{"id":"an4.191","title":"Followed by Ear","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"an4.191","title":"Followed by Ear","units":[{"id":"an4.191:0","sourceIds":["an4.191:0.1","an4.191:0.2","an4.191:0.3"],"kind":"text","text":{"pi":"Aṅguttara Nikāya 4.191\n20. Mahāvagga\nSotānugatasutta","en":"Numbered Discourses 4.191\n20. The Great Chapter\nFollowed by Ear"}},{"id":"an4.191:1","sourceIds":["an4.191:1.1","an4.191:1.2","an4.191:1.3","an4.191:1.4","an4.191:1.5","an4.191:1.6","an4.191:1.7","an4.191:1.8","an4.191:1.9","an4.191:1.10"],"kind":"text","text":{"pi":"“Sotānugatānaṁ, bhikkhave, dhammānaṁ, vacasā paricitānaṁ, manasānupekkhitānaṁ, diṭṭhiyā suppaṭividdhānaṁ cattāro ānisaṁsā pāṭikaṅkhā.\nKatame cattāro?\nIdha, bhikkhave, bhikkhu dhammaṁ pariyāpuṇāti—\nsuttaṁ, geyyaṁ, veyyākaraṇaṁ, gāthaṁ, udānaṁ, itivuttakaṁ, jātakaṁ, abbhutadhammaṁ, vedallaṁ.\nTassa te dhammā sotānugatā honti, vacasā paricitā, manasānupekkhitā, diṭṭhiyā suppaṭividdhā.\nSo muṭṭhassati kālaṁ kurumāno aññataraṁ devanikāyaṁ upapajjati.\nTassa tattha sukhino dhammapadā plavanti.\nDandho, bhikkhave, satuppādo;\natha so satto khippaṁyeva visesagāmī hoti.\nSotānugatānaṁ, bhikkhave, dhammānaṁ, vacasā paricitānaṁ, manasānupekkhitānaṁ, diṭṭhiyā suppaṭividdhānaṁ ayaṁ paṭhamo ānisaṁso pāṭikaṅkho.","en":"“Mendicants, you can expect four benefits when the teachings have been followed by ear, consolidated by voice, examined by the mind, and well penetrated theoretically.\nWhat four?\nTake a mendicant who memorizes the teaching—\nstatements, mixed prose & verse, discussions, verses, inspired exclamations, legends, stories of past lives, amazing stories, and elaborations.\nThey’ve followed those teachings by ear, consolidated them by voice, examined them by the mind, and well penetrated them theoretically.\nBut they die unmindful and are reborn in one of the orders of gods.\nBeing happy there, passages of the teaching come back to them.\nMemory comes up slowly,\nbut then that being quickly reaches distinction.\nThis is the first benefit you can expect when the teachings have been followed by ear, consolidated by voice, examined by the mind, and well penetrated theoretically."}},{"id":"an4.191:2","sourceIds":["an4.191:2.1","an4.191:2.2","an4.191:2.3","an4.191:2.4","an4.191:2.5","an4.191:2.6","an4.191:2.7","an4.191:2.8","an4.191:2.9","an4.191:2.10","an4.191:2.11","an4.191:2.12","an4.191:2.13","an4.191:2.14","an4.191:2.15","an4.191:2.16","an4.191:2.17","an4.191:2.18","an4.191:2.19","an4.191:2.20","an4.191:2.21","an4.191:2.22","an4.191:2.23","an4.191:2.24","an4.191:2.25","an4.191:2.26"],"kind":"text","text":{"pi":"Puna caparaṁ, bhikkhave, bhikkhu dhammaṁ pariyāpuṇāti—\nsuttaṁ, geyyaṁ, veyyākaraṇaṁ, gāthaṁ, udānaṁ, itivuttakaṁ, jātakaṁ, abbhutadhammaṁ, vedallaṁ.\nTassa te dhammā sotānugatā honti, vacasā paricitā, manasānupekkhitā, diṭṭhiyā suppaṭividdhā.\nSo muṭṭhassati kālaṁ kurumāno aññataraṁ devanikāyaṁ upapajjati.\nTassa tattha na heva kho sukhino dhammapadā plavanti;\napi ca kho bhikkhu iddhimā cetovasippatto devaparisāyaṁ dhammaṁ deseti.\nTassa evaṁ hoti:\n‘ayaṁ vā so dhammavinayo, yatthāhaṁ pubbe brahmacariyaṁ acarin’ti.\nDandho, bhikkhave, satuppādo;\natha so satto khippameva visesagāmī hoti.\nSeyyathāpi, bhikkhave, puriso kusalo bherisaddassa.\nSo addhānamaggappaṭipanno bherisaddaṁ suṇeyya.\nTassa na heva kho assa kaṅkhā vā vimati vā:\n‘bherisaddo nu kho, na nu kho bherisaddo’ti.