{"id":"an4.163","title":"Ugly","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"an4.163","title":"Ugly","units":[{"id":"an4.163:0","sourceIds":["an4.163:0.1","an4.163:0.2","an4.163:0.3"],"kind":"text","text":{"pi":"Aṅguttara Nikāya 4.163\n17. Paṭipadāvagga\nAsubhasutta","en":"Numbered Discourses 4.163\n17. Practice\nUgly"}},{"id":"an4.163:1","sourceIds":["an4.163:1.1","an4.163:1.2","an4.163:1.3","an4.163:1.4","an4.163:1.5","an4.163:1.6"],"kind":"text","text":{"pi":"“Catasso imā, bhikkhave, paṭipadā.\nKatamā catasso?\nDukkhā paṭipadā dandhābhiññā,\ndukkhā paṭipadā khippābhiññā,\nsukhā paṭipadā dandhābhiññā,\nsukhā paṭipadā khippābhiññā.","en":"“Mendicants, there are four ways of practice.\nWhat four?\nPainful practice with slow insight,\npainful practice with swift insight,\npleasant practice with slow insight, and\npleasant practice with swift insight."}},{"id":"an4.163:2","sourceIds":["an4.163:2.1","an4.163:2.2","an4.163:2.3","an4.163:2.4","an4.163:2.5","an4.163:2.6","an4.163:2.7","an4.163:2.8","an4.163:2.9"],"kind":"text","text":{"pi":"Katamā ca, bhikkhave, dukkhā paṭipadā dandhābhiññā?\nIdha, bhikkhave, bhikkhu asubhānupassī kāye viharati, āhāre paṭikūlasaññī, sabbaloke anabhiratisaññī, sabbasaṅkhāresu aniccānupassī;\nmaraṇasaññā kho panassa ajjhattaṁ sūpaṭṭhitā hoti.\nSo imāni pañca sekhabalāni upanissāya viharati—\nsaddhābalaṁ, hiribalaṁ, ottappabalaṁ, vīriyabalaṁ, paññābalaṁ.\nTassimāni pañcindriyāni mudūni pātubhavanti—\nsaddhindriyaṁ, vīriyindriyaṁ, satindriyaṁ, samādhindriyaṁ, paññindriyaṁ.\nSo imesaṁ pañcannaṁ indriyānaṁ muduttā dandhaṁ ānantariyaṁ pāpuṇāti āsavānaṁ khayāya.\nAyaṁ vuccati, bhikkhave, dukkhā paṭipadā dandhābhiññā.","en":"And what’s the painful practice with slow insight?\nIt’s when a mendicant meditates observing the ugliness of the body, perceives the repulsiveness of food, perceives dissatisfaction with the whole world, observes the impermanence of all conditions,\nand has well established the perception of their own death.\nThey rely on these five powers of a trainee:\nfaith, conscience, prudence, energy, and wisdom.\nBut these five faculties manifest in them weakly:\nfaith, energy, mindfulness, immersion, and wisdom.\nBecause of this, they only slowly attain the conditions for ending the defilements in the present life.\nThis is called the painful practice with slow insight."}},{"id":"an4.163:3","sourceIds":["an4.163:3.1","an4.163:3.2","an4.163:3.3","an4.163:3.4","an4.163:3.5","an4.163:3.6","an4.163:3.7","an4.163:3.8","an4.163:3.9"],"kind":"text","text":{"pi":"Katamā ca, bhikkhave, dukkhā paṭipadā khippābhiññā?\nIdha, bhikkhave, bhikkhu asubhānupassī kāye viharati, āhāre paṭikūlasaññī, sabbaloke anabhiratisaññī, sabbasaṅkhāresu aniccānupassī;\nmaraṇasaññā kho panassa ajjhattaṁ sūpaṭṭhitā hoti.\nSo imāni pañca sekhabalāni upanissāya viharati—\nsaddhābalaṁ …pe… paññābalaṁ.\nTassimāni pañcindriyāni adhimattāni pātubhavanti—\nsaddhindriyaṁ …pe… paññindriyaṁ.\nSo imesaṁ pañcannaṁ indriyānaṁ adhimattattā khippaṁ ānantariyaṁ pāpuṇāti āsavānaṁ khayāya.\nAyaṁ vuccati, bhikkhave, dukkhā paṭipadā khippābhiññā.","en":"And what’s the painful practice with swift insight?\nIt’s when a mendicant meditates observing the ugliness of the body, perceives the repulsiveness of food, perceives dissatisfaction with the whole world, observes the impermanence of all conditions,\nand has well established the perception of their own death.\nThey rely on these five powers of a trainee:\nfaith, conscience, prudence, energy, and wisdom.\nAnd these five faculties manifest in them strongly:\nfaith, energy, mindfulness, immersion, and wisdom.\nBecause of this, they swiftly attain the conditions for ending the defilements in the present life.\nThis is called the painful practice with swift insight."}},{"id":"an4.163:4","sourceIds":["an4.163:4.1","an4.163:4.2","an4.163:4.3","an4.163:4.4","an4.163:4.5","an4.163:4.6","an4.163:4.7","an4.163:4.8","an4.163:4.9","an4.163:4.10","an4.163:4.11"],"kind":"text","text":{"pi":"Katamā ca, bhikkhave, sukhā paṭipadā dandhābhiññā?