{"id":"an4.202","title":"Faithless","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"an4.202","title":"Faithless","units":[{"id":"an4.202:0","sourceIds":["an4.202:0.1","an4.202:0.2","an4.202:0.3"],"kind":"text","text":{"pi":"Aṅguttara Nikāya 4.202\n21. Sappurisavagga\nAssaddhasutta","en":"Numbered Discourses 4.202\n21. A True Person\nFaithless"}},{"id":"an4.202:1","sourceIds":["an4.202:1.1","an4.202:1.2"],"kind":"text","text":{"pi":"“Asappurisañca vo, bhikkhave, desessāmi, asappurisena asappurisatarañca;\nsappurisañca, sappurisena sappurisatarañca. Taṁ suṇātha …pe….","en":"“Mendicants, I will teach you an untrue person and an even more untrue person,\na true person and an even truer person."}},{"id":"an4.202:2","sourceIds":["an4.202:2.1","an4.202:2.2","an4.202:2.3"],"kind":"text","text":{"pi":"“Katamo ca, bhikkhave, asappuriso?\nIdha, bhikkhave, ekacco assaddho hoti, ahiriko hoti, anottappī hoti, appassuto hoti, kusīto hoti, muṭṭhassati hoti, duppañño hoti.\nAyaṁ vuccati, bhikkhave, asappuriso.","en":"And what is an untrue person?\nIt’s someone who is faithless, shameless, imprudent, with little learning, lazy, unmindful, and witless.\nThis is called an untrue person."}},{"id":"an4.202:3","sourceIds":["an4.202:3.1","an4.202:3.2","an4.202:3.3","an4.202:3.4","an4.202:3.5","an4.202:3.6","an4.202:3.7","an4.202:3.8","an4.202:3.9"],"kind":"text","text":{"pi":"Katamo ca, bhikkhave, asappurisena asappurisataro?\nIdha, bhikkhave, ekacco attanā ca assaddho hoti, parañca assaddhiye samādapeti;\nattanā ca ahiriko hoti, parañca ahirikatāya samādapeti;\nattanā ca anottappī hoti, parañca anottappe samādapeti;\nattanā ca appassuto hoti, parañca appassute samādapeti;\nattanā ca kusīto hoti, parañca kosajje samādapeti;\nattanā ca muṭṭhassati hoti, parañca muṭṭhassacce samādapeti;\nattanā ca duppañño hoti, parañca duppaññatāya samādapeti.\nAyaṁ vuccati, bhikkhave, asappurisena asappurisataro.","en":"And what is an even more untrue person?\nIt’s someone who is faithless, shameless, imprudent, with little learning, lazy, unmindful, and witless. And they encourage others in these same qualities.\nThis is called an even more untrue person."}},{"id":"an4.202:4","sourceIds":["an4.202:4.1","an4.202:4.2","an4.202:4.3"],"kind":"text","text":{"pi":"Katamo ca, bhikkhave, sappuriso?\nIdha, bhikkhave, ekacco saddho hoti, hirimā hoti, ottappī hoti, bahussuto hoti, āraddhavīriyo hoti, satimā hoti, paññavā hoti.\nAyaṁ vuccati, bhikkhave, sappuriso.","en":"And what is a true person?\nIt’s someone who is faithful, conscientious, prudent, learned, energetic, mindful, and wise.\nThis is called a true person."}},{"id":"an4.202:5","sourceIds":["an4.202:5.1","an4.202:5.2","an4.202:5.3","an4.202:5.4","an4.202:5.5","an4.202:5.6","an4.202:5.7","an4.202:5.8","an4.202:5.9","an4.202:5.10"],"kind":"text","text":{"pi":"Katamo ca, bhikkhave, sappurisena sappurisataro?\nIdha, bhikkhave, ekacco attanā ca saddhāsampanno hoti, parañca saddhāsampadāya samādapeti;\nattanā ca hirimā hoti, parañca hirimatāya samādapeti;\nattanā ca ottappī hoti, parañca ottappe samādapeti;\nattanā ca bahussuto hoti, parañca bāhusacce samādapeti;\nattanā ca āraddhavīriyo hoti, parañca vīriyārambhe samādapeti;\nattanā ca upaṭṭhitassati hoti, parañca satiupaṭṭhāne samādapeti;\nattanā ca paññāsampanno hoti, parañca paññāsampadāya samādapeti.\nAyaṁ vuccati, bhikkhave, sappurisena sappurisataro”ti.\nDutiyaṁ.","en":"And what is an even truer person?\nIt’s someone who is personally accomplished in faith, conscience, prudence, learning, energy, mindfulness, and wisdom. And they encourage others in these same qualities.\nThis is called an even truer person.”"}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/an4.202/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}