{"id":"an4.205","title":"Eightfold","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"an4.205","title":"Eightfold","units":[{"id":"an4.205:0","sourceIds":["an4.205:0.1","an4.205:0.2","an4.205:0.3"],"kind":"text","text":{"pi":"Aṅguttara Nikāya 4.205\n21. Sappurisavagga\nAṭṭhaṅgikasutta","en":"Numbered Discourses 4.205\n21. A True Person\nEightfold"}},{"id":"an4.205:1","sourceIds":["an4.205:1.1","an4.205:1.2"],"kind":"text","text":{"pi":"“Asappurisañca vo, bhikkhave, desessāmi, asappurisena asappurisatarañca;\nsappurisañca, sappurisena sappurisatarañca. Taṁ suṇātha …pe….","en":"“Mendicants, I will teach you an untrue person and an even more untrue person,\na true person and an even truer person."}},{"id":"an4.205:2","sourceIds":["an4.205:2.1","an4.205:2.2","an4.205:2.3"],"kind":"text","text":{"pi":"“Katamo ca, bhikkhave, asappuriso?\nIdha, bhikkhave, ekacco micchādiṭṭhiko hoti, micchāsaṅkappo hoti, micchāvāco hoti, micchākammanto hoti, micchāājīvo hoti, micchāvāyāmo hoti, micchāsati hoti, micchāsamādhi hoti.\nAyaṁ vuccati, bhikkhave, asappuriso.","en":"And what is an untrue person?\nIt’s someone who has wrong view, wrong purpose, wrong speech, wrong action, wrong livelihood, wrong effort, wrong mindfulness, and wrong immersion.\nThis is called an untrue person."}},{"id":"an4.205:3","sourceIds":["an4.205:3.1","an4.205:3.2","an4.205:3.3","an4.205:3.4","an4.205:3.5","an4.205:3.6","an4.205:3.7","an4.205:3.8","an4.205:3.9","an4.205:3.10"],"kind":"text","text":{"pi":"Katamo ca, bhikkhave, asappurisena asappurisataro?\nIdha bhikkhave, ekacco attanā ca micchādiṭṭhiko hoti, parañca micchādiṭṭhiyā samādapeti;\nattanā ca micchāsaṅkappo hoti, parañca micchāsaṅkappe samādapeti;\nattanā ca micchāvāco hoti, parañca micchāvācāya samādapeti;\nattanā ca micchākammanto hoti, parañca micchākammante samādapeti;\nattanā ca micchāājīvo hoti, parañca micchāājīve samādapeti;\nattanā ca micchāvāyāmo hoti, parañca micchāvāyāme samādapeti;\nattanā ca micchāsati hoti, parañca micchāsatiyā samādapeti;\nattanā ca micchāsamādhi hoti, parañca micchāsamādhimhi samādapeti.\nAyaṁ vuccati, bhikkhave, asappurisena asappurisataro.","en":"And what is an even more untrue person?\nIt’s someone who has wrong view, wrong purpose, wrong speech, wrong action, wrong livelihood, wrong effort, wrong mindfulness, and wrong immersion. And they encourage others in these same qualities.\nThis is called an even more untrue person."}},{"id":"an4.205:4","sourceIds":["an4.205:4.1","an4.205:4.2","an4.205:4.3"],"kind":"text","text":{"pi":"Katamo ca, bhikkhave, sappuriso?\nIdha, bhikkhave, ekacco sammādiṭṭhiko hoti, sammāsaṅkappo hoti, sammāvāco hoti, sammākammanto hoti, sammāājīvo hoti, sammāvāyāmo hoti, sammāsati hoti, sammāsamādhi hoti.\nAyaṁ vuccati, bhikkhave, sappuriso.","en":"And what is a true person?\nIt’s someone who has right view, right purpose, right speech, right action, right livelihood, right effort, right mindfulness, and right immersion.\nThis is called a true person."}},{"id":"an4.205:5","sourceIds":["an4.205:5.1","an4.205:5.2","an4.205:5.3","an4.205:5.4","an4.205:5.5","an4.205:5.6","an4.205:5.7","an4.205:5.8","an4.205:5.9","an4.205:5.10","an4.205:5.11"],"kind":"text","text":{"pi":"Katamo ca, bhikkhave, sappurisena sappurisataro?\nIdha, bhikkhave, ekacco attanā ca sammādiṭṭhiko hoti, parañca sammādiṭṭhiyā samādapeti;\nattanā ca sammāsaṅkappo hoti, parañca sammāsaṅkappe samādapeti;\nattanā ca sammāvāco hoti, parañca sammāvācāya samādapeti;\nattanā ca sammākammanto hoti, parañca sammākammante samādapeti;\nattanā ca sammāājīvo hoti, parañca sammāājīve samādapeti;\nattanā ca sammāvāyāmo hoti, parañca sammāvāyāme samādapeti;\nattanā ca sammāsati hoti, parañca sammāsatiyā samādapeti;\nattanā ca sammāsamādhi hoti, parañca sammāsamādhimhi samādapeti.\nAyaṁ vuccati, bhikkhave, sappurisena sappurisataro”ti.\nPañcamaṁ.","en":"And what is an even truer person?\nIt’s someone who has right view, right purpose, right speech, right action, right livelihood, right effort, right mindfulness, and right immersion. And they encourage others in these same qualities.\nThis is called an even truer person.”"}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/an4.205/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}