{"id":"an4.21","title":"At Uruvelā (1st)","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"an4.21","title":"At Uruvelā (1st)","units":[{"id":"an4.21:0","sourceIds":["an4.21:0.1","an4.21:0.2","an4.21:0.3"],"kind":"text","text":{"pi":"Aṅguttara Nikāya 4.21\n3. Uruvelavagga\nPaṭhamauruvelasutta","en":"Numbered Discourses 4.21\n3. At Uruvelā\nAt Uruvelā (1st)"}},{"id":"an4.21:1","sourceIds":["an4.21:1.1","an4.21:1.2","an4.21:1.3","an4.21:1.4","an4.21:1.5","an4.21:1.6"],"kind":"text","text":{"pi":"Evaṁ me sutaṁ—\nekaṁ samayaṁ bhagavā sāvatthiyaṁ viharati jetavane anāthapiṇḍikassa ārāme.\nTatra kho bhagavā bhikkhū āmantesi:\n“bhikkhavo”ti.\n“Bhadante”ti te bhikkhū bhagavato paccassosuṁ.\nBhagavā etadavoca:","en":"So I have heard.\nAt one time the Buddha was staying near Sāvatthī in Jeta’s Grove, Anāthapiṇḍika’s monastery.\nThere the Buddha addressed the mendicants,\n“Mendicants!”\n“Venerable sir,” they replied.\nThe Buddha said this:"}},{"id":"an4.21:2","sourceIds":["an4.21:2.1","an4.21:2.2","an4.21:2.3","an4.21:2.4"],"kind":"text","text":{"pi":"“Ekamidāhaṁ, bhikkhave, samayaṁ uruvelāyaṁ viharāmi najjā nerañjarāya tīre ajapālanigrodhe paṭhamābhisambuddho.\nTassa mayhaṁ, bhikkhave, rahogatassa paṭisallīnassa evaṁ cetaso parivitakko udapādi:\n‘dukkhaṁ kho agāravo viharati appatisso.\nKiṁ nu kho ahaṁ samaṇaṁ vā brāhmaṇaṁ vā sakkatvā garuṁ katvā upanissāya vihareyyan’ti?","en":"“Mendicants, this one time, when I was first awakened, I was staying in Uruvelā at the goatherd’s banyan tree on the bank of the Nerañjarā River.\nAs I was in private retreat this thought came to mind:\n‘One without respect and reverence lives in suffering.\nWhat ascetic or brahmin should I honor and respect and rely on?’"}},{"id":"an4.21:3","sourceIds":["an4.21:3.1","an4.21:3.2","an4.21:3.3"],"kind":"text","text":{"pi":"Tassa mayhaṁ, bhikkhave, etadahosi:\n‘aparipūrassa kho ahaṁ sīlakkhandhassa pāripūriyā aññaṁ samaṇaṁ vā brāhmaṇaṁ vā sakkatvā garuṁ katvā upanissāya vihareyyaṁ.\nNa kho panāhaṁ passāmi sadevake loke samārake sabrahmake sassamaṇabrāhmaṇiyā pajāya sadevamanussāya aññaṁ samaṇaṁ vā brāhmaṇaṁ vā attanā sīlasampannataraṁ, yamahaṁ sakkatvā garuṁ katvā upanissāya vihareyyaṁ.","en":"Then it occurred to me:\n‘I would honor and respect and rely on another ascetic or brahmin so as to complete the entire spectrum of ethics, if it were incomplete.\nBut I don’t see any other ascetic or brahmin in this world—with its gods, Māras, and divinities, this population with its ascetics and brahmins, its gods and humans—who is more accomplished than myself in ethics, who I should honor and respect and rely on."}},{"id":"an4.21:4","sourceIds":["an4.21:4.1","an4.21:4.2"],"kind":"text","text":{"pi":"Aparipūrassa kho ahaṁ samādhikkhandhassa pāripūriyā aññaṁ samaṇaṁ vā brāhmaṇaṁ vā sakkatvā garuṁ katvā upanissāya vihareyyaṁ.