{"id":"an4.162","title":"In Detail","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"an4.162","title":"In Detail","units":[{"id":"an4.162:0","sourceIds":["an4.162:0.1","an4.162:0.2","an4.162:0.3"],"kind":"text","text":{"pi":"Aṅguttara Nikāya 4.162\n17. Paṭipadāvagga\nVitthārasutta","en":"Numbered Discourses 4.162\n17. Practice\nIn Detail"}},{"id":"an4.162:1","sourceIds":["an4.162:1.1","an4.162:1.2","an4.162:1.3","an4.162:1.4","an4.162:1.5","an4.162:1.6"],"kind":"text","text":{"pi":"“Catasso imā, bhikkhave, paṭipadā.\nKatamā catasso?\nDukkhā paṭipadā dandhābhiññā,\ndukkhā paṭipadā khippābhiññā,\nsukhā paṭipadā dandhābhiññā,\nsukhā paṭipadā khippābhiññā.","en":"“Mendicants, there are four ways of practice.\nWhat four?\nPainful practice with slow insight,\npainful practice with swift insight,\npleasant practice with slow insight, and\npleasant practice with swift insight."}},{"id":"an4.162:2","sourceIds":["an4.162:2.1","an4.162:2.2","an4.162:2.3","an4.162:2.4","an4.162:2.5","an4.162:2.6","an4.162:2.7","an4.162:2.8"],"kind":"text","text":{"pi":"Katamā ca, bhikkhave, dukkhā paṭipadā dandhābhiññā?\nIdha, bhikkhave, ekacco pakatiyāpi tibbarāgajātiko hoti, abhikkhaṇaṁ rāgajaṁ dukkhaṁ domanassaṁ paṭisaṁvedeti.\nPakatiyāpi tibbadosajātiko hoti, abhikkhaṇaṁ dosajaṁ dukkhaṁ domanassaṁ paṭisaṁvedeti.\nPakatiyāpi tibbamohajātiko hoti, abhikkhaṇaṁ mohajaṁ dukkhaṁ domanassaṁ paṭisaṁvedeti.\nTassimāni pañcindriyāni mudūni pātubhavanti—\nsaddhindriyaṁ, vīriyindriyaṁ, satindriyaṁ, samādhindriyaṁ, paññindriyaṁ.\nSo imesaṁ pañcannaṁ indriyānaṁ muduttā dandhaṁ ānantariyaṁ pāpuṇāti āsavānaṁ khayāya.\nAyaṁ vuccati, bhikkhave, dukkhā paṭipadā dandhābhiññā.","en":"And what’s the painful practice with slow insight?\nIt’s when someone is ordinarily full of acute greed, hate, and delusion. They often feel the pain and sadness that greed, hate, and delusion bring.\nThese five faculties manifest in them weakly:\nfaith, energy, mindfulness, immersion, and wisdom.\nBecause of this, they only slowly attain the conditions for ending the defilements in the present life.\nThis is called the painful practice with slow insight."}},{"id":"an4.162:3","sourceIds":["an4.162:3.1","an4.162:3.2","an4.162:3.3","an4.162:3.4","an4.162:3.5","an4.162:3.6","an4.162:3.7","an4.162:3.8"],"kind":"text","text":{"pi":"Katamā ca, bhikkhave, dukkhā paṭipadā khippābhiññā?\nIdha, bhikkhave, ekacco pakatiyāpi tibbarāgajātiko hoti, abhikkhaṇaṁ rāgajaṁ dukkhaṁ domanassaṁ paṭisaṁvedeti.\nPakatiyāpi tibbadosajātiko hoti, abhikkhaṇaṁ dosajaṁ dukkhaṁ domanassaṁ paṭisaṁvedeti.\nPakatiyāpi tibbamohajātiko hoti, abhikkhaṇaṁ mohajaṁ dukkhaṁ domanassaṁ paṭisaṁvedeti.\nTassimāni pañcindriyāni adhimattāni pātubhavanti—\nsaddhindriyaṁ, vīriyindriyaṁ, satindriyaṁ, samādhindriyaṁ, paññindriyaṁ.\nSo imesaṁ pañcannaṁ indriyānaṁ adhimattattā khippaṁ ānantariyaṁ pāpuṇāti āsavānaṁ khayāya.\nAyaṁ vuccati, bhikkhave, dukkhā paṭipadā khippābhiññā.","en":"And what’s the painful practice with swift insight?\nIt’s when someone is ordinarily full of acute greed, hate, and delusion. They often feel the pain and sadness that greed, hate, and delusion bring.