{"id":"an4.125","title":"Love (1st)","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"an4.125","title":"Love (1st)","units":[{"id":"an4.125:0","sourceIds":["an4.125:0.1","an4.125:0.2","an4.125:0.3"],"kind":"text","text":{"pi":"Aṅguttara Nikāya 4.125\n13. Bhayavagga\nPaṭhamamettāsutta","en":"Numbered Discourses 4.125\n13. Fears\nLove (1st)"}},{"id":"an4.125:1","sourceIds":["an4.125:1.1","an4.125:1.2","an4.125:1.3","an4.125:1.4","an4.125:1.5","an4.125:1.6","an4.125:1.7","an4.125:1.8","an4.125:1.9"],"kind":"text","text":{"pi":"“Cattārome, bhikkhave, puggalā santo saṁvijjamānā lokasmiṁ.\nKatame cattāro?\nIdha, bhikkhave, ekacco puggalo mettāsahagatena cetasā ekaṁ disaṁ pharitvā viharati, tathā dutiyaṁ tathā tatiyaṁ tathā catutthaṁ. Iti uddhamadho tiriyaṁ sabbadhi sabbattatāya sabbāvantaṁ lokaṁ mettāsahagatena cetasā vipulena mahaggatena appamāṇena averena abyāpajjena pharitvā viharati.\nSo tadassādeti, taṁ nikāmeti, tena ca vittiṁ āpajjati.\nTattha ṭhito tadadhimutto tabbahulavihārī aparihīno kālaṁ kurumāno brahmakāyikānaṁ devānaṁ sahabyataṁ upapajjati.\nBrahmakāyikānaṁ, bhikkhave, devānaṁ kappo āyuppamāṇaṁ.\nTattha puthujjano yāvatāyukaṁ ṭhatvā yāvatakaṁ tesaṁ devānaṁ āyuppamāṇaṁ taṁ sabbaṁ khepetvā nirayampi gacchati tiracchānayonimpi gacchati pettivisayampi gacchati.\nBhagavato pana sāvako tattha yāvatāyukaṁ ṭhatvā yāvatakaṁ tesaṁ devānaṁ āyuppamāṇaṁ taṁ sabbaṁ khepetvā tasmiṁyeva bhave parinibbāyati.\nAyaṁ kho, bhikkhave, viseso ayaṁ adhippayāso idaṁ nānākaraṇaṁ sutavato ariyasāvakassa assutavatā puthujjanena, yadidaṁ gatiyā upapattiyā sati.","en":"“Mendicants, these four individuals are found in the world.\nWhat four?\nFirstly, an individual meditates spreading a heart full of love to one direction, and to the second, and to the third, and to the fourth. In the same way above, below, across, everywhere, all around, they spread a heart full of love to the whole world—abundant, expansive, limitless, free of enmity and ill will.\nThey enjoy this and like it and find it rewarding.\nIf they abide in that, are committed to it, and meditate on it often without losing it, when they die they’re reborn in the company of the gods of the Divinity’s host.\nThe lifespan of the gods of the Divinity’s host is one eon.\nAn ordinary person stays there until the lifespan of those gods is spent, then they go to hell or the animal realm or the ghost realm.\nBut a disciple of the Buddha stays there until the lifespan of those gods is spent, then they’re extinguished in that very life.\nThis is the difference between a learned noble disciple and an unlearned ordinary person, that is, when there is a place of rebirth."}},{"id":"an4.125:2","sourceIds":["an4.125:2.1","an4.125:2.2","an4.125:2.3","an4.125:2.4","an4.125:2.5","an4.125:2.6","an4.125:2.7","an4.125:2.8","an4.125:2.9","an4.125:2.10","an4.125:2.11","an4.125:2.12","an4.125:2.13"],"kind":"text","text":{"pi":"Puna caparaṁ, bhikkhave, idhekacco puggalo karuṇāsahagatena cetasā …pe…\nmuditāsahagatena cetasā …pe…\nupekkhāsahagatena cetasā ekaṁ disaṁ pharitvā viharati, tathā dutiyaṁ tathā tatiyaṁ tathā catutthaṁ. Iti uddhamadho tiriyaṁ sabbadhi sabbattatāya sabbāvantaṁ lokaṁ upekkhāsahagatena cetasā vipulena mahaggatena appamāṇena averena abyāpajjena pharitvā viharati.\nSo tadassādeti, taṁ nikāmeti, tena ca vittiṁ āpajjati.\nTattha ṭhito tadadhimutto tabbahulavihārī aparihīno kālaṁ kurumāno ābhassarānaṁ devānaṁ sahabyataṁ upapajjati.\nĀbhassarānaṁ, bhikkhave, devānaṁ dve kappā āyuppamāṇaṁ …pe… subhakiṇhānaṁ devānaṁ sahabyataṁ upapajjati.\nSubhakiṇhānaṁ, bhikkhave, devānaṁ cattāro kappā āyuppamāṇaṁ …pe… vehapphalānaṁ devānaṁ sahabyataṁ upapajjati.\nVehapphalānaṁ, bhikkhave, devānaṁ pañca kappasatāni āyuppamāṇaṁ.\nTattha puthujjano yāvatāyukaṁ ṭhatvā yāvatakaṁ tesaṁ devānaṁ āyuppamāṇaṁ taṁ sabbaṁ khepetvā nirayampi gacchati tiracchānayonimpi gacchati pettivisayampi gacchati.\nBhagavato pana sāvako tattha yāvatāyukaṁ ṭhatvā yāvatakaṁ tesaṁ devānaṁ āyuppamāṇaṁ taṁ sabbaṁ khepetvā tasmiṁyeva bhave parinibbāyati.\nAyaṁ kho, bhikkhave, viseso ayaṁ adhippayāso idaṁ nānākaraṇaṁ sutavato ariyasāvakassa assutavatā puthujjanena, yadidaṁ gatiyā upapattiyā sati.\nIme kho, bhikkhave, cattāro puggalā santo saṁvijjamānā lokasmin”ti.\nPañcamaṁ.","en":"Furthermore, an individual meditates spreading a heart full of compassion … They’re reborn in the company of the gods of sublime luminosity. The lifespan of the gods of sublime luminosity is two eons.\nFurthermore, an individual meditates spreading a heart full of rejoicing … They’re reborn in the company of the gods of universal beauty. The lifespan of the gods of universal beauty is four eons.\nFurthermore, an individual meditates spreading a heart full of equanimity to one direction, and to the second, and to the third, and to the fourth. In the same way above, below, across, everywhere, all around, they spread a heart full of equanimity to the whole world—abundant, expansive, limitless, free of enmity and ill will.\nThey enjoy this and like it and find it rewarding.\nIf they abide in that, are committed to it, and meditate on it often without losing it, when they die\nthey’re reborn in the company of the gods of abundant fruit.\nThe lifespan of the gods of abundant fruit is five hundred eons.\nAn ordinary person stays there until the lifespan of those gods is spent, then they go to hell or the animal realm or the ghost realm.\nBut a disciple of the Buddha stays there until the lifespan of those gods is spent, then they’re extinguished in that very life.\nThis is the difference between a learned noble disciple and an unlearned ordinary person, that is, when there is a place of rebirth.\nThese are the four individuals found in the world.”"}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/an4.125/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}