{"id":"an4.257","title":"With Māluṅkyaputta","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"an4.257","title":"With Māluṅkyaputta","units":[{"id":"an4.257:0","sourceIds":["an4.257:0.1","an4.257:0.2","an4.257:0.3"],"kind":"text","text":{"pi":"Aṅguttara Nikāya 4.257\n26. Abhiññāvagga\nMālukyaputtasutta","en":"Numbered Discourses 4.257\n26. Insight\nWith Māluṅkyaputta"}},{"id":"an4.257:1","sourceIds":["an4.257:1.1"],"kind":"text","text":{"pi":"Atha kho āyasmā mālukyaputto yena bhagavā tenupasaṅkami; upasaṅkamitvā bhagavantaṁ abhivādetvā ekamantaṁ nisīdi. Ekamantaṁ nisinno kho āyasmā mālukyaputto bhagavantaṁ etadavoca:","en":"Then Venerable Māluṅkyaputta went up to the Buddha, bowed, sat down to one side, and said to him:"}},{"id":"an4.257:2","sourceIds":["an4.257:2.1","an4.257:2.2","an4.257:2.3","an4.257:2.4"],"kind":"text","text":{"pi":"“Sādhu me, bhante, bhagavā saṅkhittena dhammaṁ desetu, yamahaṁ bhagavato dhammaṁ sutvā eko vūpakaṭṭho appamatto ātāpī pahitatto vihareyyan”ti.\n“Ettha idāni, mālukyaputta, kiṁ dahare bhikkhū vakkhāma;\nyatra hi nāma tvaṁ jiṇṇo vuddho mahallako tathāgatassa saṅkhittena ovādaṁ yācasī”ti.\n“Desetu me, bhante, bhagavā saṅkhittena dhammaṁ; desetu sugato saṅkhittena dhammaṁ. Appeva nāmāhaṁ bhagavato bhāsitassa atthaṁ ājāneyyaṁ; appeva nāmāhaṁ bhagavato bhāsitassa dāyādo assan”ti.","en":"“Sir, may the Buddha please teach me Dhamma in brief. When I’ve heard it, I’ll live alone, withdrawn, diligent, keen, and resolute.”\n“Well now, Māluṅkyaputta, what are we to say to the young monks,\nwhen even an old man like you, elderly and senior, asks the Realized One for brief advice?”\n“Sir, may the Buddha please teach me Dhamma in brief! May the Holy One teach me the Dhamma in brief! Hopefully I can understand the meaning of what the Buddha says! Hopefully I can be an heir of the Buddha’s teaching!”"}},{"id":"an4.257:3","sourceIds":["an4.257:3.1","an4.257:3.2","an4.257:3.3","an4.257:3.4","an4.257:3.5","an4.257:3.6","an4.257:3.7","an4.257:3.8"],"kind":"text","text":{"pi":"“Cattārome, mālukyaputta, taṇhuppādā yattha bhikkhuno taṇhā uppajjamānā uppajjati.\nKatame cattāro?\nCīvarahetu vā, mālukyaputta, bhikkhuno taṇhā uppajjamānā uppajjati.\nPiṇḍapātahetu vā, mālukyaputta, bhikkhuno taṇhā uppajjamānā uppajjati.\nSenāsanahetu vā, mālukyaputta, bhikkhuno taṇhā uppajjamānā uppajjati.\nItibhavābhavahetu vā, mālukyaputta, bhikkhuno taṇhā uppajjamānā uppajjati.\nIme kho, mālukyaputta, cattāro taṇhuppādā yattha bhikkhuno taṇhā uppajjamānā uppajjati.\nYato kho, mālukyaputta, bhikkhuno taṇhā pahīnā hoti ucchinnamūlā tālāvatthukatā anabhāvaṅkatā āyatiṁ anuppādadhammā, ayaṁ vuccati, mālukyaputta, ‘bhikkhu acchecchi taṇhaṁ, vivattayi saṁyojanaṁ, sammā mānābhisamayā antamakāsi dukkhassā’”ti.","en":"“Māluṅkyaputta, there are four things that give rise to craving in a mendicant.\nWhat four?\nFor the sake of robes,\nalmsfood,\nlodgings,\nor rebirth in this or that state.\nThese are the four things that give rise to craving in a mendicant.\nThat craving is given up by a mendicant, cut off at the root, made like a palm stump, obliterated, and unable to arise in the future. Then they’re called a mendicant who has cut off craving, cast off the fetters, and by rightly comprehending conceit has made an end of suffering.”"}},{"id":"an4.257:4","sourceIds":["an4.257:4.1","an4.257:4.2","an4.257:4.3","an4.257:4.4","an4.257:4.5"],"kind":"text","text":{"pi":"Atha kho āyasmā mālukyaputto bhagavatā iminā ovādena ovadito uṭṭhāyāsanā bhagavantaṁ abhivādetvā padakkhiṇaṁ katvā pakkāmi.\nAtha kho āyasmā mālukyaputto eko vūpakaṭṭho appamatto ātāpī pahitatto viharanto nacirasseva—yassatthāya kulaputtā sammadeva agārasmā anagāriyaṁ pabbajanti, tadanuttaraṁ—brahmacariyapariyosānaṁ diṭṭheva dhamme sayaṁ abhiññā sacchikatvā upasampajja vihāsi.\n“Khīṇā jāti, vusitaṁ brahmacariyaṁ, kataṁ karaṇīyaṁ, nāparaṁ itthattāyā”ti abbhaññāsi.\nAññataro ca panāyasmā mālukyaputto arahataṁ ahosīti.\nCatutthaṁ.","en":"When Māluṅkyaputta had been given this advice by the Buddha, he rose from his seat, bowed, and respectfully circled the Buddha, keeping him on his right, before leaving.\nThen Māluṅkyaputta, living alone, withdrawn, diligent, keen, and resolute, soon realized the supreme culmination of the spiritual path in this very life. He lived having achieved with his own insight the goal for which gentlemen rightly go forth from the lay life to homelessness.\nHe understood: “Rebirth is ended; the spiritual journey has been completed; what had to be done has been done; there is nothing further for this place.”\nAnd Venerable Māluṅkyaputta became one of the perfected."}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/an4.257/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}