\nNa kho panāhaṁ passāmi sadevake loke samārake sabrahmake sassamaṇabrāhmaṇiyā pajāya sadevamanussāya aññaṁ samaṇaṁ vā brāhmaṇaṁ vā attanā samādhisampannataraṁ, yamahaṁ sakkatvā garuṁ katvā upanissāya vihareyyaṁ.","en":"I would honor and respect and rely on another ascetic or brahmin so as to complete the entire spectrum of immersion, if it were incomplete.\nBut I don’t see any other ascetic or brahmin … who is more accomplished than myself in immersion …"}},{"id":"an4.21:5","sourceIds":["an4.21:5.1","an4.21:5.2"],"kind":"text","text":{"pi":"Aparipūrassa kho ahaṁ paññākkhandhassa pāripūriyā aññaṁ samaṇaṁ vā brāhmaṇaṁ vā sakkatvā garuṁ katvā upanissāya vihareyyaṁ.\nNa kho panāhaṁ passāmi sadevake loke samārake sabrahmake sassamaṇabrāhmaṇiyā pajāya sadevamanussāya aññaṁ samaṇaṁ vā brāhmaṇaṁ vā attanā paññāsampannataraṁ, yamahaṁ sakkatvā garuṁ katvā upanissāya vihareyyaṁ.","en":"I would honor and respect and rely on another ascetic or brahmin so as to complete the entire spectrum of wisdom, if it were incomplete.\nBut I don’t see any other ascetic or brahmin in this world … who is more accomplished than myself in wisdom …"}},{"id":"an4.21:6","sourceIds":["an4.21:6.1","an4.21:6.2"],"kind":"text","text":{"pi":"Aparipūrassa kho ahaṁ vimuttikkhandhassa pāripūriyā aññaṁ samaṇaṁ vā brāhmaṇaṁ vā sakkatvā garuṁ katvā upanissāya vihareyyaṁ.\nNa kho panāhaṁ passāmi sadevake loke samārake sabrahmake sassamaṇabrāhmaṇiyā pajāya sadevamanussāya aññaṁ samaṇaṁ vā brāhmaṇaṁ vā attanā vimuttisampannataraṁ, yamahaṁ sakkatvā garuṁ katvā upanissāya vihareyyan’ti.","en":"I would honor and respect and rely on another ascetic or brahmin so as to complete the entire spectrum of freedom, if it were incomplete.\nBut I don’t see any other ascetic or brahmin in this world … who is more accomplished than myself in freedom …’"}},{"id":"an4.21:7","sourceIds":["an4.21:7.1","an4.21:7.2"],"kind":"text","text":{"pi":"Tassa mayhaṁ, bhikkhave, etadahosi:\n‘yannūnāhaṁ yvāyaṁ dhammo mayā abhisambuddho tameva dhammaṁ sakkatvā garuṁ katvā upanissāya vihareyyan’ti.","en":"Then it occurred to me:\n‘Why don’t I honor and respect and rely on the same teaching to which I was awakened?’"}},{"id":"an4.21:8","sourceIds":["an4.21:8.1","an4.21:8.2","an4.21:8.3","an4.21:8.4","an4.21:8.5","an4.21:8.6","an4.21:8.7","an4.21:8.8"],"kind":"text","text":{"pi":"Atha kho, bhikkhave, brahmā sahampati mama cetasā cetoparivitakkamaññāya—seyyathāpi nāma balavā puriso samiñjitaṁ vā bāhaṁ pasāreyya, pasāritaṁ vā bāhaṁ samiñjeyya; evamevaṁ—brahmaloke antarahito mama purato pāturahosi.\nAtha kho, bhikkhave, brahmā sahampati ekaṁsaṁ uttarāsaṅgaṁ karitvā dakkhiṇaṁ jāṇumaṇḍalaṁ pathaviyaṁ nihantvā yenāhaṁ tenañjaliṁ paṇāmetvā maṁ etadavoca:\n‘evametaṁ, bhagavā, evametaṁ, sugata.\nYepi te, bhante, ahesuṁ atītamaddhānaṁ arahanto sammāsambuddhā tepi bhagavanto dhammaṁyeva sakkatvā garuṁ katvā upanissāya vihariṁsu;\nyepi te, bhante, bhavissanti anāgatamaddhānaṁ arahanto sammāsambuddhā tepi bhagavanto dhammaṁyeva sakkatvā garuṁ katvā upanissāya viharissanti;\nbhagavāpi, bhante, etarahi arahaṁ sammāsambuddho dhammaṁyeva sakkatvā garuṁ katvā upanissāya viharatū’ti.