\nIdha bhikkhave, bhikkhu vivicceva kāmehi vivicca akusalehi dhammehi savitakkaṁ savicāraṁ vivekajaṁ pītisukhaṁ paṭhamaṁ jhānaṁ upasampajja viharati;\nvitakkavicārānaṁ vūpasamā ajjhattaṁ sampasādanaṁ cetaso ekodibhāvaṁ avitakkaṁ avicāraṁ samādhijaṁ pītisukhaṁ dutiyaṁ jhānaṁ upasampajja viharati;\npītiyā ca virāgā upekkhako ca viharati sato ca sampajāno sukhañca kāyena paṭisaṁvedeti yaṁ taṁ ariyā ācikkhanti: ‘upekkhako satimā sukhavihārī’ti tatiyaṁ jhānaṁ upasampajja viharati;\nsukhassa ca pahānā dukkhassa ca pahānā pubbeva somanassadomanassānaṁ atthaṅgamā adukkhamasukhaṁ upekkhāsatipārisuddhiṁ catutthaṁ jhānaṁ upasampajja viharati.\nSo imāni pañca sekhabalāni upanissāya viharati—\nsaddhābalaṁ …pe… paññābalaṁ.\nTassimāni pañcindriyāni mudūni pātubhavanti—\nsaddhindriyaṁ …pe… paññindriyaṁ.\nSo imesaṁ pañcannaṁ indriyānaṁ muduttā dandhaṁ ānantariyaṁ pāpuṇāti āsavānaṁ khayāya.\nAyaṁ vuccati, bhikkhave, sukhā paṭipadā dandhābhiññā.","en":"And what’s the pleasant practice with slow insight?\nIt’s when a mendicant, quite secluded from sensual pleasures, secluded from unskillful qualities, enters and remains in the first absorption, which has the rapture and bliss born of seclusion, while placing the mind and keeping it connected.\nAs the placing of the mind and keeping it connected are stilled, they enter and remain in the second absorption, which has the rapture and bliss born of immersion, with internal clarity and mind at one, without placing the mind and keeping it connected.\nAnd with the fading away of rapture, they enter and remain in the third absorption, where they meditate with equanimity, mindful and aware, experiencing for themselves the bliss of which the noble ones declare, ‘Equanimous and mindful, one meditates in bliss.’\nWith the giving up of pleasure and pain and the disappearance of former happiness and sadness, they enter and remain in the fourth absorption, without pleasure or pain, with pure equanimity and mindfulness.\nThey rely on these five powers of a trainee:\nfaith, conscience, prudence, energy, and wisdom.\nBut these five faculties manifest in them weakly:\nfaith, energy, mindfulness, immersion, and wisdom.\nBecause of this, they only slowly attain the conditions for ending the defilements in the present life.\nThis is called the pleasant practice with slow insight."}},{"id":"an4.163:5","sourceIds":["an4.163:5.1","an4.163:5.2","an4.163:5.3","an4.163:5.4","an4.163:5.5","an4.163:5.6","an4.163:5.7","an4.163:5.8","an4.163:5.9","an4.163:5.10"],"kind":"text","text":{"pi":"Katamā ca, bhikkhave, sukhā paṭipadā khippābhiññā?\nIdha, bhikkhave, bhikkhu vivicceva kāmehi vivicca akusalehi dhammehi savitakkaṁ savicāraṁ vivekajaṁ pītisukhaṁ paṭhamaṁ jhānaṁ upasampajja viharati …pe… dutiyaṁ jhānaṁ …pe… tatiyaṁ jhānaṁ …pe… catutthaṁ jhānaṁ upasampajja viharati.\nSo imāni pañca sekhabalāni upanissāya viharati—\nsaddhābalaṁ, hiribalaṁ, ottappabalaṁ, vīriyabalaṁ, paññābalaṁ.\nTassimāni pañcindriyāni adhimattāni pātubhavanti—\nsaddhindriyaṁ, vīriyindriyaṁ, satindriyaṁ, samādhindriyaṁ, paññindriyaṁ.\nSo imesaṁ pañcannaṁ indriyānaṁ adhimattattā khippaṁ ānantariyaṁ pāpuṇāti āsavānaṁ khayāya.\nAyaṁ vuccati, bhikkhave, sukhā paṭipadā khippābhiññā.\nImā kho, bhikkhave, catasso paṭipadā”ti.\nTatiyaṁ.","en":"And what’s the pleasant practice with swift insight?\nIt’s when a mendicant … enters and remains in the first absorption … second absorption … third absorption … fourth absorption …\nThey rely on these five powers of a trainee:\nfaith, conscience, prudence, energy, and wisdom.\nAnd these five faculties manifest in them strongly:\nfaith, energy, mindfulness, immersion, and wisdom.\nBecause of this, they swiftly attain the conditions for ending the defilements in the present life.\nThis is called the pleasant practice with swift insight.\nThese are the four ways of practice.”"}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/an4.163/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}