\nAtha kho bherisaddotveva niṭṭhaṁ gaccheyya.\nEvamevaṁ kho, bhikkhave, bhikkhu dhammaṁ pariyāpuṇāti—\nsuttaṁ, geyyaṁ, veyyākaraṇaṁ, gāthaṁ, udānaṁ, itivuttakaṁ, jātakaṁ, abbhutadhammaṁ, vedallaṁ.\nTassa te dhammā sotānugatā honti, vacasā paricitā, manasānupekkhitā, diṭṭhiyā suppaṭividdhā.\nSo muṭṭhassati kālaṁ kurumāno aññataraṁ devanikāyaṁ upapajjati.\nTassa tattha na heva kho sukhino dhammapadā plavanti;\napi ca kho bhikkhu iddhimā cetovasippatto devaparisāyaṁ dhammaṁ deseti.\nTassa evaṁ hoti:\n‘ayaṁ vā so dhammavinayo, yatthāhaṁ pubbe brahmacariyaṁ acarin’ti.\nDandho, bhikkhave, satuppādo;\natha so satto khippaṁyeva visesagāmī hoti.\nSotānugatānaṁ, bhikkhave, dhammānaṁ, vacasā paricitānaṁ, manasānupekkhitānaṁ, diṭṭhiyā suppaṭividdhānaṁ ayaṁ dutiyo ānisaṁso pāṭikaṅkho.","en":"Furthermore, take a mendicant who memorizes the teaching—\nstatements, mixed prose & verse, discussions, verses, inspired exclamations, legends, stories of past lives, amazing stories, and elaborations.\nThey’ve followed those teachings by ear, consolidated them by voice, examined them by the mind, and well penetrated them theoretically.\nBut they die unmindful and are reborn in one of the orders of gods.\nThough they’re happy there, passages of the teaching don’t come back to them.\nHowever, a mendicant with psychic powers, who has achieved mastery of the mind, teaches Dhamma to the assembly of gods.\nThey think:\n‘I used to lead the spiritual life in this same teaching and training.’\nMemory comes up slowly,\nbut then that being quickly reaches distinction.\nSuppose a person was skilled in the sound of drums.\nWhile traveling along a road they hear the sound of drums.\nThey wouldn’t have any doubts or uncertainties about whether\nthat was the sound of drums or not.\nThey’d just conclude, ‘That’s the sound of drums.’\nIn the same way, take a mendicant who memorizes the teaching …\nBut they die unmindful and are reborn in one of the orders of gods. …\nMemory comes up slowly,\nbut then that being quickly reaches distinction.\nThis is the second benefit you can expect when the teachings have been followed by ear, consolidated by voice, examined by the mind, and well penetrated theoretically."}},{"id":"an4.191:3","sourceIds":["an4.191:3.1","an4.191:3.2","an4.191:3.3","an4.191:3.4","an4.191:3.5","an4.191:3.6","an4.191:3.7","an4.191:3.8","an4.191:3.9","an4.191:3.10","an4.191:3.11","an4.191:3.12","an4.191:3.13","an4.191:3.14","an4.191:3.15","an4.191:3.16","an4.191:3.17","an4.191:3.18","an4.191:3.19","an4.191:3.20","an4.191:3.21","an4.191:3.22","an4.191:3.23","an4.191:3.24","an4.191:3.25","an4.191:3.26"],"kind":"text","text":{"pi":"Puna caparaṁ, bhikkhave, bhikkhu dhammaṁ pariyāpuṇāti—\nsuttaṁ, geyyaṁ, veyyākaraṇaṁ, gāthaṁ, udānaṁ, itivuttakaṁ, jātakaṁ, abbhutadhammaṁ, vedallaṁ.\nTassa te dhammā sotānugatā honti, vacasā paricitā, manasānupekkhitā, diṭṭhiyā suppaṭividdhā.\nSo muṭṭhassati kālaṁ kurumāno aññataraṁ devanikāyaṁ upapajjati.\nTassa tattha na heva kho sukhino dhammapadā plavanti, napi bhikkhu iddhimā cetovasippatto devaparisāyaṁ dhammaṁ deseti;\napi ca kho devaputto devaparisāyaṁ dhammaṁ deseti.\nTassa evaṁ hoti:\n‘ayaṁ vā so dhammavinayo, yatthāhaṁ pubbe brahmacariyaṁ acarin’ti.\nDandho, bhikkhave, satuppādo;\natha so satto khippaṁyeva visesagāmī hoti.\nSeyyathāpi, bhikkhave, puriso kusalo saṅkhasaddassa.