{"id":"an4.259","title":"A Thoroughbred (1st)","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"an4.259","title":"A Thoroughbred (1st)","units":[{"id":"an4.259:0","sourceIds":["an4.259:0.1","an4.259:0.2","an4.259:0.3"],"kind":"text","text":{"pi":"Aṅguttara Nikāya 4.259\n26. Abhiññāvagga\nPaṭhamaājānīyasutta","en":"Numbered Discourses 4.259\n26. Insight\nA Thoroughbred (1st)"}},{"id":"an4.259:1","sourceIds":["an4.259:1.1","an4.259:1.2","an4.259:1.3","an4.259:1.4"],"kind":"text","text":{"pi":"“Catūhi, bhikkhave, aṅgehi samannāgato rañño bhadro assājānīyo rājāraho hoti rājabhoggo, rañño aṅganteva saṅkhaṁ gacchati.\nKatamehi catūhi?\nIdha, bhikkhave, rañño bhadro assājānīyo vaṇṇasampanno ca hoti balasampanno ca javasampanno ca ārohapariṇāhasampanno ca.\nImehi kho, bhikkhave, catūhi aṅgehi samannāgato rañño bhadro assājānīyo rājāraho hoti rājabhoggo, rañño aṅganteva saṅkhaṁ gacchati.","en":"“Mendicants, a fine royal thoroughbred with four factors is worthy of a king, fit to serve a king, and reckoned a factor of kingship.\nWhat four?\nIt’s when a fine royal thoroughbred is beautiful, strong, fast, and well-proportioned.\nA fine royal thoroughbred with these four factors is worthy of a king. …"}},{"id":"an4.259:2","sourceIds":["an4.259:2.1","an4.259:2.2","an4.259:2.3"],"kind":"text","text":{"pi":"Evamevaṁ kho, bhikkhave, catūhi dhammehi samannāgato bhikkhu āhuneyyo hoti …pe… anuttaraṁ puññakkhettaṁ lokassa.\nKatamehi catūhi?\nIdha, bhikkhave, bhikkhu vaṇṇasampanno ca hoti balasampanno ca javasampanno ca ārohapariṇāhasampanno ca.","en":"In the same way, a mendicant with four qualities is worthy of offerings dedicated to the gods, worthy of hospitality, worthy of a religious donation, worthy of veneration with cupped palms, and is the supreme field of merit for the world.\nWhat four?\nIt’s when a mendicant is beautiful, strong, fast, and well proportioned."}},{"id":"an4.259:3","sourceIds":["an4.259:3.1","an4.259:3.2","an4.259:3.3"],"kind":"text","text":{"pi":"Kathañca, bhikkhave, bhikkhu vaṇṇasampanno hoti?\nIdha, bhikkhave, bhikkhu sīlavā hoti …pe… samādāya sikkhati sikkhāpadesu.\nEvaṁ kho, bhikkhave, bhikkhu vaṇṇasampanno hoti.","en":"And how is a mendicant beautiful?\nIt’s when a mendicant is ethical, restrained in the monastic code, conducting themselves well and resorting for alms in suitable places. Seeing danger in the slightest fault, they keep the rules they’ve undertaken.\nThat’s how a mendicant is beautiful."}},{"id":"an4.259:4","sourceIds":["an4.259:4.1","an4.259:4.2","an4.259:4.3"],"kind":"text","text":{"pi":"Kathañca, bhikkhave, bhikkhu balasampanno hoti?\nIdha, bhikkhave, bhikkhu āraddhavīriyo viharati akusalānaṁ dhammānaṁ pahānāya, kusalānaṁ dhammānaṁ upasampadāya, thāmavā daḷhaparakkamo anikkhittadhuro kusalesu dhammesu.\nEvaṁ kho, bhikkhave, bhikkhu balasampanno hoti.","en":"And how is a mendicant strong?\nIt’s when a mendicant lives with energy roused up for giving up unskillful qualities and embracing skillful qualities. They are strong, staunchly vigorous, not slacking off when it comes to developing skillful qualities.\nThat’s how a mendicant is strong."}},{"id":"an4.259:5","sourceIds":["an4.259:5.1","an4.259:5.2","an4.259:5.3"],"kind":"text","text":{"pi":"Kathañca, bhikkhave, bhikkhu javasampanno hoti?\nIdha, bhikkhave, bhikkhu ‘idaṁ dukkhan’ti yathābhūtaṁ pajānāti …pe… ‘ayaṁ dukkhanirodhagāminī paṭipadā’ti yathābhūtaṁ pajānāti.\nEvaṁ kho, bhikkhave, bhikkhu javasampanno hoti.","en":"And how is a mendicant fast?\nIt’s when they truly understand: ‘This is suffering’ … ‘This is the origin of suffering’ … ‘This is the cessation of suffering’ … ‘This is the practice that leads to the cessation of suffering’.\nThat’s how a mendicant is fast."}},{"id":"an4.259:6","sourceIds":["an4.259:6.1","an4.259:6.2","an4.259:6.3"],"kind":"text","text":{"pi":"Kathañca, bhikkhave, bhikkhu ārohapariṇāhasampanno hoti?\nIdha, bhikkhave, bhikkhu lābhī hoti cīvarapiṇḍapātasenāsanagilānapaccayabhesajjaparikkhārānaṁ.\nEvaṁ kho, bhikkhave, bhikkhu ārohapariṇāhasampanno hoti.","en":"And how is a mendicant well proportioned?\nIt’s when a mendicant receives robes, almsfood, lodgings, and medicines and supplies for the sick.\nThat’s how a mendicant is well proportioned."}},{"id":"an4.259:7","sourceIds":["an4.259:7.1","an4.259:7.2"],"kind":"text","text":{"pi":"Imehi kho, bhikkhave, catūhi dhammehi samannāgato bhikkhu āhuneyyo hoti …pe… anuttaraṁ puññakkhettaṁ lokassā”ti.\nChaṭṭhaṁ.","en":"A mendicant with these four qualities … is the supreme field of merit for the world.”"}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/an4.259/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}