{"id":"an4.160","title":"The Training of a Holy One","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"an4.160","title":"The Training of a Holy One","units":[{"id":"an4.160:0","sourceIds":["an4.160:0.1","an4.160:0.2","an4.160:0.3"],"kind":"text","text":{"pi":"Aṅguttara Nikāya 4.160\n16. Indriyavagga\nSugatavinayasutta","en":"Numbered Discourses 4.160\n16. Faculties\nThe Training of a Holy One"}},{"id":"an4.160:1","sourceIds":["an4.160:1.1"],"kind":"text","text":{"pi":"“Sugato vā, bhikkhave, loke tiṭṭhamāno sugatavinayo vā tadassa bahujanahitāya bahujanasukhāya lokānukampāya atthāya hitāya sukhāya devamanussānaṁ.","en":"“Mendicants, a Holy One or a Holy One’s training remain in the world for the welfare and happiness of the people, out of sympathy for the world, for the benefit, welfare, and happiness of gods and humans."}},{"id":"an4.160:2","sourceIds":["an4.160:2.1","an4.160:2.2","an4.160:2.3"],"kind":"text","text":{"pi":"Katamo ca, bhikkhave, sugato?\nIdha, bhikkhave, tathāgato loke uppajjati arahaṁ sammāsambuddho vijjācaraṇasampanno sugato lokavidū anuttaro purisadammasārathi satthā devamanussānaṁ buddho bhagavā.\nAyaṁ, bhikkhave, sugato.","en":"And who is a Holy One?\nIt’s when a Realized One arises in the world, perfected, a fully awakened Buddha, accomplished in knowledge and conduct, holy, knower of the world, supreme guide for those fit for training, teacher of gods and humans, awakened, blessed.\nThis is a Holy One."}},{"id":"an4.160:3","sourceIds":["an4.160:3.1","an4.160:3.2","an4.160:3.3","an4.160:3.4"],"kind":"text","text":{"pi":"Katamo ca, bhikkhave, sugatavinayo?\nSo dhammaṁ deseti ādikalyāṇaṁ majjhekalyāṇaṁ pariyosānakalyāṇaṁ sātthaṁ sabyañjanaṁ, kevalaparipuṇṇaṁ parisuddhaṁ brahmacariyaṁ pakāseti.\nAyaṁ, bhikkhave, sugatavinayo.\nEvaṁ sugato vā, bhikkhave, loke tiṭṭhamāno sugatavinayo vā tadassa bahujanahitāya bahujanasukhāya lokānukampāya atthāya hitāya sukhāya devamanussānanti.","en":"And what is the training of a Holy One?\nHe teaches Dhamma that’s good in the beginning, good in the middle, and good in the end, meaningful and well-phrased. And he reveals a spiritual practice that’s entirely full and pure.\nThis is the training of a Holy One.\nThis is how a Holy One or a Holy One’s training remain in the world for the welfare and happiness of the people, out of sympathy for the world, for the benefit, welfare, and happiness of gods and humans."}},{"id":"an4.160:4","sourceIds":["an4.160:4.1","an4.160:4.2","an4.160:4.3","an4.160:4.4","an4.160:4.5"],"kind":"text","text":{"pi":"Cattārome, bhikkhave, dhammā saddhammassa sammosāya antaradhānāya saṁvattanti.\nKatame cattāro?\nIdha, bhikkhave, bhikkhū duggahitaṁ suttantaṁ pariyāpuṇanti dunnikkhittehi padabyañjanehi.\nDunnikkhittassa, bhikkhave, padabyañjanassa atthopi dunnayo hoti.\nAyaṁ, bhikkhave, paṭhamo dhammo saddhammassa sammosāya antaradhānāya saṁvattati.","en":"These four things lead to the decline and disappearance of the true teaching.\nWhat four?\nFirstly, the mendicants memorize discourses that they learned incorrectly, with misplaced words and phrases.\nWhen the words and phrases are misplaced, the meaning is misinterpreted.\nThis is the first thing that leads to the decline and disappearance of the true teaching."