{"id":"an4.16","title":"Subtlety","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"an4.16","title":"Subtlety","units":[{"id":"an4.16:0","sourceIds":["an4.16:0.1","an4.16:0.2","an4.16:0.3"],"kind":"text","text":{"pi":"Aṅguttara Nikāya 4.16\n2. Caravagga\nSokhummasutta","en":"Numbered Discourses 4.16\n2. Walking\nSubtlety"}},{"id":"an4.16:1","sourceIds":["an4.16:1.1","an4.16:1.2","an4.16:1.3","an4.16:1.4","an4.16:1.5","an4.16:1.6","an4.16:1.7","an4.16:1.8","an4.16:1.9","an4.16:1.10","an4.16:1.11","an4.16:1.12","an4.16:1.13","an4.16:1.14","an4.16:1.15"],"kind":"text","text":{"pi":"“Cattārimāni, bhikkhave, sokhummāni.\nKatamāni cattāri?\nIdha, bhikkhave, bhikkhu rūpasokhummena samannāgato hoti paramena;\ntena ca rūpasokhummena aññaṁ rūpasokhummaṁ uttaritaraṁ vā paṇītataraṁ vā na samanupassati;\ntena ca rūpasokhummena aññaṁ rūpasokhummaṁ uttaritaraṁ vā paṇītataraṁ vā na pattheti.\nVedanāsokhummena samannāgato hoti paramena;\ntena ca vedanāsokhummena aññaṁ vedanāsokhummaṁ uttaritaraṁ vā paṇītataraṁ vā na samanupassati;\ntena ca vedanāsokhummena aññaṁ vedanāsokhummaṁ uttaritaraṁ vā paṇītataraṁ vā na pattheti.\nSaññāsokhummena samannāgato hoti paramena;\ntena ca saññāsokhummena aññaṁ saññāsokhummaṁ uttaritaraṁ vā paṇītataraṁ vā na samanupassati;\ntena ca saññāsokhummena aññaṁ saññāsokhummaṁ uttaritaraṁ vā paṇītataraṁ vā na pattheti.\nSaṅkhārasokhummena samannāgato hoti paramena;\ntena ca saṅkhārasokhummena aññaṁ saṅkhārasokhummaṁ uttaritaraṁ vā paṇītataraṁ vā na samanupassati;\ntena ca saṅkhārasokhummena aññaṁ saṅkhārasokhummaṁ uttaritaraṁ vā paṇītataraṁ vā na pattheti.\nImāni kho, bhikkhave, cattāri sokhummānīti.","en":"“Mendicants, there are these four kinds of subtlety.\nWhat four?\nA mendicant has ultimate subtlety of form.\nThey don’t see any other subtlety of form that’s better or finer than that,\nnor do they aim for it.\nA mendicant has ultimate subtlety of feeling.\nThey don’t see any other subtlety of feeling that’s better or finer than that,\nnor do they aim for it.\nA mendicant has ultimate subtlety of perception.\nThey don’t see any other subtlety of perception that’s better or finer than that,\nnor do they aim for it.\nA mendicant has ultimate subtlety of choices.\nThey don’t see any other subtlety of choices that’s better or finer than that,\nnor do they aim for it.\nThese are the four kinds of subtlety."}},{"id":"an4.16:2","sourceIds":["an4.16:2.1","an4.16:2.2","an4.16:2.3","an4.16:2.4","an4.16:2.5","an4.16:2.6"],"kind":"text","text":{"pi":"Rūpasokhummataṁ ñatvā,\nvedanānañca sambhavaṁ;\nSaññā yato samudeti,\natthaṁ gacchati yattha ca;\nSaṅkhāre parato ñatvā,\ndukkhato no ca attato.","en":"Knowing the subtlety of form,\nthe cause of feelings,\nwhere perception comes from,\nand where it ends;\nand knowing choices as alien,\nas suffering and as not-self,"}},{"id":"an4.16:3","sourceIds":["an4.16:3.1","an4.16:3.2","an4.16:3.3","an4.16:3.4","an4.16:3.5"],"kind":"text","text":{"pi":"Sa ve sammaddaso bhikkhu,\nsanto santipade rato;\nDhāreti antimaṁ dehaṁ,\njetvā māraṁ savāhinin”ti.\nChaṭṭhaṁ.","en":"that mendicant sees rightly,\npeaceful, in love with the state of peace.\nThey bear their final body,\nhaving vanquished Māra with his legions.”"}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/an4.16/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}