{"id":"an4.122","title":"The Danger of Waves","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"an4.122","title":"The Danger of Waves","units":[{"id":"an4.122:0","sourceIds":["an4.122:0.1","an4.122:0.2","an4.122:0.3"],"kind":"text","text":{"pi":"Aṅguttara Nikāya 4.122\n13. Bhayavagga\nŪmibhayasutta","en":"Numbered Discourses 4.122\n13. Fears\nThe Danger of Waves"}},{"id":"an4.122:1","sourceIds":["an4.122:1.1","an4.122:1.2","an4.122:1.3","an4.122:1.4","an4.122:1.5","an4.122:1.6","an4.122:1.7"],"kind":"text","text":{"pi":"“Cattārimāni, bhikkhave, bhayāni udakorohantassa pāṭikaṅkhitabbāni.\nKatamāni cattāri?\nŪmibhayaṁ, kumbhīlabhayaṁ, āvaṭṭabhayaṁ, susukābhayaṁ—\nImāni kho, bhikkhave, cattāri bhayāni udakorohantassa pāṭikaṅkhitabbāni.\nEvamevaṁ kho, bhikkhave, cattāri bhayāni idhekaccassa kulaputtassa imasmiṁ dhammavinaye agārasmā anagāriyaṁ pabbajitassa pāṭikaṅkhitabbāni.\nKatamāni cattāri?\nŪmibhayaṁ, kumbhīlabhayaṁ, āvaṭṭabhayaṁ, susukābhayaṁ.","en":"“Mendicants, anyone who enters the water should anticipate four dangers.\nWhat four?\nThe dangers of waves, gharials, whirlpools, and sharks.\nThese are the four dangers that anyone who enters the water should anticipate.\nIn the same way, a gentleman gone forth from the lay life to homelessness in this teaching and training should anticipate four dangers.\nWhat four?\nThe dangers of waves, gharials, whirlpools, and sharks."}},{"id":"an4.122:2","sourceIds":["an4.122:2.1","an4.122:2.2","an4.122:2.3","an4.122:2.4","an4.122:2.5","an4.122:2.6","an4.122:2.7","an4.122:2.8","an4.122:2.9","an4.122:2.10","an4.122:2.11","an4.122:2.12","an4.122:2.13"],"kind":"text","text":{"pi":"Katamañca, bhikkhave, ūmibhayaṁ?\nIdha, bhikkhave, ekacco kulaputto saddhā agārasmā anagāriyaṁ pabbajito hoti:\n‘otiṇṇomhi jātiyā jarāya maraṇena sokehi paridevehi dukkhehi domanassehi upāyāsehi, dukkhotiṇṇo dukkhapareto;\nappeva nāma imassa kevalassa dukkhakkhandhassa antakiriyā paññāyethā’ti.\nTamenaṁ tathā pabbajitaṁ samānaṁ sabrahmacārino ovadanti anusāsanti:\n‘evaṁ te abhikkamitabbaṁ, evaṁ te paṭikkamitabbaṁ, evaṁ te āloketabbaṁ, evaṁ te viloketabbaṁ, evaṁ te samiñjitabbaṁ, evaṁ te pasāritabbaṁ, evaṁ te saṅghāṭipattacīvaraṁ dhāretabban’ti.\nTassa evaṁ hoti:\n‘mayaṁ kho pubbe agāriyabhūtā samānā aññe ovadāmapi anusāsāmapi.\nIme panamhākaṁ puttamattā maññe nattamattā maññe ovaditabbaṁ anusāsitabbaṁ maññantī’ti.\nSo kupito anattamano sikkhaṁ paccakkhāya hīnāyāvattati.\nAyaṁ vuccati, bhikkhave, bhikkhu ūmibhayassa bhīto sikkhaṁ paccakkhāya hīnāyāvatto.\nŪmibhayanti kho, bhikkhave, kodhūpāyāsassetaṁ adhivacanaṁ.\nIdaṁ vuccati, bhikkhave, ūmibhayaṁ.","en":"And what, mendicants, is the danger of waves?\nIt’s when a gentleman has gone forth out of faith from the lay life to homelessness, thinking:\n‘I’m swamped by rebirth, old age, and death; by sorrow, lamentation, pain, sadness, and distress. I’m swamped by suffering, mired in suffering.\nHopefully I can make an end to this entire mass of suffering.’