\nSo addhānamaggappaṭipanno saṅkhasaddaṁ suṇeyya.\nTassa na heva kho assa kaṅkhā vā vimati vā:\n‘saṅkhasaddo nu kho, na nu kho saṅkhasaddo’ti.\nAtha kho saṅkhasaddotveva niṭṭhaṁ gaccheyya.\nEvamevaṁ kho, bhikkhave, bhikkhu dhammaṁ pariyāpuṇāti—\nsuttaṁ, geyyaṁ, veyyākaraṇaṁ, gāthaṁ, udānaṁ, itivuttakaṁ, jātakaṁ, abbhutadhammaṁ, vedallaṁ.\nTassa te dhammā sotānugatā honti, vacasā paricitā, manasānupekkhitā, diṭṭhiyā suppaṭividdhā.\nSo muṭṭhassati kālaṁ kurumāno aññataraṁ devanikāyaṁ upapajjati.\nTassa tattha na heva kho sukhino dhammapadā plavanti, napi bhikkhu iddhimā cetovasippatto devaparisāyaṁ dhammaṁ deseti;\napi ca kho devaputto devaparisāyaṁ dhammaṁ deseti.\nTassa evaṁ hoti:\n‘ayaṁ vā so dhammavinayo, yatthāhaṁ pubbe brahmacariyaṁ acarin’ti.\nDandho, bhikkhave, satuppādo;\natha so satto khippaṁyeva visesagāmī hoti.\nSotānugatānaṁ, bhikkhave, dhammānaṁ, vacasā paricitānaṁ, manasānupekkhitānaṁ, diṭṭhiyā suppaṭividdhānaṁ ayaṁ tatiyo ānisaṁso pāṭikaṅkho.","en":"Furthermore, take a mendicant who memorizes the teaching—\nstatements, mixed prose & verse, discussions, verses, inspired exclamations, legends, stories of past lives, amazing stories, and elaborations.\nThey’ve followed those teachings by ear, consolidated them by voice, examined them by the mind, and well penetrated them theoretically.\nBut they die unmindful and are reborn in one of the orders of gods.\nBut passages of the teaching don’t come back to them when they’re happy, nor does a mendicant with psychic powers … teach Dhamma to the assembly of gods.\nHowever, a godling teaches Dhamma to the assembly of gods.\nThey think:\n‘I used to lead the spiritual life in this same teaching and training.’\nMemory comes up slowly,\nbut then that being quickly reaches distinction.\nSuppose a person was skilled in the sound of horns.\nWhile traveling along a road they hear the sound of horns.\nThey wouldn’t have any doubt about whether\nthat was the sound of horns or not.\nThey’d just conclude, ‘That’s the sound of horns.’\nIn the same way, take a mendicant who memorizes the teaching …\nBut they die unmindful and are reborn in one of the orders of gods. …\nMemory comes up slowly,\nbut then that being quickly reaches distinction.\nThis is the third benefit you can expect when the teachings have been followed by ear, consolidated by voice, examined by the mind, and well penetrated theoretically."}},{"id":"an4.191:4","sourceIds":["an4.191:4.1","an4.191:4.2","an4.191:4.3","an4.191:4.4","an4.191:4.5","an4.191:4.6","an4.191:4.7","an4.191:4.8","an4.191:4.9","an4.191:4.10","an4.191:4.11","an4.191:4.12","an4.191:4.13","an4.191:4.14","an4.191:4.15","an4.191:4.16","an4.191:4.17","an4.191:4.18","an4.191:4.19","an4.191:4.20","an4.191:4.21","an4.191:4.22","an4.191:4.23","an4.191:4.24","an4.191:4.25","an4.191:4.26","an4.191:4.27","an4.191:4.28","an4.191:4.29","an4.191:4.30","an4.191:4.31"],"kind":"text","text":{"pi":"Puna caparaṁ, bhikkhave, bhikkhu dhammaṁ pariyāpuṇāti—\nsuttaṁ, geyyaṁ, veyyākaraṇaṁ, gāthaṁ, udānaṁ, itivuttakaṁ, jātakaṁ, abbhutadhammaṁ, vedallaṁ.\nTassa te dhammā sotānugatā honti, vacasā paricitā, manasānupekkhitā, diṭṭhiyā suppaṭividdhā.\nSo muṭṭhassati kālaṁ kurumāno aññataraṁ devanikāyaṁ upapajjati.