to be the finest.\nWhy is that?\nBecause, Potaliya, understanding of time and context is the best.”"}},{"id":"an4.100:5","sourceIds":["an4.100:5.1","an4.100:5.2","an4.100:5.3","an4.100:5.4","an4.100:5.5","an4.100:5.6"],"kind":"text","text":{"pi":"“Cattārome, bho gotama, puggalā santo saṁvijjamānā lokasmiṁ.\nKatame cattāro …pe… ime kho, bho gotama, cattāro puggalā santo saṁvijjamānā lokasmiṁ.\nImesaṁ, bho gotama, catunnaṁ puggalānaṁ yvāyaṁ puggalo avaṇṇārahassa ca avaṇṇaṁ bhāsitā bhūtaṁ tacchaṁ kālena, vaṇṇārahassa ca vaṇṇaṁ bhāsitā bhūtaṁ tacchaṁ kālena;\nayaṁ me puggalo khamati imesaṁ catunnaṁ puggalānaṁ abhikkantataro ca paṇītataro ca.\nTaṁ kissa hetu?\nAbhikkantā hesā, bho gotama, yadidaṁ tattha tattha kālaññutā.","en":"“Worthy Gotama, of these four individuals, it is the individual who criticizes those deserving of criticism at the right time, truthfully and correctly; and praises those deserving of praise at the right time, truthfully and correctly.\nThat is the individual I believe to be the finest.\nWhy is that?\nBecause, worthy Gotama, understanding of time and context is the best."}},{"id":"an4.100:6","sourceIds":["an4.100:6.1","an4.100:6.2","an4.100:6.3","an4.100:6.4","an4.100:6.5","an4.100:6.6"],"kind":"text","text":{"pi":"Abhikkantaṁ, bho gotama, abhikkantaṁ, bho gotama.\nSeyyathāpi, bho gotama, nikkujjitaṁ vā ukkujjeyya, paṭicchannaṁ vā vivareyya, mūḷhassa vā maggaṁ ācikkheyya, andhakāre vā telapajjotaṁ dhāreyya: ‘cakkhumanto rūpāni dakkhantī’ti; evamevaṁ bhotā gotamena anekapariyāyena dhammo pakāsito.\nEsāhaṁ bhavantaṁ gotamaṁ saraṇaṁ gacchāmi dhammañca bhikkhusaṅghañca.\nUpāsakaṁ maṁ bhavaṁ gotamo dhāretu ajjatagge pāṇupetaṁ saraṇaṁ gatan”ti.\nDasamaṁ.\nAsuravaggo pañcamo.","en":"Excellent, worthy Gotama! Excellent!\nAs if he were righting the overturned, or revealing the hidden, or pointing out the path to the lost, or lighting a lamp in the dark so people with clear eyes can see what’s there, worthy Gotama has made the teaching clear in many ways.\nI go for refuge to the worthy Gotama, to the teaching, and to the mendicant Saṅgha.\nFrom this day forth, may the worthy Gotama remember me as a lay follower who has gone for refuge for life.”"}},{"id":"an4.100:7","sourceIds":["an4.100:7.0","an4.100:7.1","an4.100:7.2","an4.100:7.3","an4.100:7.4","an4.100:7.5"],"kind":"text","text":{"pi":"Tassuddānaṁ\nAsuro tayo samādhī,\nchavālātena pañcamaṁ;\nRāgo nisanti attahitaṁ,\nsikkhā potaliyena cāti.\nDutiyo paṇṇāsako samatto."}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/an4.100/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}