{"id":"an4.263","title":"Deeds","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"an4.263","title":"Deeds","units":[{"id":"an4.263:0","sourceIds":["an4.263:0.1","an4.263:0.2","an4.263:0.3"],"kind":"text","text":{"pi":"Aṅguttara Nikāya 4.263\n26. Abhiññāvagga\nKammasutta","en":"Numbered Discourses 4.263\n26. Insight\nDeeds"}},{"id":"an4.263:1","sourceIds":["an4.263:1.1","an4.263:1.2","an4.263:1.3","an4.263:1.4"],"kind":"text","text":{"pi":"“Catūhi, bhikkhave, dhammehi samannāgato bālo abyatto asappuriso khataṁ upahataṁ attānaṁ pariharati, sāvajjo ca hoti sānuvajjo viññūnaṁ, bahuñca apuññaṁ pasavati.\nKatamehi catūhi?\nSāvajjena kāyakammena, sāvajjena vacīkammena, sāvajjena manokammena, sāvajjāya diṭṭhiyā—\nimehi kho, bhikkhave, catūhi dhammehi samannāgato bālo abyatto asappuriso khataṁ upahataṁ attānaṁ pariharati, sāvajjo ca hoti sānuvajjo viññūnaṁ, bahuñca apuññaṁ pasavati.","en":"“When a foolish, incompetent untrue person has four qualities they keep themselves broken and damaged. They deserve to be blamed and criticized by sensible people, and they brim with much wickedness.\nWhat four?\nBlameworthy deeds by way of body, speech, and mind, and blameworthy view.\nWhen a foolish, incompetent untrue person possesses these four qualities they keep themselves broken and damaged. They deserve to be blamed and criticized by sensible people, and they brim with much wickedness."}},{"id":"an4.263:2","sourceIds":["an4.263:2.1","an4.263:2.2","an4.263:2.3","an4.263:2.4","an4.263:2.5","an4.263:2.6"],"kind":"text","text":{"pi":"Catūhi, bhikkhave, dhammehi samannāgato paṇḍito viyatto sappuriso akkhataṁ anupahataṁ attānaṁ pariharati, anavajjo ca hoti ananuvajjo viññūnaṁ, bahuñca puññaṁ pasavati.\nKatamehi catūhi?\nAnavajjena kāyakammena, anavajjena vacīkammena, anavajjena manokammena, anavajjāya diṭṭhiyā—\nimehi kho, bhikkhave, catūhi dhammehi samannāgato paṇḍito viyatto sappuriso akkhataṁ anupahataṁ attānaṁ pariharati, anavajjo ca hoti ananuvajjo viññūnaṁ, bahuñca puññaṁ pasavatī”ti.\nDasamaṁ.\nAbhiññāvaggo chaṭṭho.","en":"When an astute, competent true person has four qualities they keep themselves healthy and whole. They don’t deserve to be blamed and criticized by sensible people, and they brim with much merit.\nWhat four?\nBlameless deeds by way of body, speech, and mind, and blameless view.\nWhen an astute, competent true person possesses these four qualities they keep themselves healthy and whole. They don’t deserve to be blamed and criticized by sensible people, and they brim with much merit.”"}},{"id":"an4.263:3","sourceIds":["an4.263:3.0","an4.263:3.1","an4.263:3.2","an4.263:3.3","an4.263:3.4"],"kind":"text","text":{"pi":"Tassuddānaṁ\nAbhiññā pariyesanā,\nsaṅgahaṁ mālukyaputto;\nKulaṁ dve ca ājānīyā,\nbalaṁ araññakammunāti."}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/an4.263/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}