{"id":"an4.243","title":"Schism in the Saṅgha","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"an4.243","title":"Schism in the Saṅgha","units":[{"id":"an4.243:0","sourceIds":["an4.243:0.1","an4.243:0.2","an4.243:0.3"],"kind":"text","text":{"pi":"Aṅguttara Nikāya 4.243\n25. Āpattibhayavagga\nSaṅghabhedakasutta","en":"Numbered Discourses 4.243\n25. Perils of Offenses\nSchism in the Saṅgha"}},{"id":"an4.243:1","sourceIds":["an4.243:1.1","an4.243:1.2","an4.243:1.3","an4.243:1.4","an4.243:1.5","an4.243:1.6"],"kind":"text","text":{"pi":"Ekaṁ samayaṁ bhagavā kosambiyaṁ viharati ghositārāme.\nAtha kho āyasmā ānando yena bhagavā tenupasaṅkami; upasaṅkamitvā bhagavantaṁ abhivādetvā ekamantaṁ nisīdi. Ekamantaṁ nisinnaṁ kho āyasmantaṁ ānandaṁ bhagavā etadavoca:\n“api nu taṁ, ānanda, adhikaraṇaṁ vūpasantan”ti?\n“Kuto taṁ, bhante, adhikaraṇaṁ vūpasamissati.\nĀyasmato, bhante, anuruddhassa bāhiyo nāma saddhivihāriko kevalakappaṁ saṅghabhedāya ṭhito.\nTatrāyasmā anuruddho na ekavācikampi bhaṇitabbaṁ maññatī”ti.","en":"At one time the Buddha was staying near Kosambī in Ghosita’s monastery.\nThen Venerable Ānanda went up to the Buddha, bowed, and sat down to one side. The Buddha said to him,\n“Well, Ānanda, has that disciplinary issue been settled yet?”\n“How could it be, sir?\nVenerable Anuruddha’s protégé Bāhiya remains entirely committed to creating a schism in the Saṅgha.\nBut Anuruddha doesn’t think to say a single word about it.”"}},{"id":"an4.243:2","sourceIds":["an4.243:2.1","an4.243:2.2"],"kind":"text","text":{"pi":"“Kadā panānanda, anuruddho saṅghamajjhe adhikaraṇesu voyuñjati.\nNanu, ānanda, yāni kānici adhikaraṇāni uppajjanti, sabbāni tāni tumhe ceva vūpasametha sāriputtamoggallānā ca.","en":"“But Ānanda, since when has Anuruddha been involved in disciplinary issues in the midst of the Saṅgha?\nShouldn’t you, together with Sāriputta and Moggallāna, settle all disciplinary issues that come up?"}},{"id":"an4.243:3","sourceIds":["an4.243:3.1","an4.243:3.2","an4.243:3.3","an4.243:3.4","an4.243:3.5","an4.243:3.6","an4.243:3.7","an4.243:3.8"],"kind":"text","text":{"pi":"Cattārome, ānanda, atthavase sampassamāno pāpabhikkhu saṅghabhedena nandati.\nKatame cattāro?\nIdhānanda, pāpabhikkhu dussīlo hoti pāpadhammo asuci saṅkassarasamācāro paṭicchannakammanto assamaṇo samaṇapaṭiñño abrahmacārī brahmacāripaṭiñño antopūti avassuto kasambujāto.\nTassa evaṁ hoti:\n‘sace kho maṁ bhikkhū jānissanti—\ndussīlo pāpadhammo asuci saṅkassarasamācāro paṭicchannakammanto assamaṇo samaṇapaṭiñño abrahmacārī brahmacāripaṭiñño antopūti avassuto kasambujātoti, samaggā maṁ santā nāsessanti;\nvaggā pana maṁ na nāsessantī’ti.\nIdaṁ, ānanda, paṭhamaṁ atthavasaṁ sampassamāno pāpabhikkhu saṅghabhedena nandati.","en":"A bad monk sees four reasons to relish schism in the Saṅgha.\nWhat four?\nTake an unethical monk, of bad qualities, filthy, with suspicious behavior, underhand, no true ascetic or spiritual practitioner—though claiming to be one—rotten inside, festering, and depraved.