\nIdamavoca brahmā sahampati.\nIdaṁ vatvā athāparaṁ etadavoca:","en":"And then the divinity Sahampati, knowing my train of thought, vanished from the realm of divinity and appeared in front of me, as easily as a strong man would extend or contract his arm.\nHe arranged his robe over one shoulder, knelt on his right knee, raised his cupped palms toward me, and said:\n‘That’s so true, Blessed One! That’s so true, Holy One!\nAll the perfected ones, the fully awakened Buddhas who lived in the past honored and respected and relied on this same teaching.\nAll the perfected ones, the fully awakened Buddhas who will live in the future will honor and respect and rely on this same teaching.\nMay the Blessed One, who is the perfected one, the fully awakened Buddha at present, also honor and respect and rely on this same teaching.’\nThat is what the divinity Sahampati said.\nThen he went on to say:"}},{"id":"an4.21:9","sourceIds":["an4.21:9.1","an4.21:9.2","an4.21:9.3","an4.21:9.4"],"kind":"text","text":{"pi":"‘Ye ca atītā sambuddhā,\nye ca buddhā anāgatā;\nYo cetarahi sambuddho,\nbahūnaṁ sokanāsano.","en":"‘All Buddhas in the past,\nthe Buddhas of the future,\nand the Buddha at present—\ndestroyer of the sorrows of many—"}},{"id":"an4.21:10","sourceIds":["an4.21:10.1","an4.21:10.2","an4.21:10.3","an4.21:10.4"],"kind":"text","text":{"pi":"Sabbe saddhammagaruno,\nvihaṁsu viharanti ca;\nAthopi viharissanti,\nesā buddhāna dhammatā.","en":"respecting the true teaching\nthey did live, they do live,\nand they also will live.\nThis is the nature of the Buddhas."}},{"id":"an4.21:11","sourceIds":["an4.21:11.1","an4.21:11.2","an4.21:11.3","an4.21:11.4"],"kind":"text","text":{"pi":"Tasmā hi attakāmena,\nmahattamabhikaṅkhatā;\nSaddhammo garukātabbo,\nsaraṁ buddhāna sāsanan’ti.","en":"Therefore someone who desires self-knowledge,\nand aspires to greatness themselves,\nshould respect the true teaching,\nremembering the instructions of the Buddhas.’"}},{"id":"an4.21:12","sourceIds":["an4.21:12.1","an4.21:12.2","an4.21:12.3","an4.21:12.4","an4.21:12.5"],"kind":"text","text":{"pi":"Idamavoca, bhikkhave, brahmā sahampati.\nIdaṁ vatvā maṁ abhivādetvā padakkhiṇaṁ katvā tatthevantaradhāyi.\nAtha khvāhaṁ, bhikkhave, brahmuno ca ajjhesanaṁ viditvā attano ca patirūpaṁ yvāyaṁ dhammo mayā abhisambuddho tameva dhammaṁ sakkatvā garuṁ katvā upanissāya vihāsiṁ.\nYato ca kho, bhikkhave, saṅghopi mahattena samannāgato, atha me saṅghepi gāravo”ti.\nPaṭhamaṁ.","en":"That is what the divinity Sahampati said.\nThen he bowed and respectfully circled me, keeping me on his right side, before vanishing right there.\nThen, knowing the request of the Divinity and what was suitable for myself, I honored and respected and relied on the same teaching to which I was awakened.\nAnd since the Saṅgha has also achieved greatness, I also respect the Saṅgha.”"}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/an4.21/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}