{"id":"an4.135","title":"Blameworthy","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"an4.135","title":"Blameworthy","units":[{"id":"an4.135:0","sourceIds":["an4.135:0.1","an4.135:0.2","an4.135:0.3"],"kind":"text","text":{"pi":"Aṅguttara Nikāya 4.135\n14. Puggalavagga\nSāvajjasutta","en":"Numbered Discourses 4.135\n14. Individuals\nBlameworthy"}},{"id":"an4.135:1","sourceIds":["an4.135:1.1","an4.135:1.2","an4.135:1.3"],"kind":"text","text":{"pi":"“Cattārome, bhikkhave, puggalā santo saṁvijjamānā lokasmiṁ.\nKatame cattāro?\nSāvajjo, vajjabahulo, appavajjo, anavajjo.","en":"“Mendicants, these four individuals are found in the world.\nWhat four?\nThe blameworthy, the mostly blameworthy, the slightly blameworthy, and the blameless."}},{"id":"an4.135:2","sourceIds":["an4.135:2.1","an4.135:2.2","an4.135:2.3"],"kind":"text","text":{"pi":"Kathañca, bhikkhave, puggalo sāvajjo hoti?\nIdha, bhikkhave, ekacco puggalo sāvajjena kāyakammena samannāgato hoti, sāvajjena vacīkammena samannāgato hoti, sāvajjena manokammena samannāgato hoti.\nEvaṁ kho, bhikkhave, puggalo sāvajjo hoti.","en":"And how is an individual blameworthy?\nIt’s when an individual does things by way of body, speech, and mind that are blameworthy.\nThat’s how an individual is blameworthy."}},{"id":"an4.135:3","sourceIds":["an4.135:3.1","an4.135:3.2","an4.135:3.3","an4.135:3.4","an4.135:3.5"],"kind":"text","text":{"pi":"Kathañca, bhikkhave, puggalo vajjabahulo hoti?\nIdha, bhikkhave, ekacco puggalo sāvajjena bahulaṁ kāyakammena samannāgato hoti, appaṁ anavajjena;\nsāvajjena bahulaṁ vacīkammena samannāgato hoti, appaṁ anavajjena;\nsāvajjena bahulaṁ manokammena samannāgato hoti, appaṁ anavajjena.\nEvaṁ kho, bhikkhave, puggalo vajjabahulo hoti.","en":"And how is an individual mostly blameworthy?\nIt’s when an individual does things by way of body, speech, and mind that are mostly blameworthy, but occasionally blameless.\nThat’s how an individual is mostly blameworthy."}},{"id":"an4.135:4","sourceIds":["an4.135:4.1","an4.135:4.2","an4.135:4.3","an4.135:4.4","an4.135:4.5"],"kind":"text","text":{"pi":"Kathañca, bhikkhave, puggalo appavajjo hoti?\nIdha, bhikkhave, ekacco puggalo anavajjena bahulaṁ kāyakammena samannāgato hoti, appaṁ sāvajjena;\nanavajjena bahulaṁ vacīkammena samannāgato hoti, appaṁ sāvajjena;\nanavajjena bahulaṁ manokammena samannāgato hoti, appaṁ sāvajjena.\nEvaṁ kho, bhikkhave, puggalo appavajjo hoti.","en":"And how is an individual slightly blameworthy?\nIt’s when an individual does things by way of body, speech, and mind that are mostly blameless, but occasionally blameworthy.\nThat’s how an individual is slightly blameworthy."}},{"id":"an4.135:5","sourceIds":["an4.135:5.1","an4.135:5.2","an4.135:5.3","an4.135:5.4","an4.135:5.5"],"kind":"text","text":{"pi":"Kathañca, bhikkhave, puggalo anavajjo hoti?\nIdha, bhikkhave, ekacco puggalo anavajjena kāyakammena samannāgato hoti, anavajjena vacīkammena samannāgato hoti, anavajjena manokammena samannāgato hoti.\nEvaṁ kho, bhikkhave, puggalo anavajjo hoti.\nIme kho, bhikkhave, cattāro puggalā santo saṁvijjamānā lokasmin”ti.\nPañcamaṁ.","en":"And how is an individual blameless?\nIt’s when an individual does things by way of body, speech, and mind that are blameless.\nThat’s how an individual is blameless.\nThese are the four individuals found in the world.”"}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/an4.135/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}