{"id":"an4.30","title":"Wanderers","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"an4.30","title":"Wanderers","units":[{"id":"an4.30:0","sourceIds":["an4.30:0.1","an4.30:0.2","an4.30:0.3"],"kind":"text","text":{"pi":"Aṅguttara Nikāya 4.30\n3. Uruvelavagga\nParibbājakasutta","en":"Numbered Discourses 4.30\n3. At Uruvelā\nWanderers"}},{"id":"an4.30:1","sourceIds":["an4.30:1.1","an4.30:1.2","an4.30:1.3"],"kind":"text","text":{"pi":"Ekaṁ samayaṁ bhagavā rājagahe viharati gijjhakūṭe pabbate.\nTena kho pana samayena sambahulā abhiññātā abhiññātā paribbājakā sippinikātīre paribbājakārāme paṭivasanti, seyyathidaṁ annabhāro varadharo sakuludāyī ca paribbājako aññe ca abhiññātā abhiññātā paribbājakā.\nAtha kho bhagavā sāyanhasamayaṁ paṭisallānā vuṭṭhito yena sippinikātīraṁ paribbājakārāmo tenupasaṅkami; upasaṅkamitvā paññatte āsane nisīdi. Nisajja kho bhagavā te paribbājake etadavoca:","en":"At one time the Buddha was staying near Rājagaha, on the Vulture’s Peak Mountain.\nNow at that time several very well-known wanderers were residing in their monastery on the bank of the Serpentine River. They included Annabhāra, Varadhara, Sakuludāyī, and other very well-known wanderers.\nThen in the late afternoon, the Buddha came out of retreat and went to the wanderer’s monastery on the bank of the Serpentine River. He sat down on the seat spread out and said to the wanderers:"}},{"id":"an4.30:2","sourceIds":["an4.30:2.1","an4.30:2.2","an4.30:2.3","an4.30:2.4","an4.30:2.5"],"kind":"text","text":{"pi":"“Cattārimāni, paribbājakā, dhammapadāni aggaññāni rattaññāni vaṁsaññāni porāṇāni asaṅkiṇṇāni asaṅkiṇṇapubbāni, na saṅkīyanti na saṅkīyissanti, appaṭikuṭṭhāni samaṇehi brāhmaṇehi viññūhi.\nKatamāni cattāri?\nAnabhijjhā, paribbājakā, dhammapadaṁ aggaññaṁ rattaññaṁ vaṁsaññaṁ porāṇaṁ asaṅkiṇṇaṁ asaṅkiṇṇapubbaṁ, na saṅkīyati na saṅkīyissati, appaṭikuṭṭhaṁ samaṇehi brāhmaṇehi viññūhi.\nAbyāpādo, paribbājakā, dhammapadaṁ …pe… sammāsati, paribbājakā, dhammapadaṁ …pe… sammāsamādhi, paribbājakā, dhammapadaṁ aggaññaṁ rattaññaṁ vaṁsaññaṁ porāṇaṁ asaṅkiṇṇaṁ asaṅkiṇṇapubbaṁ, na saṅkīyati na saṅkīyissati, appaṭikuṭṭhaṁ samaṇehi brāhmaṇehi viññūhi.\nImāni kho, paribbājakā, cattāri dhammapadāni aggaññāni rattaññāni vaṁsaññāni porāṇāni asaṅkiṇṇāni asaṅkiṇṇapubbāni, na saṅkīyanti na saṅkīyissanti, appaṭikuṭṭhāni samaṇehi brāhmaṇehi viññūhi.","en":"“Wanderers, these four footprints of the Dhamma are primordial, long-standing, customary, and traditional. They are uncorrupted, as they have been since the beginning. They’re not being corrupted now nor will they be. Sensible ascetics and brahmins don’t look down on them.\nWhat four?\nContentment …\nGood will … Right mindfulness … Right immersion …\nThese four footprints of the Dhamma are primordial, long-standing, customary, and traditional. They are uncorrupted, as they have been since the beginning. They’re not being corrupted now nor will they be. Sensible ascetics and brahmins don’t look down on them."}},{"id":"an4.30:3","sourceIds":["an4.30:3.1","an4.30:3.2","an4.30:3.3","an4.30:3.4"],"kind":"text","text":{"pi":"Yo kho, paribbājakā, evaṁ vadeyya:\n‘ahametaṁ anabhijjhaṁ dhammapadaṁ paccakkhāya abhijjhāluṁ kāmesu tibbasārāgaṁ samaṇaṁ vā brāhmaṇaṁ vā paññāpessāmī’ti, tamahaṁ tattha evaṁ vadeyyaṁ:\n‘etu vadatu byāharatu passāmissānubhāvan’ti.