\nWhen they’ve gone forth, their spiritual companions advise and instruct them:\n‘You should go out like this, and come back like that. You should look to the front like this, and to the side like that. You should contract your limbs like this, and extend them like that. This is how you should bear your outer robe, bowl, and robes.’\nThey think:\n‘Formerly, as laypeople, we advised and instructed others.\nAnd now these mendicants—who you’d think were our children or grandchildren—imagine they can advise and instruct us!’\nAngry and upset, they resign the training and return to a lesser life.\nThis is called a mendicant who resigns the training and returns to a lesser life for fear of the danger of waves.\n‘Danger of waves’ is a term for anger and distress.\nThis is called the danger of waves."}},{"id":"an4.122:3","sourceIds":["an4.122:3.1","an4.122:3.2","an4.122:3.3","an4.122:3.4","an4.122:3.5","an4.122:3.6","an4.122:3.7","an4.122:3.8","an4.122:3.9","an4.122:3.10","an4.122:3.11","an4.122:3.12","an4.122:3.13","an4.122:3.14","an4.122:3.15","an4.122:3.16","an4.122:3.17"],"kind":"text","text":{"pi":"Katamañca, bhikkhave, kumbhīlabhayaṁ?\nIdha, bhikkhave, ekacco kulaputto saddhā agārasmā anagāriyaṁ pabbajito hoti:\n‘otiṇṇomhi jātiyā jarāya maraṇena sokehi paridevehi dukkhehi domanassehi upāyāsehi, dukkhotiṇṇo dukkhapareto;\nappeva nāma imassa kevalassa dukkhakkhandhassa antakiriyā paññāyethā’ti.\nTamenaṁ tathā pabbajitaṁ samānaṁ sabrahmacārino ovadanti anusāsanti:\n‘idaṁ te khāditabbaṁ, idaṁ te na khāditabbaṁ, idaṁ te bhuñjitabbaṁ, idaṁ te na bhuñjitabbaṁ, idaṁ te sāyitabbaṁ, idaṁ te na sāyitabbaṁ, idaṁ te pātabbaṁ, idaṁ te na pātabbaṁ, kappiyaṁ te khāditabbaṁ, akappiyaṁ te na khāditabbaṁ, kappiyaṁ te bhuñjitabbaṁ, akappiyaṁ te na bhuñjitabbaṁ, kappiyaṁ te sāyitabbaṁ, akappiyaṁ te na sāyitabbaṁ, kappiyaṁ te pātabbaṁ, akappiyaṁ te na pātabbaṁ, kāle te khāditabbaṁ, vikāle te na khāditabbaṁ, kāle te bhuñjitabbaṁ, vikāle te na bhuñjitabbaṁ, kāle te sāyitabbaṁ, vikāle te na sāyitabbaṁ, kāle te pātabbaṁ, vikāle te na pātabban’ti.\nTassa evaṁ hoti:\n‘mayaṁ kho pubbe agāriyabhūtā samānā yaṁ icchāma taṁ khādāma, yaṁ na icchāma na taṁ khādāma;\nyaṁ icchāma taṁ bhuñjāma, yaṁ na icchāma na taṁ bhuñjāma;\nyaṁ icchāma taṁ sāyāma, yaṁ na icchāma na taṁ sāyāma;\nyaṁ icchāma taṁ pivāma, yaṁ na icchāma na taṁ pivāma;\nkappiyampi khādāma akappiyampi khādāma kappiyampi bhuñjāma akappiyampi bhuñjāma kappiyampi sāyāma akappiyampi sāyāma kappiyampi pivāma akappiyampi pivāma, kālepi khādāma vikālepi khādāma kālepi bhuñjāma vikālepi bhuñjāma kālepi sāyāma vikālepi sāyāma kālepi pivāma vikālepi pivāma;\nyampi no saddhā gahapatikā divā vikāle paṇītaṁ khādanīyaṁ vā bhojanīyaṁ vā denti, tatrapime mukhāvaraṇaṁ maññe karontī’ti.\nSo kupito anattamano sikkhaṁ paccakkhāya hīnāyāvattati.\nAyaṁ vuccati, bhikkhave, bhikkhu kumbhīlabhayassa bhīto sikkhaṁ paccakkhāya hīnāyāvatto.\nKumbhīlabhayanti kho, bhikkhave, odarikattassetaṁ adhivacanaṁ.