{"id":"an4.233","title":"Deeds in Detail","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"an4.233","title":"Deeds in Detail","units":[{"id":"an4.233:0","sourceIds":["an4.233:0.1","an4.233:0.2","an4.233:0.3"],"kind":"text","text":{"pi":"Aṅguttara Nikāya 4.233\n24. Kammavagga\nVitthārasutta","en":"Numbered Discourses 4.233\n24. Deeds\nDeeds in Detail"}},{"id":"an4.233:1","sourceIds":["an4.233:1.1","an4.233:1.2","an4.233:1.3","an4.233:1.4","an4.233:1.5","an4.233:1.6"],"kind":"text","text":{"pi":"“Cattārimāni, bhikkhave, kammāni mayā sayaṁ abhiññā sacchikatvā paveditāni.\nKatamāni cattāri?\nAtthi, bhikkhave, kammaṁ kaṇhaṁ kaṇhavipākaṁ;\natthi, bhikkhave, kammaṁ sukkaṁ sukkavipākaṁ;\natthi, bhikkhave, kammaṁ kaṇhasukkaṁ kaṇhasukkavipākaṁ;\natthi, bhikkhave, kammaṁ akaṇhaasukkaṁ akaṇhaasukkavipākaṁ kammakkhayāya saṁvattati.","en":"“Mendicants, I declare these four kinds of deeds, having realized them with my own insight.\nWhat four?\nThere are dark deeds with dark results;\nbright deeds with bright results;\ndark and bright deeds with dark and bright results; and\nneither dark nor bright deeds with neither dark nor bright results, which lead to the ending of deeds."}},{"id":"an4.233:2","sourceIds":["an4.233:2.1","an4.233:2.2","an4.233:2.3","an4.233:2.4","an4.233:2.5","an4.233:2.6"],"kind":"text","text":{"pi":"Katamañca, bhikkhave, kammaṁ kaṇhaṁ kaṇhavipākaṁ?\nIdha, bhikkhave, ekacco sabyābajjhaṁ kāyasaṅkhāraṁ abhisaṅkharoti, sabyābajjhaṁ vacīsaṅkhāraṁ abhisaṅkharoti, sabyābajjhaṁ manosaṅkhāraṁ abhisaṅkharoti.\nSo sabyābajjhaṁ kāyasaṅkhāraṁ abhisaṅkharitvā, sabyābajjhaṁ vacīsaṅkhāraṁ abhisaṅkharitvā, sabyābajjhaṁ manosaṅkhāraṁ abhisaṅkharitvā sabyābajjhaṁ lokaṁ upapajjati.\nTamenaṁ sabyābajjhaṁ lokaṁ upapannaṁ samānaṁ sabyābajjhā phassā phusanti.\nSo sabyābajjhehi phassehi phuṭṭho samāno sabyābajjhaṁ vedanaṁ vediyati ekantadukkhaṁ, seyyathāpi sattā nerayikā.\nIdaṁ vuccati, bhikkhave, kammaṁ kaṇhaṁ kaṇhavipākaṁ.","en":"And what are dark deeds with dark results?\nIt’s when someone makes hurtful choices by way of body, speech, and mind.\nHaving made these choices, they’re reborn in a hurtful world,\nwhere hurtful contacts strike them.\nTouched by hurtful contacts, they experience hurtful feelings that are absolutely painful—like the beings in hell.\nThese are called dark deeds with dark results."}},{"id":"an4.233:3","sourceIds":["an4.233:3.1","an4.233:3.2","an4.233:3.3","an4.233:3.4","an4.233:3.5","an4.233:3.6"],"kind":"text","text":{"pi":"Katamañca, bhikkhave, kammaṁ sukkaṁ sukkavipākaṁ?\nIdha, bhikkhave, ekacco abyābajjhaṁ kāyasaṅkhāraṁ abhisaṅkharoti, abyābajjhaṁ vacīsaṅkhāraṁ abhisaṅkharoti, abyābajjhaṁ manosaṅkhāraṁ abhisaṅkharoti.\nSo abyābajjhaṁ kāyasaṅkhāraṁ abhisaṅkharitvā, abyābajjhaṁ vacīsaṅkhāraṁ abhisaṅkharitvā, abyābajjhaṁ manosaṅkhāraṁ abhisaṅkharitvā abyābajjhaṁ lokaṁ upapajjati.\nTamenaṁ abyābajjhaṁ lokaṁ upapannaṁ samānaṁ abyābajjhā phassā phusanti.\nSo abyābajjhehi phassehi phuṭṭho samāno abyābajjhaṁ vedanaṁ vediyati ekantasukhaṁ, seyyathāpi devā subhakiṇhā.\nIdaṁ vuccati, bhikkhave, kammaṁ sukkaṁ sukkavipākaṁ.","en":"And what are bright deeds with bright results?