{"id":"an4.174","title":"With Ānanda","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"an4.174","title":"With Ānanda","units":[{"id":"an4.174:0","sourceIds":["an4.174:0.1","an4.174:0.2","an4.174:0.3"],"kind":"text","text":{"pi":"Aṅguttara Nikāya 4.174\n18. Sañcetaniyavagga\nĀnandasutta","en":"Numbered Discourses 4.174\n18. Intention\nWith Ānanda"}},{"id":"an4.174:1","sourceIds":["an4.174:1.1","an4.174:1.2"],"kind":"text","text":{"pi":"Atha kho āyasmā ānando yenāyasmā mahākoṭṭhiko tenupasaṅkami; upasaṅkamitvā āyasmatā mahākoṭṭhikena saddhiṁ sammodi.\nSammodanīyaṁ kathaṁ sāraṇīyaṁ vītisāretvā ekamantaṁ nisīdi. Ekamantaṁ nisinno kho āyasmā ānando āyasmantaṁ mahākoṭṭhikaṁ etadavoca:","en":"Then Venerable Ānanda went up to Venerable Mahākoṭṭhita, and exchanged greetings with him.\nWhen the greetings and polite conversation were over, Ānanda sat down to one side, and said to Mahākoṭṭhita:"}},{"id":"an4.174:2","sourceIds":["an4.174:2.1"],"kind":"text","text":{"pi":"“Channaṁ, āvuso, phassāyatanānaṁ asesavirāganirodhā atthaññaṁ kiñcī”ti?","en":"“Reverend, when these six fields of contact have faded away and ceased with no residue left behind, does something else exist?”"}},{"id":"an4.174:3","sourceIds":["an4.174:3.1"],"kind":"text","text":{"pi":"“Mā hevaṁ, āvuso”.","en":"“Don’t put it like that, reverend.”"}},{"id":"an4.174:4","sourceIds":["an4.174:4.1"],"kind":"text","text":{"pi":"“Channaṁ, āvuso, phassāyatanānaṁ asesavirāganirodhā natthaññaṁ kiñcī”ti?","en":"“Does something else no longer exist?”"}},{"id":"an4.174:5","sourceIds":["an4.174:5.1"],"kind":"text","text":{"pi":"“Mā hevaṁ, āvuso”.","en":"“Don’t put it like that, reverend.”"}},{"id":"an4.174:6","sourceIds":["an4.174:6.1"],"kind":"text","text":{"pi":"“Channaṁ, āvuso, phassāyatanānaṁ asesavirāganirodhā atthi ca natthi ca aññaṁ kiñcī”ti?","en":"“Does something else both still exist and no longer exist?”"}},{"id":"an4.174:7","sourceIds":["an4.174:7.1"],"kind":"text","text":{"pi":"“Mā hevaṁ, āvuso”.","en":"“Don’t put it like that, reverend.”"}},{"id":"an4.174:8","sourceIds":["an4.174:8.1"],"kind":"text","text":{"pi":"“Channaṁ, āvuso, phassāyatanānaṁ asesavirāganirodhā nevatthi no natthaññaṁ kiñcī”ti?","en":"“Does something else neither still exist nor no longer exist?”"}},{"id":"an4.174:9","sourceIds":["an4.174:9.1"],"kind":"text","text":{"pi":"“Mā hevaṁ, āvuso”.","en":"“Don’t put it like that, reverend.”"}},{"id":"an4.174:10","sourceIds":["an4.174:10.1","an4.174:10.2","an4.174:10.3","an4.174:10.4","an4.174:10.5","an4.174:10.6","an4.174:10.7","an4.174:10.8","an4.174:10.9"],"kind":"text","text":{"pi":"“‘Channaṁ, āvuso, phassāyatanānaṁ asesavirāganirodhā atthaññaṁ kiñcī’ti, iti puṭṭho samāno:\n‘mā hevaṁ, āvuso’ti vadesi.\n‘Channaṁ, āvuso, phassāyatanānaṁ asesavirāganirodhā natthaññaṁ kiñcī’ti, iti puṭṭho samāno:\n‘mā hevaṁ, āvuso’ti vadesi.\n‘Channaṁ, āvuso, phassāyatanānaṁ asesavirāganirodhā atthi ca natthi ca aññaṁ kiñcī’ti, iti puṭṭho samāno:\n‘mā hevaṁ, āvuso’ti vadesi.\n‘Channaṁ, āvuso, phassāyatanānaṁ asesavirāganirodhā nevatthi no natthaññaṁ kiñcī’ti, iti puṭṭho samāno:\n‘mā hevaṁ, āvuso’ti vadesi.\nYathā kathaṁ panāvuso, imassa bhāsitassa attho daṭṭhabbo”ti?","en":"“Reverend, when asked these questions,\nyou say ‘don’t put it like that’.\n… How then should we see the meaning of this statement?”"}},{"id":"an4.174:11","sourceIds":["an4.174:11.1","an4.174:11.2","an4.174:11.3","an4.174:11.4","an4.174:11.5","an4.174:11.6","an4.174:11.7","an4.174:11.8"],"kind":"text","text":{"pi":"“‘Channaṁ, āvuso, phassāyatanānaṁ asesavirāganirodhā atthaññaṁ kiñcī’ti, iti vadaṁ appapañcaṁ papañceti.\n‘Channaṁ, āvuso, phassāyatanānaṁ asesavirāganirodhā natthaññaṁ kiñcī’ti, iti vadaṁ appapañcaṁ papañceti.\n‘Channaṁ, āvuso, phassāyatanānaṁ asesavirāganirodhā atthi ca natthi ca aññaṁ kiñcī’ti, iti vadaṁ appapañcaṁ papañceti.\n‘Channaṁ, āvuso, phassāyatanānaṁ asesavirāganirodhā nevatthi no natthaññaṁ kiñcī’ti, iti vadaṁ appapañcaṁ papañceti.\nYāvatā, āvuso, channaṁ phassāyatanānaṁ gati tāvatā papañcassa gati.\nYāvatā papañcassa gati tāvatā channaṁ phassāyatanānaṁ gati.\nChannaṁ, āvuso, phassāyatanānaṁ asesavirāganirodhā papañcanirodho papañcavūpasamo”ti.\nCatutthaṁ.","en":"“In saying that, ‘when the six fields of contact have faded away and ceased with no residue left behind, something else exists’, you’re proliferating the unproliferated.\nIn saying that, ‘something else no longer exists’, you’re proliferating the unproliferated.\nIn saying that, ‘something else both still exists and no longer exists’, you’re proliferating the unproliferated.\nIn saying that, ‘something else neither still exists nor no longer exists’, you’re proliferating the unproliferated.\nThe scope of proliferation extends as far as the scope of the six fields of contact.\nThe scope of the six fields of contact extends as far as the scope of proliferation.\nWhen the six fields of contact fade away and cease with no residue left behind, proliferation stops and is stilled.”"}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/an4.174/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}