\nIdaṁ vuccati, bhikkhave, kumbhīlabhayaṁ.","en":"And what, mendicants, is the danger of gharials?\nIt’s when a gentleman has gone forth out of faith from the lay life to homelessness …\nWhen they’ve gone forth, their spiritual companions advise and instruct them:\n‘You may eat, consume, taste, and drink these things, but not those. You may eat what’s allowable, but not what’s unallowable. You may eat at the right time, but not at the wrong time.’\nThey think:\n‘Formerly, as laypeople, we used to eat, consume, taste, and drink what we wanted, not what we didn’t want.\nWe ate and drank both allowable and unallowable things, at the right time and the wrong time.\nAnd these faithful householders give us delicious fresh and cooked foods at the wrong time of day. But these guys imagine they can gag our mouths!’\nAngry and upset, they resign the training and return to a lesser life.\nThis is called a mendicant who resigns the training and returns to a lesser life for fear of the danger of gharials.\n‘Danger of gharials’ is a term for gluttony.\nThis is called the danger of gharials."}},{"id":"an4.122:4","sourceIds":["an4.122:4.1","an4.122:4.2","an4.122:4.3","an4.122:4.4","an4.122:4.5","an4.122:4.6","an4.122:4.7","an4.122:4.8","an4.122:4.9","an4.122:4.10","an4.122:4.11","an4.122:4.12","an4.122:4.13","an4.122:4.14","an4.122:4.15"],"kind":"text","text":{"pi":"Katamañca, bhikkhave, āvaṭṭabhayaṁ?\nIdha, bhikkhave, ekacco kulaputto saddhā agārasmā anagāriyaṁ pabbajito hoti:\n‘otiṇṇomhi jātiyā jarāya maraṇena sokehi paridevehi, dukkhehi domanassehi upāyāsehi dukkhotiṇṇo dukkhapareto;\nappeva nāma imassa kevalassa dukkhakkhandhassa antakiriyā paññāyethā’ti.\nSo evaṁ pabbajito samāno pubbaṇhasamayaṁ nivāsetvā pattacīvaramādāya gāmaṁ vā nigamaṁ vā piṇḍāya pavisati arakkhiteneva kāyena arakkhitāya vācāya arakkhitena cittena anupaṭṭhitāya satiyā asaṁvutehi indriyehi.\nSo tattha passati gahapatiṁ vā gahapatiputtaṁ vā pañcahi kāmaguṇehi samappitaṁ samaṅgībhūtaṁ paricārayamānaṁ.\nTassa evaṁ hoti:\n‘mayaṁ kho pubbe agāriyabhūtā samānā pañcahi kāmaguṇehi samappitā samaṅgībhūtā paricārimhā;\nsaṁvijjanti kho pana me kule bhogā.\nSakkā bhoge ca bhuñjituṁ puññāni ca kātuṁ.\nYannūnāhaṁ sikkhaṁ paccakkhāya hīnāyāvattitvā bhoge ca bhuñjeyyaṁ puññāni ca kareyyan’ti.\nSo sikkhaṁ paccakkhāya hīnāyāvattati.\nAyaṁ vuccati, bhikkhave, bhikkhu āvaṭṭabhayassa bhīto sikkhaṁ paccakkhāya hīnāyāvatto.\nĀvaṭṭabhayanti kho, bhikkhave, pañcannetaṁ kāmaguṇānaṁ adhivacanaṁ.\nIdaṁ vuccati, bhikkhave, āvaṭṭabhayaṁ.","en":"And what, mendicants, is the danger of whirlpools?\nIt’s when a gentleman has gone forth out of faith from the lay life to homelessness …\nWhen they’ve gone forth, they robe up in the morning and, taking their bowl and robe, enter a village or town for alms without guarding body, speech, and mind, without establishing mindfulness, and without restraining the sense faculties.\nThere they see a householder or their child amusing themselves, supplied and provided with the five kinds of sensual stimulation.