{"id":"an4.130","title":"Incredible Things About the Wheel-Turning Monarch","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"an4.130","title":"Incredible Things About the Wheel-Turning Monarch","units":[{"id":"an4.130:0","sourceIds":["an4.130:0.1","an4.130:0.2","an4.130:0.3"],"kind":"text","text":{"pi":"Aṅguttara Nikāya 4.130\n13. Bhayavagga\nCakkavattiacchariyasutta","en":"Numbered Discourses 4.130\n13. Fears\nIncredible Things About the Wheel-Turning Monarch"}},{"id":"an4.130:1","sourceIds":["an4.130:1.1","an4.130:1.2","an4.130:1.3","an4.130:1.4","an4.130:1.5"],"kind":"text","text":{"pi":"“Cattārome, bhikkhave, acchariyā abbhutā dhammā raññe cakkavattimhi.\nKatame cattāro?\nSace, bhikkhave, khattiyaparisā rājānaṁ cakkavattiṁ dassanāya upasaṅkamati, dassanenapi sā attamanā hoti.\nTatra ce rājā cakkavattī bhāsati, bhāsitenapi sā attamanā hoti.\nAtittāva, bhikkhave, khattiyaparisā hoti, atha rājā cakkavattī tuṇhī bhavati.","en":"“Mendicants, there are these four incredible and amazing things about a wheel-turning monarch.\nWhat four?\nIf an assembly of aristocrats goes to see a wheel-turning monarch, they’re uplifted by seeing him\nand uplifted by hearing him speak.\nAnd when he falls silent, they’ve never had enough."}},{"id":"an4.130:2","sourceIds":["an4.130:2.1","an4.130:2.2","an4.130:2.3"],"kind":"text","text":{"pi":"Sace, bhikkhave, brāhmaṇaparisā rājānaṁ cakkavattiṁ dassanāya upasaṅkamati, dassanenapi sā attamanā hoti.\nTatra ce rājā cakkavattī bhāsati, bhāsitenapi sā attamanā hoti.\nAtittāva, bhikkhave, brāhmaṇaparisā hoti, atha rājā cakkavattī tuṇhī bhavati.","en":"If an assembly of brahmins …"}},{"id":"an4.130:3","sourceIds":["an4.130:3.1","an4.130:3.2","an4.130:3.3"],"kind":"text","text":{"pi":"Sace, bhikkhave, gahapatiparisā rājānaṁ cakkavattiṁ dassanāya upasaṅkamati, dassanenapi sā attamanā hoti.\nTatra ce rājā cakkavattī bhāsati, bhāsitenapi sā attamanā hoti.\nAtittāva, bhikkhave, gahapatiparisā hoti, atha rājā cakkavattī tuṇhī bhavati.","en":"householders …"}},{"id":"an4.130:4","sourceIds":["an4.130:4.1","an4.130:4.2","an4.130:4.3","an4.130:4.4"],"kind":"text","text":{"pi":"Sace, bhikkhave, samaṇaparisā rājānaṁ cakkavattiṁ dassanāya upasaṅkamati, dassanenapi sā attamanā hoti.\nTatra ce rājā cakkavattī bhāsati, bhāsitenapi sā attamanā hoti.\nAtittāva, bhikkhave, samaṇaparisā hoti, atha rājā cakkavattī tuṇhī bhavati.\nIme kho, bhikkhave, cattāro acchariyā abbhutā dhammā raññe cakkavattimhi.","en":"or ascetics goes to see a wheel-turning monarch, they’re uplifted by seeing him\nand uplifted by hearing him speak.\nAnd when he falls silent, they’ve never had enough.\nThese are the four incredible and amazing things about a wheel-turning monarch."}},{"id":"an4.130:5","sourceIds":["an4.130:5.1","an4.130:5.2","an4.130:5.3","an4.130:5.4","an4.130:5.5"],"kind":"text","text":{"pi":"Evamevaṁ kho, bhikkhave, cattāro acchariyā abbhutā dhammā ānande.\nKatame cattāro?\nSace, bhikkhave, bhikkhuparisā ānandaṁ dassanāya upasaṅkamati, dassanenapi sā attamanā hoti.\nTatra ce ānando dhammaṁ bhāsati, bhāsitenapi sā attamanā hoti.\nAtittāva, bhikkhave, bhikkhuparisā hoti, atha ānando tuṇhī bhavati.","en":"In the same way, there are these four incredible and amazing things about Ānanda.\nWhat four?\nIf an assembly of monks goes to see Ānanda, they’re uplifted by seeing him\nand uplifted by hearing him speak.\nAnd when he falls silent, they’ve never had enough."}},{"id":"an4.130:6","sourceIds":["an4.130:6.1","an4.130:6.2","an4.130:6.3","an4.130:6.4","an4.130:6.5","an4.130:6.6"],"kind":"text","text":{"pi":"Sace, bhikkhave, bhikkhuniparisā …pe… sace, bhikkhave, upāsakaparisā …pe… sace, bhikkhave, upāsikāparisā ānandaṁ dassanāya upasaṅkamati, dassanenapi sā attamanā hoti.\nTatra ce ānando dhammaṁ bhāsati, bhāsitenapi sā attamanā hoti.\nAtittāva, bhikkhave, upāsikāparisā hoti, atha ānando tuṇhī bhavati.\nIme kho, bhikkhave, cattāro acchariyā abbhutā dhammā ānande”ti.\nDasamaṁ.\nBhayavaggo tatiyo.","en":"If an assembly of nuns … laymen … or laywomen goes to see Ānanda, they’re uplifted by seeing him\nand uplifted by hearing him speak.\nAnd when he falls silent, they’ve never had enough.\nThese are the four incredible and amazing things about Ānanda.”"}},{"id":"an4.130:7","sourceIds":["an4.130:7.0","an4.130:7.1","an4.130:7.2","an4.130:7.3","an4.130:7.4"],"kind":"text","text":{"pi":"Tassuddānaṁ\nAttānuvādaūmi ca,\ndve ca nānā dve ca honti;\nMettā dve ca acchariyā,\naparā ca tathā duveti."}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/an4.130/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}