\nSo vata, paribbājakā, anabhijjhaṁ dhammapadaṁ paccakkhāya abhijjhāluṁ kāmesu tibbasārāgaṁ samaṇaṁ vā brāhmaṇaṁ vā paññāpessatīti netaṁ ṭhānaṁ vijjati.","en":"Wanderers, if someone should say:\n‘I’ll deny this Dhamma footprint of contentment, and describe a true ascetic or brahmin who covets sensual pleasures with acute lust.’ Then I’d say to them:\n‘Let them come, speak, and discuss. We’ll see how powerful they are.’\nIt is quite impossible to deny this Dhamma footprint of contentment, and point out a true ascetic or brahmin who covets sensual pleasures with acute lust."}},{"id":"an4.30:4","sourceIds":["an4.30:4.1","an4.30:4.2","an4.30:4.3","an4.30:4.4"],"kind":"text","text":{"pi":"Yo kho, paribbājakā, evaṁ vadeyya:\n‘ahametaṁ abyāpādaṁ dhammapadaṁ paccakkhāya byāpannacittaṁ paduṭṭhamanasaṅkappaṁ samaṇaṁ vā brāhmaṇaṁ vā paññāpessāmī’ti, tamahaṁ tattha evaṁ vadeyyaṁ:\n‘etu vadatu byāharatu passāmissānubhāvan’ti.\nSo vata, paribbājakā, abyāpādaṁ dhammapadaṁ paccakkhāya byāpannacittaṁ paduṭṭhamanasaṅkappaṁ samaṇaṁ vā brāhmaṇaṁ vā paññāpessatīti netaṁ ṭhānaṁ vijjati.","en":"If someone should say:\n‘I’ll deny this Dhamma footprint of good will, and describe a true ascetic or brahmin who has ill will and malicious intent.’ Then I’d say to them:\n‘Let them come, speak, and discuss. We’ll see how powerful they are.’\nIt is quite impossible to deny this Dhamma footprint of good will, and point out a true ascetic or brahmin who has ill will and malicious intent."}},{"id":"an4.30:5","sourceIds":["an4.30:5.1","an4.30:5.2","an4.30:5.3","an4.30:5.4"],"kind":"text","text":{"pi":"Yo kho, paribbājakā, evaṁ vadeyya:\n‘ahametaṁ sammāsatiṁ dhammapadaṁ paccakkhāya muṭṭhassatiṁ asampajānaṁ samaṇaṁ vā brāhmaṇaṁ vā paññāpessāmī’ti, tamahaṁ tattha evaṁ vadeyyaṁ:\n‘etu vadatu byāharatu passāmissānubhāvan’ti.\nSo vata, paribbājakā, sammāsatiṁ dhammapadaṁ paccakkhāya muṭṭhassatiṁ asampajānaṁ samaṇaṁ vā brāhmaṇaṁ vā paññāpessatīti netaṁ ṭhānaṁ vijjati.","en":"If someone should say:\n‘I’ll deny this Dhamma footprint of right mindfulness, and describe a true ascetic or brahmin who is unmindful, with no situational awareness.’ Then I’d say to them:\n‘Let them come, speak, and discuss. We’ll see how powerful they are.’\nIt is quite impossible to deny this Dhamma footprint of right mindfulness, and point out a true ascetic or brahmin who is unmindful, with no situational awareness."}},{"id":"an4.30:6","sourceIds":["an4.30:6.1","an4.30:6.2","an4.30:6.3","an4.30:6.4"],"kind":"text","text":{"pi":"Yo kho, paribbājakā, evaṁ vadeyya:\n‘ahametaṁ sammāsamādhiṁ dhammapadaṁ paccakkhāya asamāhitaṁ vibbhantacittaṁ samaṇaṁ vā brāhmaṇaṁ vā paññāpessāmī’ti, tamahaṁ tattha evaṁ vadeyyaṁ:\n‘etu vadatu byāharatu passāmissānubhāvan’ti.\nSo vata, paribbājakā, sammāsamādhiṁ dhammapadaṁ paccakkhāya asamāhitaṁ vibbhantacittaṁ samaṇaṁ vā brāhmaṇaṁ vā paññāpessatīti netaṁ ṭhānaṁ vijjati.","en":"If someone should say:\n‘I’ll deny this Dhamma footprint of right immersion, and describe a true ascetic or brahmin who is scattered, with straying mind.’ Then I’d say to them:\n‘Let them come, speak, and discuss. We’ll see how powerful they are.’\nIt is quite impossible to deny this Dhamma footprint of right immersion, and point out a true ascetic or brahmin who is scattered, with straying mind."