{"id":"an4.166","title":"Both","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"an4.166","title":"Both","units":[{"id":"an4.166:0","sourceIds":["an4.166:0.1","an4.166:0.2","an4.166:0.3"],"kind":"text","text":{"pi":"Aṅguttara Nikāya 4.166\n17. Paṭipadāvagga\nUbhayasutta","en":"Numbered Discourses 4.166\n17. Practice\nBoth"}},{"id":"an4.166:1","sourceIds":["an4.166:1.1","an4.166:1.2","an4.166:1.3","an4.166:1.4","an4.166:1.5","an4.166:1.6"],"kind":"text","text":{"pi":"“Catasso imā, bhikkhave, paṭipadā.\nKatamā catasso?\nDukkhā paṭipadā dandhābhiññā,\ndukkhā paṭipadā khippābhiññā,\nsukhā paṭipadā dandhābhiññā,\nsukhā paṭipadā khippābhiññā.","en":"“Mendicants, there are four ways of practice.\nWhat four?\nPainful practice with slow insight,\npainful practice with swift insight,\npleasant practice with slow insight, and\npleasant practice with swift insight."}},{"id":"an4.166:2","sourceIds":["an4.166:2.1","an4.166:2.2"],"kind":"text","text":{"pi":"Tatra, bhikkhave, yāyaṁ paṭipadā dukkhā dandhābhiññā, ayaṁ, bhikkhave, paṭipadā ubhayeneva hīnā akkhāyati. Yampāyaṁ paṭipadā dukkhā, imināpāyaṁ hīnā akkhāyati; yampāyaṁ paṭipadā dandhā, imināpāyaṁ hīnā akkhāyati.\nAyaṁ, bhikkhave, paṭipadā ubhayeneva hīnā akkhāyati.","en":"Of these, the painful practice with slow insight is said to be inferior in both ways: because it’s painful and because it’s slow.\nThis practice is said to be inferior in both ways."}},{"id":"an4.166:3","sourceIds":["an4.166:3.1"],"kind":"text","text":{"pi":"Tatra, bhikkhave, yāyaṁ paṭipadā dukkhā khippābhiññā, ayaṁ, bhikkhave, paṭipadā dukkhattā hīnā akkhāyati.","en":"The painful practice with swift insight is said to be inferior because it’s painful."}},{"id":"an4.166:4","sourceIds":["an4.166:4.1"],"kind":"text","text":{"pi":"Tatra, bhikkhave, yāyaṁ paṭipadā sukhā dandhābhiññā, ayaṁ, bhikkhave, paṭipadā dandhattā hīnā akkhāyati.","en":"The pleasant practice with slow insight is said to be inferior because it’s slow."}},{"id":"an4.166:5","sourceIds":["an4.166:5.1","an4.166:5.2","an4.166:5.3","an4.166:5.4"],"kind":"text","text":{"pi":"Tatra, bhikkhave, yāyaṁ paṭipadā sukhā khippābhiññā, ayaṁ, bhikkhave, paṭipadā ubhayeneva paṇītā akkhāyati. Yampāyaṁ paṭipadā sukhā, imināpāyaṁ paṇītā akkhāyati; yampāyaṁ paṭipadā khippā, imināpāyaṁ paṇītā akkhāyati.\nAyaṁ, bhikkhave, paṭipadā ubhayeneva paṇītā akkhāyati.\nImā kho, bhikkhave, catasso paṭipadā”ti.\nChaṭṭhaṁ.","en":"The pleasant practice with swift insight is said to be superior in both ways: because it’s pleasant, and because it’s swift.\nThis practice is said to be superior in both ways.\nThese are the four ways of practice.”"}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/an4.166/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}