{"id":"an4.165","title":"Patience (2nd)","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"an4.165","title":"Patience (2nd)","units":[{"id":"an4.165:0","sourceIds":["an4.165:0.1","an4.165:0.2","an4.165:0.3"],"kind":"text","text":{"pi":"Aṅguttara Nikāya 4.165\n17. Paṭipadāvagga\nDutiyakhamasutta","en":"Numbered Discourses 4.165\n17. Practice\nPatience (2nd)"}},{"id":"an4.165:1","sourceIds":["an4.165:1.1","an4.165:1.2","an4.165:1.3"],"kind":"text","text":{"pi":"“Catasso imā, bhikkhave, paṭipadā.\nKatamā catasso?\nAkkhamā paṭipadā, khamā paṭipadā, damā paṭipadā, samā paṭipadā.","en":"“Mendicants, there are four ways of practice.\nWhat four?\nImpatient practice, patient practice, taming practice, and calming practice."}},{"id":"an4.165:2","sourceIds":["an4.165:2.1","an4.165:2.2","an4.165:2.3"],"kind":"text","text":{"pi":"Katamā ca, bhikkhave, akkhamā paṭipadā?\nIdha, bhikkhave, ekacco akkhamo hoti sītassa uṇhassa jighacchāya pipāsāya, ḍaṁsamakasavātātapasarīsapasamphassānaṁ duruttānaṁ durāgatānaṁ vacanapathānaṁ uppannānaṁ sārīrikānaṁ vedanānaṁ dukkhānaṁ tibbānaṁ kharānaṁ kaṭukānaṁ asātānaṁ amanāpānaṁ pāṇaharānaṁ anadhivāsakajātiko hoti.\nAyaṁ vuccati, bhikkhave, akkhamā paṭipadā.","en":"And what’s the impatient practice?\nIt’s when someone cannot endure cold, heat, hunger, and thirst. They cannot endure the touch of flies, mosquitoes, wind, sun, and reptiles. They cannot endure rude and unwelcome criticism. And they cannot put up with physical pain—sharp, severe, acute, unpleasant, disagreeable, and life-threatening.\nThis is called the impatient practice."}},{"id":"an4.165:3","sourceIds":["an4.165:3.1","an4.165:3.2","an4.165:3.3"],"kind":"text","text":{"pi":"Katamā ca, bhikkhave, khamā paṭipadā?\nIdha, bhikkhave, ekacco khamo hoti sītassa uṇhassa jighacchāya pipāsāya, ḍaṁsamakasavātātapasarīsapasamphassānaṁ duruttānaṁ durāgatānaṁ vacanapathānaṁ uppannānaṁ sārīrikānaṁ vedanānaṁ dukkhānaṁ tibbānaṁ kharānaṁ kaṭukānaṁ asātānaṁ amanāpānaṁ pāṇaharānaṁ adhivāsakajātiko hoti.\nAyaṁ vuccati, bhikkhave, khamā paṭipadā.","en":"And what’s the patient practice?\nIt’s when someone endures cold, heat, hunger, and thirst. They endure the touch of flies, mosquitoes, wind, sun, and reptiles. They endure rude and unwelcome criticism. And they put up with physical pain—sharp, severe, acute, unpleasant, disagreeable, and life-threatening.\nThis is called the patient practice."}},{"id":"an4.165:4","sourceIds":["an4.165:4.1","an4.165:4.2","an4.165:4.3","an4.165:4.4","an4.165:4.5","an4.165:4.6","an4.165:4.7","an4.165:4.8","an4.165:4.9"],"kind":"text","text":{"pi":"Katamā ca, bhikkhave, damā paṭipadā?\nIdha, bhikkhave, bhikkhu cakkhunā rūpaṁ disvā na nimittaggāhī hoti …pe…\nsotena saddaṁ sutvā …\nghānena gandhaṁ ghāyitvā …\njivhāya rasaṁ sāyitvā …\nkāyena phoṭṭhabbaṁ phusitvā …\nmanasā dhammaṁ viññāya na nimittaggāhī hoti nānubyañjanaggāhī;\nyatvādhikaraṇamenaṁ manindriyaṁ asaṁvutaṁ viharantaṁ abhijjhādomanassā pāpakā akusalā dhammā anvāssaveyyuṁ, tassa saṁvarāya paṭipajjati; rakkhati manindriyaṁ; manindriye saṁvaraṁ āpajjati.\nAyaṁ vuccati, bhikkhave, damā paṭipadā.","en":"And what’s the taming practice?\nWhen a mendicant sees a sight with their eyes, they don’t get caught up in the features and details. …\nWhen they hear a sound with their ears …\nWhen they smell an odor with their nose …\nWhen they taste a flavor with their tongue …\nWhen they feel a touch with their body …\nWhen they know an idea with their mind, they don’t get caught up in the features and details.\nIf the faculty of mind were left unrestrained, bad unskillful qualities of covetousness and displeasure would become overwhelming. For this reason, they practice restraint, protecting the faculty of mind, and achieving its restraint.\nThis is called the taming practice."}},{"id":"an4.165:5","sourceIds":["an4.165:5.1","an4.165:5.2","an4.165:5.3","an4.165:5.4","an4.165:5.5"],"kind":"text","text":{"pi":"Katamā ca, bhikkhave, samā paṭipadā?\nIdha, bhikkhave, bhikkhu uppannaṁ kāmavitakkaṁ nādhivāseti pajahati vinodeti sameti byantīkaroti anabhāvaṁ gameti, uppannaṁ byāpādavitakkaṁ …pe… uppannaṁ vihiṁsāvitakkaṁ … uppannuppanne pāpake akusale dhamme nādhivāseti pajahati vinodeti sameti byantīkaroti anabhāvaṁ gameti.\nAyaṁ vuccati, bhikkhave, samā paṭipadā.\nImā kho, bhikkhave, catasso paṭipadā”ti.\nPañcamaṁ.","en":"And what’s the calming practice?\nIt’s when a mendicant doesn’t tolerate a sensual, malicious, or cruel thought. They don’t tolerate any bad, unskillful qualities that have arisen, but give them up, dispel them, calm them, eliminate them, and obliterate them.\nThis is called the calming practice.\nThese are the four ways of practice.”"}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/an4.165/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}