\nIt’s when someone makes pleasing choices by way of body, speech, and mind.\nHaving made these choices, they’re reborn in a pleasing world,\nwhere pleasing contacts strike them.\nTouched by pleasing contacts, they experience pleasing feelings of absolute happiness—like the gods of universal beauty.\nThese are called bright deeds with bright results."}},{"id":"an4.233:4","sourceIds":["an4.233:4.1","an4.233:4.2","an4.233:4.3","an4.233:4.4","an4.233:4.5","an4.233:4.6"],"kind":"text","text":{"pi":"Katamañca, bhikkhave, kammaṁ kaṇhasukkaṁ kaṇhasukkavipākaṁ?\nIdha, bhikkhave, ekacco sabyābajjhampi abyābajjhampi kāyasaṅkhāraṁ abhisaṅkharoti, sabyābajjhampi abyābajjhampi vacīsaṅkhāraṁ abhisaṅkharoti, sabyābajjhampi abyābajjhampi manosaṅkhāraṁ abhisaṅkharoti.\nSo sabyābajjhampi abyābajjhampi kāyasaṅkhāraṁ abhisaṅkharitvā, sabyābajjhampi abyābajjhampi vacīsaṅkhāraṁ abhisaṅkharitvā, sabyābajjhampi abyābajjhampi manosaṅkhāraṁ abhisaṅkharitvā sabyābajjhampi abyābajjhampi lokaṁ upapajjati.\nTamenaṁ sabyābajjhampi abyābajjhampi lokaṁ upapannaṁ samānaṁ sabyābajjhāpi abyābajjhāpi phassā phusanti.\nSo sabyābajjhehipi abyābajjhehipi phassehi phuṭṭho samāno sabyābajjhampi abyābajjhampi vedanaṁ vediyati vokiṇṇasukhadukkhaṁ, seyyathāpi manussā ekacce ca devā ekacce ca vinipātikā.\nIdaṁ vuccati, bhikkhave, kammaṁ kaṇhasukkaṁ kaṇhasukkavipākaṁ.","en":"And what are dark and bright deeds with dark and bright results?\nIt’s when someone makes both hurtful and pleasing choices by way of body, speech, and mind.\nHaving made these choices, they are reborn in a world that is both hurtful and pleasing,\nwhere hurtful and pleasing contacts strike them.\nTouched by both hurtful and pleasing contacts, they experience both hurtful and pleasing feelings that are a mixture of pleasure and pain—like humans, some gods, and some beings in the underworld.\nThese are called dark and bright deeds with dark and bright results."}},{"id":"an4.233:5","sourceIds":["an4.233:5.1","an4.233:5.2","an4.233:5.3","an4.233:5.4","an4.233:5.5"],"kind":"text","text":{"pi":"Katamañca, bhikkhave, kammaṁ akaṇhaasukkaṁ akaṇhaasukkavipākaṁ kammakkhayāya saṁvattati?\nTatra, bhikkhave, yamidaṁ kammaṁ kaṇhaṁ kaṇhavipākaṁ tassa pahānāya yā cetanā, yamidaṁ kammaṁ sukkaṁ sukkavipākaṁ tassa pahānāya yā cetanā, yamidaṁ kammaṁ kaṇhasukkaṁ kaṇhasukkavipākaṁ tassa pahānāya yā cetanā—\nidaṁ vuccati, bhikkhave, kammaṁ akaṇhaasukkaṁ akaṇhaasukkavipākaṁ kammakkhayāya saṁvattati.\nImāni kho, bhikkhave, cattāri kammāni mayā sayaṁ abhiññā sacchikatvā paveditānī”ti.\nDutiyaṁ.","en":"And what are neither dark nor bright deeds with neither dark nor bright results, which lead to the ending of deeds?\nIt’s the intention to give up dark deeds with dark results, bright deeds with bright results, and both dark and bright deeds with both dark and bright results.\nThese are called neither dark nor bright deeds with neither dark nor bright results, which lead to the ending of deeds.\nThese are the four kinds of deeds that I declare, having realized them with my own insight.”"}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/an4.233/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}