\nHe thinks:\n‘Suppose the monks know that I’m a bad monk …\nIf they’re in harmony, they’ll expel me,\nbut if they’re divided they won’t.’\nA bad monk sees this as the first reason to relish schism in the Saṅgha."}},{"id":"an4.243:4","sourceIds":["an4.243:4.1","an4.243:4.2","an4.243:4.3","an4.243:4.4","an4.243:4.5","an4.243:4.6"],"kind":"text","text":{"pi":"Puna caparaṁ, ānanda, pāpabhikkhu micchādiṭṭhiko hoti, antaggāhikāya diṭṭhiyā samannāgato.\nTassa evaṁ hoti:\n‘sace kho maṁ bhikkhū jānissanti—\nmicchādiṭṭhiko antaggāhikāya diṭṭhiyā samannāgatoti, samaggā maṁ santā nāsessanti;\nvaggā pana maṁ na nāsessantī’ti.\nIdaṁ, ānanda, dutiyaṁ atthavasaṁ sampassamāno pāpabhikkhu saṅghabhedena nandati.","en":"Furthermore, a bad monk has wrong view, he’s attached to an extremist view.\nHe thinks:\n‘Suppose the monks know that I have wrong view …\nIf they’re in harmony they’ll expel me,\nbut if they’re divided they won’t.’\nA bad monk sees this as the second reason to relish schism in the Saṅgha."}},{"id":"an4.243:5","sourceIds":["an4.243:5.1","an4.243:5.2","an4.243:5.3","an4.243:5.4","an4.243:5.5","an4.243:5.6"],"kind":"text","text":{"pi":"Puna caparaṁ, ānanda, pāpabhikkhu micchāājīvo hoti, micchāājīvena jīvikaṁ kappeti.\nTassa evaṁ hoti:\n‘sace kho maṁ bhikkhū jānissanti—\nmicchāājīvo micchāājīvena jīvikaṁ kappetīti, samaggā maṁ santā nāsessanti;\nvaggā pana maṁ na nāsessantī’ti.\nIdaṁ, ānanda, tatiyaṁ atthavasaṁ sampassamāno pāpabhikkhu saṅghabhedena nandati.","en":"Furthermore, a bad monk has wrong livelihood and earns a living by wrong livelihood.\nHe thinks:\n‘Suppose the monks know that I have wrong livelihood …\nIf they’re in harmony they’ll expel me,\nbut if they’re divided they won’t.’\nA bad monk sees this as the third reason to relish schism in the Saṅgha."}},{"id":"an4.243:6","sourceIds":["an4.243:6.1","an4.243:6.2","an4.243:6.3","an4.243:6.4","an4.243:6.5","an4.243:6.6","an4.243:6.7","an4.243:6.8"],"kind":"text","text":{"pi":"Puna caparaṁ, ānanda, pāpabhikkhu lābhakāmo hoti sakkārakāmo anavaññattikāmo.\nTassa evaṁ hoti:\n‘sace kho maṁ bhikkhū jānissanti—\nlābhakāmo sakkārakāmo anavaññattikāmoti, samaggā maṁ santā na sakkarissanti na garuṁ karissanti na mānessanti na pūjessanti;\nvaggā pana maṁ sakkarissanti garuṁ karissanti mānessanti pūjessantī’ti.\nIdaṁ, ānanda, catutthaṁ atthavasaṁ sampassamāno pāpabhikkhu saṅghabhedena nandati.\nIme kho, ānanda, cattāro atthavase sampassamāno pāpabhikkhu saṅghabhedena nandatī”ti.\nPaṭhamaṁ.","en":"Furthermore, a bad monk desires material things, honor, and admiration.\nHe thinks:\n‘Suppose the monks know that I desire material things, honor, and admiration.\nIf they’re in harmony they won’t honor, respect, revere, or venerate me,\nbut if they’re divided they will.’\nA bad monk sees this as the fourth reason to relish schism in the Saṅgha.\nA bad monk sees these four reasons to relish schism in the Saṅgha.”"}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/an4.243/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}