}},{"id":"an4.30:7","sourceIds":["an4.30:7.1","an4.30:7.2","an4.30:7.3","an4.30:7.4","an4.30:7.5","an4.30:7.6"],"kind":"text","text":{"pi":"Yo kho, paribbājakā, imāni cattāri dhammapadāni garahitabbaṁ paṭikkositabbaṁ maññeyya, tassa diṭṭheva dhamme cattāro sahadhammikā vādānupātā gārayhā ṭhānā āgacchanti.\nKatame cattāro?\nAnabhijjhañce bhavaṁ dhammapadaṁ garahati paṭikkosati, ye ca hi abhijjhālū kāmesu tibbasārāgā samaṇabrāhmaṇā te bhoto pujjā te bhoto pāsaṁsā.\nAbyāpādañce bhavaṁ dhammapadaṁ garahati paṭikkosati, ye ca hi byāpannacittā paduṭṭhamanasaṅkappā samaṇabrāhmaṇā te bhoto pujjā te bhoto pāsaṁsā.\nSammāsatiñce bhavaṁ dhammapadaṁ garahati paṭikkosati, ye ca hi muṭṭhassatī asampajānā samaṇabrāhmaṇā te bhoto pujjā te bhoto pāsaṁsā.\nSammāsamādhiñce bhavaṁ dhammapadaṁ garahati paṭikkosati, ye ca hi asamāhitā vibbhantacittā samaṇabrāhmaṇā te bhoto pujjā te bhoto pāsaṁsā.","en":"If anyone imagines they can criticize and reject these four footprints of the Dhamma, they deserve rebuttal and criticism on four legitimate grounds in this very life.\nWhat four?\nIf you reject the Dhamma footprint of contentment, then you must honor and praise those ascetics and brahmins who covet sensual pleasures with acute lust.\nIf you reject the Dhamma footprint of good will, you must honor and praise those ascetics and brahmins who have ill will and malicious intent.\nIf you reject the Dhamma footprint of right mindfulness, then you must honor and praise those ascetics and brahmins who are unmindful, with no situational awareness.\nIf you reject the Dhamma footprint of right immersion, you must honor and praise those ascetics and brahmins who are scattered, with straying minds."}},{"id":"an4.30:8","sourceIds":["an4.30:8.1","an4.30:8.2","an4.30:8.3","an4.30:8.4"],"kind":"text","text":{"pi":"Yo kho, paribbājakā, imāni cattāri dhammapadāni garahitabbaṁ paṭikkositabbaṁ maññeyya, tassa diṭṭheva dhamme ime cattāro sahadhammikā vādānupātā gārayhā ṭhānā āgacchanti.\nYepi te, paribbājakā, ahesuṁ ukkalā vassabhaññā ahetukavādā akiriyavādā natthikavādā, tepi imāni cattāri dhammapadāni na garahitabbaṁ na paṭikkositabbaṁ amaññiṁsu.\nTaṁ kissa hetu?\nNindābyārosanaupārambhabhayāti.","en":"If anyone imagines they can criticize and reject these four footprints of the Dhamma, they deserve rebuttal and criticism on four legitimate grounds in this very life.\nEven those who were loud and bold advocates of the doctrines of no-cause, inaction, and nihilism didn’t imagine that these four footprints of the Dhamma should be criticized or rejected.\nWhy is that?\nFor fear of being blamed, provoked, and faulted."}},{"id":"an4.30:9","sourceIds":["an4.30:9.1","an4.30:9.2","an4.30:9.3","an4.30:9.4","an4.30:9.5","an4.30:9.6"],"kind":"text","text":{"pi":"Abyāpanno sadā sato,\najjhattaṁ susamāhito;\nAbhijjhāvinaye sikkhaṁ,\nappamattoti vuccatī”ti.\nDasamaṁ.\nUruvelavaggo tatiyo.","en":"One who has good will, ever mindful,\nserene within,\ntraining to remove desire,\nis called ‘a diligent one’.”"}},{"id":"an4.30:10","sourceIds":["an4.30:10.0","an4.30:10.1","an4.30:10.2","an4.30:10.3","an4.30:10.4"],"kind":"text","text":{"pi":"Tassuddānaṁ\nDve uruvelā loko kāḷako,\nBrahmacariyena pañcamaṁ;\nKuhaṁ santuṭṭhi vaṁso ca,\nDhammapadaṁ paribbājakena cāti."}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/an4.30/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}