{"id":"an4.115","title":"Things","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"an4.115","title":"Things","units":[{"id":"an4.115:0","sourceIds":["an4.115:0.1","an4.115:0.2","an4.115:0.3"],"kind":"text","text":{"pi":"Aṅguttara Nikāya 4.115\n12. Kesivagga\nṬhānasutta","en":"Numbered Discourses 4.115\n12. With Kesi\nThings"}},{"id":"an4.115:1","sourceIds":["an4.115:1.1","an4.115:1.2","an4.115:1.3","an4.115:1.4","an4.115:1.5","an4.115:1.6","an4.115:1.7","an4.115:1.8","an4.115:1.9","an4.115:1.10"],"kind":"text","text":{"pi":"“Cattārimāni, bhikkhave, ṭhānāni.\nKatamāni cattāri?\nAtthi, bhikkhave, ṭhānaṁ amanāpaṁ kātuṁ;\ntañca kayiramānaṁ anatthāya saṁvattati.\nAtthi, bhikkhave, ṭhānaṁ amanāpaṁ kātuṁ;\ntañca kayiramānaṁ atthāya saṁvattati.\nAtthi, bhikkhave, ṭhānaṁ manāpaṁ kātuṁ;\ntañca kayiramānaṁ anatthāya saṁvattati.\nAtthi, bhikkhave, ṭhānaṁ manāpaṁ kātuṁ;\ntañca kayiramānaṁ atthāya saṁvattati.","en":"“Mendicants, there are these four things.\nWhat four?\nThere is a thing that’s unpleasant to do,\nand doing it proves harmful.\nThere is a thing that’s unpleasant to do,\nbut doing it proves beneficial.\nThere is a thing that’s pleasant to do,\nbut doing it proves harmful.\nThere is a thing that’s pleasant to do,\nand doing it proves beneficial."}},{"id":"an4.115:2","sourceIds":["an4.115:2.1","an4.115:2.2","an4.115:2.3","an4.115:2.4","an4.115:2.5","an4.115:2.6","an4.115:2.7","an4.115:2.8"],"kind":"text","text":{"pi":"Tatra, bhikkhave, yamidaṁ ṭhānaṁ amanāpaṁ kātuṁ;\ntañca kayiramānaṁ anatthāya saṁvattati—\nidaṁ, bhikkhave, ṭhānaṁ ubhayeneva na kattabbaṁ maññati.\nYampidaṁ ṭhānaṁ amanāpaṁ kātuṁ;\nimināpi naṁ na kattabbaṁ maññati.\nYampidaṁ ṭhānaṁ kayiramānaṁ anatthāya saṁvattati;\nimināpi naṁ na kattabbaṁ maññati.\nIdaṁ, bhikkhave, ṭhānaṁ ubhayeneva na kattabbaṁ maññati.","en":"Take the thing that’s unpleasant to do,\nand doing it proves harmful.\nThis is regarded as a thing that shouldn’t be done on both grounds:\nbecause it’s unpleasant,\nand because doing it proves harmful.\nThis is regarded as a thing that shouldn’t be done on both grounds."}},{"id":"an4.115:3","sourceIds":["an4.115:3.1","an4.115:3.2","an4.115:3.3","an4.115:3.4","an4.115:3.5","an4.115:3.6","an4.115:3.7","an4.115:3.8","an4.115:3.9","an4.115:3.10","an4.115:3.11","an4.115:3.12","an4.115:3.13"],"kind":"text","text":{"pi":"Tatra, bhikkhave, yamidaṁ ṭhānaṁ amanāpaṁ kātuṁ;\ntañca kayiramānaṁ atthāya saṁvattati—\nimasmiṁ, bhikkhave, ṭhāne bālo ca paṇḍito ca veditabbo purisathāme purisavīriye purisaparakkame.\nNa, bhikkhave, bālo iti paṭisañcikkhati:\n‘kiñcāpi kho idaṁ ṭhānaṁ amanāpaṁ kātuṁ;\natha carahidaṁ ṭhānaṁ kayiramānaṁ atthāya saṁvattatī’ti.\nSo taṁ ṭhānaṁ na karoti.\nTassa taṁ ṭhānaṁ akayiramānaṁ anatthāya saṁvattati.\nPaṇḍito ca kho, bhikkhave, iti paṭisañcikkhati:\n‘kiñcāpi kho idaṁ ṭhānaṁ amanāpaṁ kātuṁ;\natha carahidaṁ ṭhānaṁ kayiramānaṁ atthāya saṁvattatī’ti.\nSo taṁ ṭhānaṁ karoti.