\nTassa tattha na heva kho sukhino dhammapadā plavanti, napi bhikkhu iddhimā cetovasippatto devaparisāyaṁ dhammaṁ deseti, napi devaputto devaparisāyaṁ dhammaṁ deseti;\napi ca kho opapātiko opapātikaṁ sāreti:\n‘sarasi tvaṁ, mārisa, sarasi tvaṁ, mārisa, yattha mayaṁ pubbe brahmacariyaṁ acarimhā’ti.\nSo evamāha:\n‘sarāmi, mārisa, sarāmi, mārisā’ti.\nDandho, bhikkhave, satuppādo;\natha so satto khippaṁyeva visesagāmī hoti.\nSeyyathāpi, bhikkhave, dve sahāyakā sahapaṁsukīḷikā.\nTe kadāci karahaci aññamaññaṁ samāgaccheyyuṁ.\nAñño pana sahāyako sahāyakaṁ evaṁ vadeyya:\n‘idampi, samma, sarasi, idampi, samma, sarasī’ti.\nSo evaṁ vadeyya:\n‘sarāmi, samma, sarāmi, sammā’ti.\nEvamevaṁ kho, bhikkhave, bhikkhu dhammaṁ pariyāpuṇāti—\nsuttaṁ, geyyaṁ, veyyākaraṇaṁ, gāthaṁ, udānaṁ, itivuttakaṁ, jātakaṁ, abbhutadhammaṁ, vedallaṁ.\nTassa te dhammā sotānugatā honti, vacasā paricitā, manasānupekkhitā, diṭṭhiyā suppaṭividdhā.\nSo muṭṭhassati kālaṁ kurumāno aññataraṁ devanikāyaṁ upapajjati.\nTassa tattha na heva kho sukhino dhammapadā plavanti, napi bhikkhu iddhimā cetovasippatto devaparisāyaṁ dhammaṁ deseti, napi devaputto devaparisāyaṁ dhammaṁ deseti;\napi ca kho opapātiko opapātikaṁ sāreti:\n‘sarasi tvaṁ, mārisa, sarasi tvaṁ, mārisa, yattha mayaṁ pubbe brahmacariyaṁ acarimhā’ti.\nSo evamāha:\n‘sarāmi, mārisa, sarāmi, mārisā’ti.\nDandho, bhikkhave, satuppādo;\natha kho so satto khippaṁyeva visesagāmī hoti.\nSotānugatānaṁ, bhikkhave, dhammānaṁ, vacasā paricitānaṁ, manasānupekkhitānaṁ, diṭṭhiyā suppaṭividdhānaṁ ayaṁ catuttho ānisaṁso pāṭikaṅkho.\nSotānugatānaṁ, bhikkhave, dhammānaṁ, vacasā paricitānaṁ, manasānupekkhitānaṁ diṭṭhiyā suppaṭividdhānaṁ ime cattāro ānisaṁsā pāṭikaṅkhā”ti.\nPaṭhamaṁ.","en":"Furthermore, take a mendicant who memorizes the teaching—\nstatements, mixed prose & verse, discussions, verses, inspired exclamations, legends, stories of past lives, amazing stories, and elaborations.\nThey’ve followed those teachings by ear, consolidated them by voice, examined them by the mind, and well penetrated them theoretically.\nBut they die unmindful and are reborn in one of the orders of gods.\nBut passages of the teaching don’t come back to them when they’re happy, and neither a mendicant with psychic powers … nor a godling teaches Dhamma to the assembly of gods.\nBut a being who has been reborn spontaneously reminds another such being:\n‘Do you remember, good fellow? Do you remember where we used to lead the spiritual life?’\nHe says:\n‘I remember, good fellow, I remember!’\nMemory comes up slowly,\nbut then that being quickly reaches distinction.\nSuppose there were two friends who had played together in the sand.\nSome time or other they’d meet.\nAnd one friend would say to the other:\n‘Do you remember this, my dear? Do you remember that, my dear?’\nThey’d say:\n‘I remember, my dear, I remember!’\nIn the same way, take a mendicant who memorizes the teaching …\nBut they die unmindful and are reborn in one of the orders of gods. …\nMemory comes up slowly,\nbut then that being quickly reaches distinction.\nThis is the fourth benefit you can expect when the teachings have been followed by ear, consolidated by voice, examined by the mind, and well penetrated theoretically.\nYou can expect these four benefits when the teachings have been followed by ear, consolidated by voice, examined by the mind, and well penetrated theoretically.”"}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/an4.191/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}