{"id":"an4.235","title":"Training Rules (1st)","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"an4.235","title":"Training Rules (1st)","units":[{"id":"an4.235:0","sourceIds":["an4.235:0.1","an4.235:0.2","an4.235:0.3"],"kind":"text","text":{"pi":"Aṅguttara Nikāya 4.235\n24. Kammavagga\nPaṭhamasikkhāpadasutta","en":"Numbered Discourses 4.235\n24. Deeds\nTraining Rules (1st)"}},{"id":"an4.235:1","sourceIds":["an4.235:1.1","an4.235:1.2","an4.235:1.3","an4.235:1.4","an4.235:1.5","an4.235:1.6","an4.235:1.7","an4.235:1.8","an4.235:1.9"],"kind":"text","text":{"pi":"“Cattārimāni, bhikkhave, kammāni mayā sayaṁ abhiññā sacchikatvā paveditāni.\nKatamāni cattāri?\nAtthi, bhikkhave, kammaṁ kaṇhaṁ kaṇhavipākaṁ;\natthi, bhikkhave, kammaṁ sukkaṁ sukkavipākaṁ;\natthi, bhikkhave, kammaṁ kaṇhasukkaṁ kaṇhasukkavipākaṁ;\natthi, bhikkhave, kammaṁ akaṇhaasukkaṁ akaṇhaasukkavipākaṁ kammakkhayāya saṁvattati.\nKatamañca, bhikkhave, kammaṁ kaṇhaṁ kaṇhavipākaṁ?\nIdha, bhikkhave, ekacco pāṇātipātī hoti, adinnādāyī hoti, kāmesumicchācārī hoti, musāvādī hoti, surāmerayamajjapamādaṭṭhāyī hoti.\nIdaṁ vuccati, bhikkhave, kammaṁ kaṇhaṁ kaṇhavipākaṁ.","en":"“Mendicants, I declare these four kinds of deeds, having realized them with my own insight.\nWhat four?\nThere are dark deeds with dark results;\nbright deeds with bright results;\ndark and bright deeds with dark and bright results; and\nneither dark nor bright deeds with neither dark nor bright results, which lead to the ending of deeds.\nAnd what are dark deeds with dark results?\nIt’s when someone kills living creatures, steals, commits sexual misconduct, lies, and consumes intoxicants of beer, wine, and liquor.\nThese are called dark deeds with dark results."}},{"id":"an4.235:2","sourceIds":["an4.235:2.1","an4.235:2.2","an4.235:2.3"],"kind":"text","text":{"pi":"Katamañca, bhikkhave, kammaṁ sukkaṁ sukkavipākaṁ?\nIdha, bhikkhave, ekacco pāṇātipātā paṭivirato hoti, adinnādānā paṭivirato hoti, kāmesumicchācārā paṭivirato hoti, musāvādā paṭivirato hoti, surāmerayamajjapamādaṭṭhānā paṭivirato hoti.\nIdaṁ vuccati, bhikkhave, kammaṁ sukkaṁ sukkavipākaṁ.","en":"And what are bright deeds with bright results?\nIt’s when someone doesn’t kill living creatures, steal, commit sexual misconduct, lie, or consume intoxicants of beer, wine, and liquor.\nThese are called bright deeds with bright results."}},{"id":"an4.235:3","sourceIds":["an4.235:3.1","an4.235:3.2"],"kind":"text","text":{"pi":"Katamañca, bhikkhave, kammaṁ kaṇhasukkaṁ kaṇhasukkavipākaṁ?\nIdha, bhikkhave, ekacco sabyābajjhampi abyābajjhampi kāyasaṅkhāraṁ abhisaṅkharoti …pe… idaṁ vuccati, bhikkhave, kammaṁ kaṇhasukkaṁ kaṇhasukkavipākaṁ.","en":"And what are dark and bright deeds with dark and bright results?\nIt’s when someone makes both hurtful and pleasing choices by way of body, speech, and mind. These are called dark and bright deeds with dark and bright results."}},{"id":"an4.235:4","sourceIds":["an4.235:4.1","an4.235:4.2","an4.235:4.3","an4.235:4.4"],"kind":"text","text":{"pi":"Katamañca, bhikkhave, kammaṁ akaṇhaasukkaṁ akaṇhaasukkavipākaṁ kammakkhayāya saṁvattati?\nTatra, bhikkhave, yamidaṁ kammaṁ kaṇhaṁ kaṇhavipākaṁ …pe… idaṁ vuccati, bhikkhave, kammaṁ akaṇhaasukkaṁ akaṇhaasukkavipākaṁ kammakkhayāya saṁvattati.\nImāni kho, bhikkhave, cattāri kammāni mayā sayaṁ abhiññā sacchikatvā paveditānī”ti.\nCatutthaṁ.","en":"And what are neither dark nor bright deeds with neither dark nor bright results, which lead to the ending of deeds?\nIt’s the intention to give up dark deeds with dark results, bright deeds with bright results, and both dark and bright deeds with both dark and bright results. These are called neither dark nor bright deeds with neither dark nor bright results, which lead to the ending of deeds.\nThese are the four kinds of deeds that I declare, having realized them with my own insight.”"}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/an4.235/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}