\nTassa taṁ ṭhānaṁ kayiramānaṁ atthāya saṁvattati.","en":"Next, take the thing that’s unpleasant to do,\nbut doing it proves beneficial.\nIt is here that you can tell who is foolish and who is astute in regard to human strength, energy, and vigor.\nA fool doesn’t reflect:\n‘Despite the fact that this thing is unpleasant to do,\ndoing it still proves beneficial.’\nThey don’t do that thing,\nso that proves harmful.\nAn astute person does reflect:\n‘Even though this thing is unpleasant to do,\ndoing it still proves beneficial.’\nThey do that thing,\nso that proves beneficial."}},{"id":"an4.115:4","sourceIds":["an4.115:4.1","an4.115:4.2","an4.115:4.3","an4.115:4.4","an4.115:4.5","an4.115:4.6","an4.115:4.7","an4.115:4.8","an4.115:4.9","an4.115:4.10","an4.115:4.11","an4.115:4.12","an4.115:4.13"],"kind":"text","text":{"pi":"Tatra, bhikkhave, yamidaṁ ṭhānaṁ manāpaṁ kātuṁ;\ntañca kayiramānaṁ anatthāya saṁvattati—\nimasmimpi, bhikkhave, ṭhāne bālo ca paṇḍito ca veditabbo purisathāme purisavīriye purisaparakkame.\nNa, bhikkhave, bālo iti paṭisañcikkhati:\n‘kiñcāpi kho idaṁ ṭhānaṁ manāpaṁ kātuṁ;\natha carahidaṁ ṭhānaṁ kayiramānaṁ anatthāya saṁvattatī’ti.\nSo taṁ ṭhānaṁ karoti.\nTassa taṁ ṭhānaṁ kayiramānaṁ anatthāya saṁvattati.\nPaṇḍito ca kho, bhikkhave, iti paṭisañcikkhati:\n‘kiñcāpi kho idaṁ ṭhānaṁ manāpaṁ kātuṁ;\natha carahidaṁ ṭhānaṁ kayiramānaṁ anatthāya saṁvattatī’ti.\nSo taṁ ṭhānaṁ na karoti.\nTassa taṁ ṭhānaṁ akayiramānaṁ atthāya saṁvattati.","en":"Next, take the thing that’s pleasant to do,\nbut doing it proves harmful.\nIt is here that you can tell who is foolish and who is astute in regard to human strength, energy, and vigor.\nA fool doesn’t reflect:\n‘Even though this thing is pleasant to do,\ndoing it still proves harmful.’\nThey do that thing,\nand so that proves harmful.\nAn astute person does reflect:\n‘Despite the fact that this thing is pleasant to do,\ndoing it still proves harmful.’\nThey don’t do that thing,\nso that proves beneficial."}},{"id":"an4.115:5","sourceIds":["an4.115:5.1","an4.115:5.2","an4.115:5.3","an4.115:5.4","an4.115:5.5","an4.115:5.6","an4.115:5.7"],"kind":"text","text":{"pi":"Tatra, bhikkhave, yamidaṁ ṭhānaṁ manāpaṁ kātuṁ, tañca kayiramānaṁ atthāya saṁvattati—\nidaṁ, bhikkhave, ṭhānaṁ ubhayeneva kattabbaṁ maññati.\nYampidaṁ ṭhānaṁ manāpaṁ kātuṁ, imināpi naṁ kattabbaṁ maññati;\nyampidaṁ ṭhānaṁ kayiramānaṁ atthāya saṁvattati, imināpi naṁ kattabbaṁ maññati.\nIdaṁ, bhikkhave, ṭhānaṁ ubhayeneva kattabbaṁ maññati.\nImāni kho, bhikkhave, cattāri ṭhānānī”ti.\nPañcamaṁ.","en":"Next, take the thing that’s pleasant to do, and doing it proves beneficial.\nThis is regarded as a thing that should be done on both grounds:\nbecause it’s pleasant,\nand because doing it proves beneficial.\nThis is regarded as a thing that should be done on both grounds.\nThese are the four things.”"}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/an4.115/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}