\nThey think:\n‘Formerly, as laypeople, we amused ourselves, supplied and provided with the five kinds of sensual stimulation.\nAnd it’s true that my family is wealthy.\nI can both enjoy my wealth and make merit.\nWhy don’t I resign the training and return to a lesser life, so I can enjoy my wealth and make merit?’\nThey resign the training and return to a lesser life.\nThis is called a mendicant who resigns the training and returns to a lesser life for fear of the danger of whirlpools.\n‘Danger of whirlpools’ is a term for the five kinds of sensual stimulation.\nThis is called the danger of whirlpools."}},{"id":"an4.122:5","sourceIds":["an4.122:5.1","an4.122:5.2","an4.122:5.3","an4.122:5.4","an4.122:5.5","an4.122:5.6","an4.122:5.7","an4.122:5.8","an4.122:5.9","an4.122:5.10","an4.122:5.11","an4.122:5.12","an4.122:5.13"],"kind":"text","text":{"pi":"Katamañca, bhikkhave, susukābhayaṁ?\nIdha, bhikkhave, ekacco kulaputto saddhā agārasmā anagāriyaṁ pabbajito hoti:\n‘otiṇṇomhi jātiyā jarāya maraṇena sokehi paridevehi dukkhehi domanassehi upāyāsehi, dukkhotiṇṇo dukkhapareto;\nappeva nāma imassa kevalassa dukkhakkhandhassa antakiriyā paññāyethā’ti.\nSo evaṁ pabbajito samāno pubbaṇhasamayaṁ nivāsetvā pattacīvaramādāya gāmaṁ vā nigamaṁ vā piṇḍāya pavisati arakkhiteneva kāyena arakkhitāya vācāya arakkhitena cittena anupaṭṭhitāya satiyā asaṁvutehi indriyehi.\nSo tattha passati mātugāmaṁ dunnivatthaṁ vā duppārutaṁ vā.\nTassa mātugāmaṁ disvā dunnivatthaṁ vā duppārutaṁ vā rāgo cittaṁ anuddhaṁseti.\nSo rāgānuddhaṁsitena cittena sikkhaṁ paccakkhāya hīnāyāvattati.\nAyaṁ vuccati, bhikkhave, bhikkhu susukābhayassa bhīto sikkhaṁ paccakkhāya hīnāyāvatto.\nSusukābhayanti kho, bhikkhave, mātugāmassetaṁ adhivacanaṁ.\nIdaṁ vuccati, bhikkhave, susukābhayaṁ.\nImāni kho, bhikkhave, cattāri bhayāni idhekaccassa kulaputtassa imasmiṁ dhammavinaye agārasmā anagāriyaṁ pabbajitassa pāṭikaṅkhitabbānī”ti.\nDutiyaṁ.","en":"And what, mendicants, is the danger of sharks?\nIt’s when a gentleman has gone forth out of faith from the lay life to homelessness …\nWhen they’ve gone forth, they robe up in the morning and, taking their bowl and robe, enter a village or town for alms without guarding body, speech, and mind, without establishing mindfulness, and without restraining the sense faculties.\nThere they see a lady scantily clad, with revealing clothes.\nLust infects their mind,\nso they resign the training and return to a lesser life.\nThis is called a mendicant who resigns the training and returns to a lesser life because they’re afraid of the danger of sharks.\n‘Danger of sharks’ is a term for ladies.\nThis is called the danger of sharks.\nThese are the four dangers that a gentleman gone forth from the lay life to homelessness in this teaching and training should anticipate.”"}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/an4.122/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}