}},{"id":"an4.160:5","sourceIds":["an4.160:5.1","an4.160:5.2"],"kind":"text","text":{"pi":"Puna caparaṁ, bhikkhave, bhikkhū dubbacā honti dovacassakaraṇehi dhammehi samannāgatā akkhamā appadakkhiṇaggāhino anusāsaniṁ.\nAyaṁ, bhikkhave, dutiyo dhammo saddhammassa sammosāya antaradhānāya saṁvattati.","en":"Furthermore, the mendicants are hard to admonish, having qualities that make them hard to admonish. They’re impatient, and don’t take instruction respectfully.\nThis is the second thing that leads to the decline and disappearance of the true teaching."}},{"id":"an4.160:6","sourceIds":["an4.160:6.1","an4.160:6.2","an4.160:6.3"],"kind":"text","text":{"pi":"Puna caparaṁ, bhikkhave, ye te bhikkhū bahussutā āgatāgamā dhammadharā vinayadharā mātikādharā, te na sakkaccaṁ suttantaṁ paraṁ vācenti.\nTesaṁ accayena chinnamūlako suttanto hoti appaṭisaraṇo.\nAyaṁ, bhikkhave, tatiyo dhammo saddhammassa sammosāya antaradhānāya saṁvattati.","en":"Furthermore, the mendicants who are very learned—inheritors of the heritage, who have memorized the teachings, the monastic law, and the outlines—don’t carefully make others recite the discourses.\nWhen they pass away, the discourses are cut off at the root, with no one to preserve them.\nThis is the third thing that leads to the decline and disappearance of the true teaching."}},{"id":"an4.160:7","sourceIds":["an4.160:7.1","an4.160:7.2","an4.160:7.3","an4.160:7.4","an4.160:7.5"],"kind":"text","text":{"pi":"Puna caparaṁ, bhikkhave, therā bhikkhū bāhulikā honti sāthalikā, okkamane pubbaṅgamā, paviveke nikkhittadhurā, na vīriyaṁ ārabhanti appattassa pattiyā anadhigatassa adhigamāya asacchikatassa sacchikiriyāya.\nTesaṁ pacchimā janatā diṭṭhānugatiṁ āpajjati.\nSāpi hoti bāhulikā sāthalikā, okkamane pubbaṅgamā, paviveke nikkhittadhurā, na vīriyaṁ ārabhati appattassa pattiyā anadhigatassa adhigamāya asacchikatassa sacchikiriyāya.\nAyaṁ, bhikkhave, catuttho dhammo saddhammassa sammosāya antaradhānāya saṁvattati.\nIme kho, bhikkhave, cattāro dhammā saddhammassa sammosāya antaradhānāya saṁvattantīti.","en":"Furthermore, the senior mendicants are indulgent and slack, leaders in backsliding, neglecting seclusion, not rousing energy for attaining the unattained, achieving the unachieved, and realizing the unrealized.\nThose who come after them follow their example.\nThey too become indulgent and slack, leaders in backsliding, neglecting seclusion, not rousing energy for attaining the unattained, achieving the unachieved, and realizing the unrealized.\nThis is the fourth thing that leads to the decline and disappearance of the true teaching.\nThese are four things that lead to the decline and disappearance of the true teaching."}},{"id":"an4.160:8","sourceIds":["an4.160:8.1","an4.160:8.2","an4.160:8.3","an4.160:8.4","an4.160:8.5"],"kind":"text","text":{"pi":"Cattārome, bhikkhave, dhammā saddhammassa ṭhitiyā asammosāya anantaradhānāya saṁvattanti.\nKatame cattāro?\nIdha, bhikkhave, bhikkhū suggahitaṁ suttantaṁ pariyāpuṇanti sunikkhittehi padabyañjanehi.\nSunikkhittassa, bhikkhave, padabyañjanassa atthopi sunayo hoti.\nAyaṁ, bhikkhave, paṭhamo dhammo saddhammassa ṭhitiyā asammosāya anantaradhānāya saṁvattati.","en":"These four things lead to the continuation, persistence, and enduring of the true teaching.\nWhat four?\nFirstly, the mendicants memorize discourses that have been learned correctly, with well placed words and phrases.