{"id":"an4.101","title":"Clouds (1st)","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"an4.101","title":"Clouds (1st)","units":[{"id":"an4.101:0","sourceIds":["an4.101:0.1","an4.101:0.2","an4.101:0.3"],"kind":"text","text":{"pi":"Aṅguttara Nikāya 4.101\n11. Valāhakavagga\nPaṭhamavalāhakasutta","en":"Numbered Discourses 4.101\n11. Clouds\nClouds (1st)"}},{"id":"an4.101:1","sourceIds":["an4.101:1.1","an4.101:1.2","an4.101:1.3","an4.101:1.4","an4.101:1.5","an4.101:1.6"],"kind":"text","text":{"pi":"Evaṁ me sutaṁ—\nekaṁ samayaṁ bhagavā sāvatthiyaṁ viharati jetavane anāthapiṇḍikassa ārāme.\nTatra kho bhagavā bhikkhū āmantesi:\n“bhikkhavo”ti.\n“Bhadante”ti te bhikkhū bhagavato paccassosuṁ.\nBhagavā etadavoca:","en":"So I have heard.\nAt one time the Buddha was staying near Sāvatthī in Jeta’s Grove, Anāthapiṇḍika’s monastery.\nThere the Buddha addressed the mendicants,\n“Mendicants!”\n“Venerable sir,” they replied.\nThe Buddha said this:"}},{"id":"an4.101:2","sourceIds":["an4.101:2.1","an4.101:2.2","an4.101:2.3","an4.101:2.4","an4.101:2.5","an4.101:2.6","an4.101:2.7","an4.101:2.8","an4.101:2.9","an4.101:2.10","an4.101:2.11","an4.101:2.12","an4.101:2.13"],"kind":"text","text":{"pi":"“Cattārome, bhikkhave, valāhakā.\nKatame cattāro?\nGajjitā no vassitā,\nvassitā no gajjitā,\nneva gajjitā no vassitā,\ngajjitā ca vassitā ca.\nIme kho, bhikkhave, cattāro valāhakā.\nEvamevaṁ kho, bhikkhave, cattāro valāhakūpamā puggalā santo saṁvijjamānā lokasmiṁ.\nKatame cattāro?\nGajjitā no vassitā,\nvassitā no gajjitā,\nneva gajjitā no vassitā,\ngajjitā ca vassitā ca.","en":"“Mendicants, there are these four kinds of clouds.\nWhat four?\nOne thunders but doesn’t rain,\none rains but doesn’t thunder,\none neither thunders nor rains, and\none both rains and thunders.\nThese are the four kinds of clouds.\nIn the same way, these four individuals similar to clouds are found in the world.\nWhat four?\nOne thunders but doesn’t rain,\none rains but doesn’t thunder,\none neither thunders nor rains, and\none both rains and thunders."}},{"id":"an4.101:3","sourceIds":["an4.101:3.1","an4.101:3.2","an4.101:3.3","an4.101:3.4","an4.101:3.5"],"kind":"text","text":{"pi":"Kathañca, bhikkhave, puggalo gajjitā hoti no vassitā?\nIdha, bhikkhave, ekacco puggalo bhāsitā hoti, no kattā.\nEvaṁ kho, bhikkhave, puggalo gajjitā hoti, no vassitā.\nSeyyathāpi so, bhikkhave, valāhako gajjitā, no vassitā;\ntathūpamāhaṁ, bhikkhave, imaṁ puggalaṁ vadāmi.","en":"And how does an individual thunder but not rain?\nIt’s when an individual is a talker, not a doer.\nThat’s how an individual thunders but doesn’t rain.\nThat individual is like a cloud that thunders but doesn’t rain, I say."}},{"id":"an4.101:4","sourceIds":["an4.101:4.1","an4.101:4.2","an4.101:4.3","an4.101:4.4","an4.101:4.5"],"kind":"text","text":{"pi":"Kathañca, bhikkhave, puggalo vassitā hoti, no gajjitā?\nIdha, bhikkhave, ekacco puggalo kattā hoti, no bhāsitā.\nEvaṁ kho, bhikkhave, puggalo vassitā hoti, no gajjitā.\nSeyyathāpi so, bhikkhave, valāhako vassitā, no gajjitā;\ntathūpamāhaṁ, bhikkhave, imaṁ puggalaṁ vadāmi.","en":"And how does an individual rain but not thunder?\nIt’s when an individual is a doer, not a talker. …"}},{"id":"an4.101:5","sourceIds":["an4.101:5.1","an4.101:5.2","an4.101:5.3","an4.101:5.4","an4.101:5.5"],"kind":"text","text":{"pi":"Kathañca, bhikkhave, puggalo neva gajjitā hoti, no vassitā?\nIdha, bhikkhave, ekacco puggalo neva bhāsitā hoti, no kattā.\nEvaṁ kho, bhikkhave, puggalo neva gajjitā hoti, no vassitā.\nSeyyathāpi so, bhikkhave, valāhako neva gajjitā, no vassitā;\ntathūpamāhaṁ, bhikkhave, imaṁ puggalaṁ vadāmi.","en":"And how does an individual neither thunder nor rain?\nIt’s when an individual is neither a talker nor a doer. …"}},{"id":"an4.101:6","sourceIds":["an4.101:6.1","an4.101:6.2","an4.101:6.3","an4.101:6.4","an4.101:6.5","an4.101:6.6","an4.101:6.7"],"kind":"text","text":{"pi":"Kathañca, bhikkhave, puggalo gajjitā ca hoti vassitā ca?\nIdha, bhikkhave, ekacco puggalo bhāsitā ca hoti kattā ca.\nEvaṁ kho, bhikkhave, puggalo gajjitā ca hoti vassitā ca.\nSeyyathāpi so, bhikkhave, valāhako gajjitā ca vassitā ca;\ntathūpamāhaṁ, bhikkhave, imaṁ puggalaṁ vadāmi.\nIme kho, bhikkhave, cattāro valāhakūpamā puggalā santo saṁvijjamānā lokasmin”ti.\nPaṭhamaṁ.","en":"And how does an individual both thunder and rain?\nIt’s when an individual is both a talker and a doer. …\nThese four individuals similar to clouds are found in the world.”"}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/an4.101/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}