{"id":"an4.110","title":"Vipers","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"an4.110","title":"Vipers","units":[{"id":"an4.110:0","sourceIds":["an4.110:0.1","an4.110:0.2","an4.110:0.3"],"kind":"text","text":{"pi":"Aṅguttara Nikāya 4.110\n11. Valāhakavagga\nĀsīvisasutta","en":"Numbered Discourses 4.110\n11. Clouds\nVipers"}},{"id":"an4.110:1","sourceIds":["an4.110:1.1","an4.110:1.2","an4.110:1.3","an4.110:1.4","an4.110:1.5","an4.110:1.6","an4.110:1.7","an4.110:1.8","an4.110:1.9","an4.110:1.10","an4.110:1.11","an4.110:1.12","an4.110:1.13"],"kind":"text","text":{"pi":"“Cattārome, bhikkhave, āsīvisā.\nKatame cattāro?\nĀgataviso na ghoraviso,\nghoraviso na āgataviso,\nāgataviso ca ghoraviso ca,\nnevāgataviso na ghoraviso—\nIme kho, bhikkhave, cattāro āsīvisā.\nEvamevaṁ kho, bhikkhave, cattāro āsīvisūpamā puggalā santo saṁvijjamānā lokasmiṁ.\nKatame cattāro?\nĀgataviso na ghoraviso,\nghoraviso na āgataviso,\nāgataviso ca ghoraviso ca,\nnevāgataviso na ghoraviso.","en":"“Mendicants, there are these four kinds of viper.\nWhat four?\nOne whose venom is fast-acting but not lethal,\none whose venom is lethal but not fast-acting,\none whose venom is both fast-acting and lethal, and\none whose venom is neither fast-acting nor lethal.\nThese are the four kinds of viper.\nIn the same way, these four individuals similar to vipers are found in the world.\nWhat four?\nOne whose venom is fast-acting but not lethal,\none whose venom is lethal but not fast-acting,\none whose venom is both fast-acting and lethal, and\none whose venom is neither fast-acting nor lethal."}},{"id":"an4.110:2","sourceIds":["an4.110:2.1","an4.110:2.2","an4.110:2.3","an4.110:2.4","an4.110:2.5","an4.110:2.6"],"kind":"text","text":{"pi":"Kathañca, bhikkhave, puggalo āgataviso hoti, na ghoraviso?\nIdha, bhikkhave, ekacco puggalo abhiṇhaṁ kujjhati.\nSo ca khvassa kodho na dīgharattaṁ anuseti.\nEvaṁ kho, bhikkhave, puggalo āgataviso hoti, na ghoraviso.\nSeyyathāpi so, bhikkhave, āsīviso āgataviso, na ghoraviso;\ntathūpamāhaṁ, bhikkhave, imaṁ puggalaṁ vadāmi.","en":"And how is an individual’s venom fast-acting but not lethal?\nIt’s when an individual is often angry,\nbut their anger doesn’t linger long.\nThat’s how an individual’s venom is fast-acting but not lethal.\nThat individual is like a viper whose venom is fast-acting but not lethal."}},{"id":"an4.110:3","sourceIds":["an4.110:3.1","an4.110:3.2","an4.110:3.3","an4.110:3.4","an4.110:3.5","an4.110:3.6"],"kind":"text","text":{"pi":"Kathañca, bhikkhave, puggalo ghoraviso hoti, na āgataviso?\nIdha, bhikkhave, ekacco puggalo na heva kho abhiṇhaṁ kujjhati.\nSo ca khvassa kodho dīgharattaṁ anuseti.\nEvaṁ kho, bhikkhave, puggalo ghoraviso hoti, na āgataviso.\nSeyyathāpi so, bhikkhave, āsīviso ghoraviso, na āgataviso;\ntathūpamāhaṁ, bhikkhave, imaṁ puggalaṁ vadāmi.","en":"And how is an individual’s venom lethal but not fast-acting?\nIt’s when an individual is not often angry,\nbut their anger lingers for a long time."}},{"id":"an4.110:4","sourceIds":["an4.110:4.1","an4.110:4.2","an4.110:4.3","an4.110:4.4","an4.110:4.5","an4.110:4.6"],"kind":"text","text":{"pi":"Kathañca, bhikkhave, puggalo āgataviso ca hoti ghoraviso ca?\nIdha, bhikkhave, ekacco puggalo abhiṇhaṁ kujjhati.\nSo ca khvassa kodho dīgharattaṁ anuseti.\nEvaṁ kho, bhikkhave, puggalo āgataviso ca hoti ghoraviso ca.\nSeyyathāpi so, bhikkhave, āsīviso āgataviso ca ghoraviso ca;\ntathūpamāhaṁ, bhikkhave, imaṁ puggalaṁ vadāmi.","en":"And how is an individual’s venom both fast-acting and lethal?\nIt’s when an individual is often angry,\nand their anger lingers for a long time."}},{"id":"an4.110:5","sourceIds":["an4.110:5.1","an4.110:5.2","an4.110:5.3","an4.110:5.4","an4.110:5.5","an4.110:5.6","an4.110:5.7","an4.110:5.8","an4.110:5.9"],"kind":"text","text":{"pi":"Kathañca, bhikkhave, puggalo nevāgataviso hoti na ghoraviso?\nIdha, bhikkhave, ekacco puggalo na heva kho abhiṇhaṁ kujjhati.\nSo ca khvassa kodho na dīgharattaṁ anuseti.\nEvaṁ kho, bhikkhave, puggalo nevāgataviso hoti, na ghoraviso.\nSeyyathāpi so, bhikkhave, āsīviso nevāgataviso na ghoraviso;\ntathūpamāhaṁ, bhikkhave, imaṁ puggalaṁ vadāmi.\nIme kho, bhikkhave, cattāro āsīvisūpamā puggalā santo saṁvijjamānā lokasmin”ti.\nDasamaṁ.\nValāhakavaggo paṭhamo.","en":"And how is an individual’s venom neither fast-acting nor lethal?\nIt’s when an individual is not often angry,\nand their anger doesn’t linger long.\nThese four individuals similar to vipers are found in the world.”"}},{"id":"an4.110:6","sourceIds":["an4.110:6.0","an4.110:6.1","an4.110:6.2","an4.110:6.3","an4.110:6.4"],"kind":"text","text":{"pi":"Tassuddānaṁ\nDve valāhā kumbha udaka,\nrahadā dve honti ambāni;\nMūsikā balībaddā rukkhā,\nāsīvisena te dasāti."}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/an4.110/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}