\nWhen the words and phrases are well placed, the meaning is interpreted correctly.\nThis is the first thing that leads to the continuation, persistence, and enduring of the true teaching."}},{"id":"an4.160:9","sourceIds":["an4.160:9.1","an4.160:9.2"],"kind":"text","text":{"pi":"Puna caparaṁ, bhikkhave, bhikkhū suvacā honti sovacassakaraṇehi dhammehi samannāgatā khamā padakkhiṇaggāhino anusāsaniṁ.\nAyaṁ, bhikkhave, dutiyo dhammo saddhammassa ṭhitiyā asammosāya anantaradhānāya saṁvattati.","en":"Furthermore, the mendicants are easy to admonish, having qualities that make them easy to admonish. They’re patient, and take instruction respectfully.\nThis is the second thing that leads to the continuation, persistence, and enduring of the true teaching."}},{"id":"an4.160:10","sourceIds":["an4.160:10.1","an4.160:10.2","an4.160:10.3"],"kind":"text","text":{"pi":"Puna caparaṁ, bhikkhave, ye te bhikkhū bahussutā āgatāgamā dhammadharā vinayadharā mātikādharā, te sakkaccaṁ suttantaṁ paraṁ vācenti.\nTesaṁ accayena nacchinnamūlako suttanto hoti sappaṭisaraṇo.\nAyaṁ, bhikkhave, tatiyo dhammo saddhammassa ṭhitiyā asammosāya anantaradhānāya saṁvattati.","en":"Furthermore, the mendicants who are very learned—inheritors of the heritage, who have memorized the teachings, the monastic law, and the outlines—carefully make others recite the discourses.\nWhen they pass away, the discourses aren’t cut off at the root, and they have someone to preserve them.\nThis is the third thing that leads to the continuation, persistence, and enduring of the true teaching."}},{"id":"an4.160:11","sourceIds":["an4.160:11.1","an4.160:11.2","an4.160:11.3","an4.160:11.4","an4.160:11.5","an4.160:11.6","an4.160:11.7"],"kind":"text","text":{"pi":"Puna caparaṁ, bhikkhave, therā bhikkhū na bāhulikā honti na sāthalikā, okkamane nikkhittadhurā, paviveke pubbaṅgamā, vīriyaṁ ārabhanti appattassa pattiyā anadhigatassa adhigamāya asacchikatassa sacchikiriyāya.\nTesaṁ pacchimā janatā diṭṭhānugatiṁ āpajjati.\nSāpi hoti na bāhulikā na sāthalikā, okkamane nikkhittadhurā, paviveke pubbaṅgamā, vīriyaṁ ārabhati appattassa pattiyā anadhigatassa adhigamāya asacchikatassa sacchikiriyāya.\nAyaṁ, bhikkhave, catuttho dhammo saddhammassa ṭhitiyā asammosāya anantaradhānāya saṁvattati.\nIme kho, bhikkhave, cattāro dhammā saddhammassa ṭhitiyā asammosāya anantaradhānāya saṁvattantī”ti.\nDasamaṁ.\nIndriyavaggo paṭhamo.","en":"Furthermore, the senior mendicants are not indulgent or slack, nor are they backsliders; instead, they take the lead in seclusion, rousing energy for attaining the unattained, achieving the unachieved, and realizing the unrealized.\nThose who come after them follow their example.\nThey too aren’t indulgent or slack …\nThis is the fourth thing that leads to the continuation, persistence, and enduring of the true teaching.\nThese are four things that lead to the continuation, persistence, and enduring of the true teaching.”"}},{"id":"an4.160:12","sourceIds":["an4.160:12.0","an4.160:12.1","an4.160:12.2","an4.160:12.3","an4.160:12.4"],"kind":"text","text":{"pi":"Tassuddānaṁ\nIndriyāni saddhā paññā,\nsati saṅkhānapañcamaṁ;\nKappo rogo parihāni,\nbhikkhunī sugatena cāti."}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/an4.160/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}