{"id":"an4.126","title":"Love (2nd)","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"an4.126","title":"Love (2nd)","units":[{"id":"an4.126:0","sourceIds":["an4.126:0.1","an4.126:0.2","an4.126:0.3"],"kind":"text","text":{"pi":"Aṅguttara Nikāya 4.126\n13. Bhayavagga\nDutiyamettāsutta","en":"Numbered Discourses 4.126\n13. Fears\nLove (2nd)"}},{"id":"an4.126:1","sourceIds":["an4.126:1.1","an4.126:1.2","an4.126:1.3","an4.126:1.4","an4.126:1.5","an4.126:1.6"],"kind":"text","text":{"pi":"“Cattārome, bhikkhave, puggalā santo saṁvijjamānā lokasmiṁ.\nKatame cattāro?\nIdha, bhikkhave, ekacco puggalo mettāsahagatena cetasā ekaṁ disaṁ pharitvā viharati, tathā dutiyaṁ tathā tatiyaṁ tathā catutthaṁ. Iti uddhamadho tiriyaṁ sabbadhi sabbattatāya sabbāvantaṁ lokaṁ mettāsahagatena cetasā vipulena mahaggatena appamāṇena averena abyāpajjena pharitvā viharati.\nSo yadeva tattha hoti rūpagataṁ vedanāgataṁ saññāgataṁ saṅkhāragataṁ viññāṇagataṁ te dhamme aniccato dukkhato rogato gaṇḍato sallato aghato ābādhato parato palokato suññato anattato samanupassati.\nSo kāyassa bhedā paraṁ maraṇā suddhāvāsānaṁ devānaṁ sahabyataṁ upapajjati.\nAyaṁ, bhikkhave, upapatti asādhāraṇā puthujjanehi.","en":"“Mendicants, these four individuals are found in the world.\nWhat four?\nFirstly, an individual meditates spreading a heart full of love to one direction, and to the second, and to the third, and to the fourth. In the same way above, below, across, everywhere, all around, they spread a heart full of love to the whole world—abundant, expansive, limitless, free of enmity and ill will.\nThey contemplate the phenomena there—included in form, feeling, perception, choices, and consciousness—as impermanent, as suffering, as diseased, as a boil, as a dart, as gloom, as an affliction, as alien, as breaking apart, as empty, as not-self.\nWhen their body breaks up, after death, they’re reborn in the company of the gods of the pure abodes.\nThis rebirth is distinct from that of ordinary people."}},{"id":"an4.126:2","sourceIds":["an4.126:2.1","an4.126:2.2","an4.126:2.3","an4.126:2.4","an4.126:2.5","an4.126:2.6","an4.126:2.7","an4.126:2.8"],"kind":"text","text":{"pi":"Puna caparaṁ, bhikkhave, idhekacco puggalo karuṇā …pe…\nmuditā …pe…\nupekkhāsahagatena cetasā ekaṁ disaṁ pharitvā viharati, tathā dutiyaṁ tathā tatiyaṁ tathā catutthaṁ. Iti uddhamadho tiriyaṁ sabbadhi sabbattatāya sabbāvantaṁ lokaṁ upekkhāsahagatena cetasā vipulena mahaggatena appamāṇena averena abyāpajjena pharitvā viharati.\nSo yadeva tattha hoti rūpagataṁ vedanāgataṁ saññāgataṁ saṅkhāragataṁ viññāṇagataṁ te dhamme aniccato dukkhato rogato gaṇḍato sallato aghato ābādhato parato palokato suññato anattato samanupassati.\nSo kāyassa bhedā paraṁ maraṇā suddhāvāsānaṁ devānaṁ sahabyataṁ upapajjati.\nAyaṁ, bhikkhave, upapatti asādhāraṇā puthujjanehi.\nIme kho, bhikkhave, cattāro puggalā santo saṁvijjamānā lokasminti.\nChaṭṭhaṁ.","en":"Furthermore, an individual meditates spreading a heart full of compassion …\nrejoicing …\nequanimity to one direction, and to the second, and to the third, and to the fourth. In the same way above, below, across, everywhere, all around, they spread a heart full of equanimity to the whole world—abundant, expansive, limitless, free of enmity and ill will.\nThey contemplate the phenomena there—included in form, feeling, perception, choices, and consciousness—as impermanent, as suffering, as diseased, as a boil, as a dart, as gloom, as an affliction, as alien, as breaking apart, as empty, as not-self.\nWhen their body breaks up, after death, they’re reborn in the company of the gods of the pure abodes.\nThis rebirth is distinct from that of ordinary people.\nThese are the four individuals found in the world.”"}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/an4.126/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}