\nAnd these five faculties manifest in them strongly:\nfaith, energy, mindfulness, immersion, and wisdom.\nBecause of this, they swiftly attain the conditions for ending the defilements in the present life.\nThis is called the painful practice with swift insight."}},{"id":"an4.162:4","sourceIds":["an4.162:4.1","an4.162:4.2","an4.162:4.3","an4.162:4.4","an4.162:4.5","an4.162:4.6","an4.162:4.7","an4.162:4.8"],"kind":"text","text":{"pi":"Katamā ca, bhikkhave, sukhā paṭipadā dandhābhiññā?\nIdha, bhikkhave, ekacco pakatiyāpi na tibbarāgajātiko hoti, nābhikkhaṇaṁ rāgajaṁ dukkhaṁ domanassaṁ paṭisaṁvedeti.\nPakatiyāpi na tibbadosajātiko hoti, nābhikkhaṇaṁ dosajaṁ dukkhaṁ domanassaṁ paṭisaṁvedeti.\nPakatiyāpi na tibbamohajātiko hoti, nābhikkhaṇaṁ mohajaṁ dukkhaṁ domanassaṁ paṭisaṁvedeti.\nTassimāni pañcindriyāni mudūni pātubhavanti—\nsaddhindriyaṁ …pe… paññindriyaṁ.\nSo imesaṁ pañcannaṁ indriyānaṁ muduttā dandhaṁ ānantariyaṁ pāpuṇāti āsavānaṁ khayāya.\nAyaṁ vuccati, bhikkhave, sukhā paṭipadā dandhābhiññā.","en":"And what’s pleasant practice with slow insight?\nIt’s when someone is not ordinarily full of acute greed, hate, and delusion. They rarely feel the pain and sadness that greed, hate, and delusion bring.\nThese five faculties manifest in them weakly:\nfaith, energy, mindfulness, immersion, and wisdom.\nBecause of this, they only slowly attain the conditions for ending the defilements in the present life.\nThis is called the pleasant practice with slow insight."}},{"id":"an4.162:5","sourceIds":["an4.162:5.1","an4.162:5.2","an4.162:5.3","an4.162:5.4","an4.162:5.5","an4.162:5.6","an4.162:5.7","an4.162:5.8","an4.162:5.9","an4.162:5.10"],"kind":"text","text":{"pi":"Katamā ca, bhikkhave, sukhā paṭipadā khippābhiññā?\nIdha, bhikkhave, ekacco pakatiyāpi na tibbarāgajātiko hoti, nābhikkhaṇaṁ rāgajaṁ dukkhaṁ domanassaṁ paṭisaṁvedeti.\nPakatiyāpi na tibbadosajātiko hoti, nābhikkhaṇaṁ dosajaṁ dukkhaṁ domanassaṁ paṭisaṁvedeti.\nPakatiyāpi na tibbamohajātiko hoti, nābhikkhaṇaṁ mohajaṁ dukkhaṁ domanassaṁ paṭisaṁvedeti.\nTassimāni pañcindriyāni adhimattāni pātubhavanti—\nsaddhindriyaṁ, vīriyindriyaṁ, satindriyaṁ, samādhindriyaṁ, paññindriyaṁ.\nSo imesaṁ pañcannaṁ indriyānaṁ adhimattattā khippaṁ ānantariyaṁ pāpuṇāti āsavānaṁ khayāya.\nAyaṁ vuccati, bhikkhave, sukhā paṭipadā khippābhiññā.\nImā kho, bhikkhave, catasso paṭipadā”ti.\nDutiyaṁ.","en":"And what’s the pleasant practice with swift insight?\nIt’s when someone is not ordinarily full of acute greed, hate, and delusion. They rarely feel the pain and sadness that greed, hate, and delusion bring.\nThese five faculties manifest in them strongly:\nfaith, energy, mindfulness, immersion, and wisdom.\nBecause of this, they swiftly attain the conditions for ending the defilements in the present life.\nThis is called the pleasant practice with swift insight.\nThese are the four ways of practice.”"}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/an4.162/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}