{"id":"an4.12","title":"Ethics","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"an4.12","title":"Ethics","units":[{"id":"an4.12:0","sourceIds":["an4.12:0.1","an4.12:0.2","an4.12:0.3"],"kind":"text","text":{"pi":"Aṅguttara Nikāya 4.12\n2. Caravagga\nSīlasutta","en":"Numbered Discourses 4.12\n2. Walking\nEthics"}},{"id":"an4.12:1","sourceIds":["an4.12:1.1","an4.12:1.2"],"kind":"text","text":{"pi":"“Sampannasīlā, bhikkhave, viharatha sampannapātimokkhā, pātimokkhasaṁvarasaṁvutā viharatha ācāragocarasampannā, aṇumattesu vajjesu bhayadassāvino samādāya sikkhatha sikkhāpadesu.\nSampannasīlānaṁ vo, bhikkhave, viharataṁ sampannapātimokkhānaṁ pātimokkhasaṁvarasaṁvutānaṁ viharataṁ ācāragocarasampannānaṁ aṇumattesu vajjesu bhayadassāvīnaṁ samādāya sikkhataṁ sikkhāpadesu, kimassa uttari karaṇīyaṁ?","en":"“Mendicants, live by the ethical precepts and the monastic code. Live restrained in the monastic code, conducting yourselves well and resorting for alms in suitable places. Seeing danger in the slightest fault, keep the rules you’ve undertaken.\nWhen you’ve done this, what more is there to do?"}},{"id":"an4.12:2","sourceIds":["an4.12:2.1"],"kind":"text","text":{"pi":"Carato cepi, bhikkhave, bhikkhuno abhijjhābyāpādo vigato hoti, thinamiddhaṁ … uddhaccakukkuccaṁ … vicikicchā pahīnā hoti, āraddhaṁ hoti vīriyaṁ asallīnaṁ, upaṭṭhitā sati asammuṭṭhā, passaddho kāyo asāraddho, samāhitaṁ cittaṁ ekaggaṁ, carampi, bhikkhave, bhikkhu evaṁbhūto ‘ātāpī ottāpī satataṁ samitaṁ āraddhavīriyo pahitatto’ti vuccati.","en":"Suppose a mendicant has got rid of desire and ill will while walking, and has given up dullness and drowsiness, restlessness and remorse, and doubt. Their energy is roused up and unflagging, their mindfulness is established and lucid, their body is tranquil and undisturbed, and their mind is immersed and unified in samādhi. Such a mendicant is said to be ‘keen and prudent, always energetic and resolute’ when walking."}},{"id":"an4.12:3","sourceIds":["an4.12:3.1"],"kind":"text","text":{"pi":"Ṭhitassa cepi, bhikkhave, bhikkhuno abhijjhābyāpādo vigato hoti, thinamiddhaṁ … uddhaccakukkuccaṁ … vicikicchā pahīnā hoti, āraddhaṁ hoti vīriyaṁ asallīnaṁ, upaṭṭhitā sati asammuṭṭhā, passaddho kāyo asāraddho, samāhitaṁ cittaṁ ekaggaṁ, ṭhitopi, bhikkhave, bhikkhu evaṁbhūto ‘ātāpī ottāpī satataṁ samitaṁ āraddhavīriyo pahitatto’ti vuccati.","en":"Suppose a mendicant has got rid of desire and ill will while standing …"}},{"id":"an4.12:4","sourceIds":["an4.12:4.1"],"kind":"text","text":{"pi":"Nisinnassa cepi, bhikkhave, bhikkhuno abhijjhābyāpādo vigato hoti, thinamiddhaṁ … uddhaccakukkuccaṁ … vicikicchā pahīnā hoti, āraddhaṁ hoti vīriyaṁ asallīnaṁ, upaṭṭhitā sati asammuṭṭhā, passaddho kāyo asāraddho, samāhitaṁ cittaṁ ekaggaṁ, nisinnopi, bhikkhave, bhikkhu evaṁbhūto ‘ātāpī ottāpī satataṁ samitaṁ āraddhavīriyo pahitatto’ti vuccati.","en":"sitting …"}},{"id":"an4.12:5","sourceIds":["an4.12:5.1"],"kind":"text","text":{"pi":"Sayānassa cepi, bhikkhave, bhikkhuno jāgarassa abhijjhābyāpādo vigato hoti, thinamiddhaṁ … uddhaccakukkuccaṁ … vicikicchā pahīnā hoti, āraddhaṁ hoti vīriyaṁ asallīnaṁ, upaṭṭhitā sati asammuṭṭhā, passaddho kāyo asāraddho, samāhitaṁ cittaṁ ekaggaṁ, sayānopi, bhikkhave, bhikkhu jāgaro evaṁbhūto ‘ātāpī ottāpī satataṁ samitaṁ āraddhavīriyo pahitatto’ti vuccatīti.","en":"or when lying down while awake, and has given up dullness and drowsiness, restlessness and remorse, and doubt. Their energy is roused up and unflagging, their mindfulness is established and lucid, their body is tranquil and undisturbed, and their mind is immersed and unified in samādhi. Such a mendicant is said to be ‘keen and prudent, always energetic and resolute’ when lying down while awake."}},{"id":"an4.12:6","sourceIds":["an4.12:6.1","an4.12:6.2","an4.12:6.3","an4.12:6.4"],"kind":"text","text":{"pi":"Yataṁ care yataṁ tiṭṭhe,\nYataṁ acche yataṁ saye;\nYataṁ samiñjaye bhikkhu,\nYatamenaṁ pasāraye.","en":"Carefully walking, carefully standing,\ncarefully sitting, carefully lying;\na mendicant carefully bends their limbs,\nand carefully extends them."}},{"id":"an4.12:7","sourceIds":["an4.12:7.1","an4.12:7.2","an4.12:7.3","an4.12:7.4"],"kind":"text","text":{"pi":"Uddhaṁ tiriyaṁ apācīnaṁ,\nyāvatājagatogati;\nSamavekkhitā ca dhammānaṁ,\nkhandhānaṁ udayabbayaṁ.","en":"Above, below, all round,\nas far as the planet extends;\nthey scrutinize the rise and fall\nof phenomena such as the aggregates."}},{"id":"an4.12:8","sourceIds":["an4.12:8.1","an4.12:8.2","an4.12:8.3","an4.12:8.4","an4.12:8.5"],"kind":"text","text":{"pi":"Cetosamathasāmīciṁ,\nsikkhamānaṁ sadā sataṁ;\nSatataṁ pahitattoti,\nāhu bhikkhuṁ tathāvidhan”ti.\nDutiyaṁ.","en":"Training in what leads to serenity of heart,\nalways staying mindful;\nthey call such a mendicant\n‘always determined’.”"}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/an4.12/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}