{"id":"an4.36","title":"Doṇa","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"an4.36","title":"Doṇa","units":[{"id":"an4.36:0","sourceIds":["an4.36:0.1","an4.36:0.2","an4.36:0.3"],"kind":"text","text":{"pi":"Aṅguttara Nikāya 4.36\n4. Cakkavagga\nDoṇasutta","en":"Numbered Discourses 4.36\n4. Situations\nDoṇa"}},{"id":"an4.36:1","sourceIds":["an4.36:1.1","an4.36:1.2","an4.36:1.3","an4.36:1.4","an4.36:1.5","an4.36:1.6","an4.36:1.7","an4.36:1.8","an4.36:1.9"],"kind":"text","text":{"pi":"Ekaṁ samayaṁ bhagavā antarā ca ukkaṭṭhaṁ antarā ca setabyaṁ addhānamaggappaṭipanno hoti.\nDoṇopi sudaṁ brāhmaṇo antarā ca ukkaṭṭhaṁ antarā ca setabyaṁ addhānamaggappaṭipanno hoti.\nAddasā kho doṇo brāhmaṇo bhagavato pādesu cakkāni sahassārāni sanemikāni sanābhikāni sabbākāraparipūrāni;\ndisvānassa etadahosi:\n“acchariyaṁ vata bho, abbhutaṁ vata bho.\nNa vatimāni manussabhūtassa padāni bhavissantī”ti.\nAtha kho bhagavā maggā okkamma aññatarasmiṁ rukkhamūle nisīdi pallaṅkaṁ ābhujitvā ujuṁ kāyaṁ paṇidhāya parimukhaṁ satiṁ upaṭṭhapetvā.\nAtha kho doṇo brāhmaṇo bhagavato padāni anugacchanto addasa bhagavantaṁ aññatarasmiṁ rukkhamūle nisinnaṁ pāsādikaṁ pasādanīyaṁ santindriyaṁ santamānasaṁ uttamadamathasamathamanuppattaṁ dantaṁ guttaṁ saṁyatindriyaṁ nāgaṁ.\nDisvāna yena bhagavā tenupasaṅkami; upasaṅkamitvā bhagavantaṁ etadavoca:","en":"At one time the Buddha was traveling along the road between Ukkaṭṭhā and Setavyā,\nas was the brahmin Doṇa.\nDoṇa saw that the Buddha’s footprints had thousand-spoked wheels, with rims and hubs, complete in every detail.\nIt occurred to him,\n“Oh lord, how incredible, how amazing!\nSurely these couldn’t be the footprints of a human being?”\nThe Buddha had left the road and sat at the root of a tree cross-legged, setting his body straight, and bringing mindfulness to the present.\nThen Doṇa, following the Buddha’s footprints, saw him sitting at the tree root—impressive and inspiring, with peaceful faculties and heart, attained to the highest self-control and serenity, like an elephant with tamed, guarded, and controlled faculties.\nHe went up to the Buddha and said to him:"}},{"id":"an4.36:2","sourceIds":["an4.36:2.1","an4.36:2.2","an4.36:2.3","an4.36:2.4","an4.36:2.5","an4.36:2.6","an4.36:2.7","an4.36:2.8"],"kind":"text","text":{"pi":"“Devo no bhavaṁ bhavissatī”ti?\n“Na kho ahaṁ, brāhmaṇa, devo bhavissāmī”ti.\n“Gandhabbo no bhavaṁ bhavissatī”ti?\n“Na kho ahaṁ, brāhmaṇa, gandhabbo bhavissāmī”ti.\n“Yakkho no bhavaṁ bhavissatī”ti?\n“Na kho ahaṁ, brāhmaṇa, yakkho bhavissāmī”ti.\n“Manusso no bhavaṁ bhavissatī”ti?\n“Na kho ahaṁ, brāhmaṇa, manusso bhavissāmī”ti.","en":"“Sir, might you be a god?”\n“I will not be a god, brahmin.”\n“Might you be a centaur?”\n“I will not be a centaur.”\n“Might you be a spirit?”\n“I will not be a spirit.”\n“Might you be a human?”\n“I will not be a human.”"}},{"id":"an4.36:3","sourceIds":["an4.36:3.1","an4.36:3.2","an4.36:3.3","an4.36:3.4","an4.36:3.5","an4.36:3.6","an4.36:3.7","an4.36:3.8","an4.36:3.9"],"kind":"text","text":{"pi":"“‘Devo no bhavaṁ bhavissatī’ti, iti puṭṭho samāno:\n‘na kho ahaṁ, brāhmaṇa, devo bhavissāmī’ti vadesi.\n‘Gandhabbo no bhavaṁ bhavissatī’ti, iti puṭṭho samāno:\n‘na kho ahaṁ, brāhmaṇa, gandhabbo bhavissāmī’ti vadesi.\n‘Yakkho no bhavaṁ bhavissatī’ti, iti puṭṭho samāno:\n‘na kho ahaṁ, brāhmaṇa, yakkho bhavissāmī’ti vadesi.\n‘Manusso no bhavaṁ bhavissatī’ti, iti puṭṭho samāno:\n‘na kho ahaṁ, brāhmaṇa, manusso bhavissāmī’ti vadesi.\nAtha ko carahi bhavaṁ bhavissatī”ti?","en":"“When asked whether you might be a god, centaur, spirit, or human,\nyou answer that you will not be any of these.\nSo what then might you be?”"}},{"id":"an4.36:4","sourceIds":["an4.36:4.1","an4.36:4.2","an4.36:4.3","an4.36:4.4","an4.36:4.5"],"kind":"text","text":{"pi":"“Yesaṁ kho ahaṁ, brāhmaṇa, āsavānaṁ appahīnattā devo bhaveyyaṁ, te me āsavā pahīnā ucchinnamūlā tālāvatthukatā anabhāvaṅkatā āyatiṁ anuppādadhammā.\nYesaṁ kho ahaṁ, brāhmaṇa, āsavānaṁ appahīnattā gandhabbo bhaveyyaṁ … yakkho bhaveyyaṁ … manusso bhaveyyaṁ, te me āsavā pahīnā ucchinnamūlā tālāvatthukatā anabhāvaṅkatā āyatiṁ anuppādadhammā.\nSeyyathāpi, brāhmaṇa, uppalaṁ vā padumaṁ vā puṇḍarīkaṁ vā udake jātaṁ udake saṁvaḍḍhaṁ udakā accuggamma tiṭṭhati anupalittaṁ udakena;\nevamevaṁ kho ahaṁ, brāhmaṇa, loke jāto loke saṁvaḍḍho lokaṁ abhibhuyya viharāmi anupalitto lokena.\nBuddhoti maṁ, brāhmaṇa, dhārehīti.","en":"“Brahmin, if I had not given up defilements I might have become a god … a centaur … a spirit … or a human. But I have given up those defilements, cut them off at the root, made them like a palm stump, obliterated them so they are unable to arise in the future.\nSuppose there was a blue water lily, or a pink or white lotus. Though it sprouted and grew in the water, it would rise up above the water and stand with no water clinging to it.\nIn the same way, though I was born and grew up in the world, I live having mastered the world, unsullied by the world.\nRemember me, brahmin, as a Buddha."}},{"id":"an4.36:5","sourceIds":["an4.36:5.1","an4.36:5.2","an4.36:5.3","an4.36:5.4","an4.36:5.5","an4.36:5.6"],"kind":"text","text":{"pi":"Yena devūpapatyassa,\ngandhabbo vā vihaṅgamo;\nYakkhattaṁ yena gaccheyyaṁ,\nmanussattañca abbaje;\nTe mayhaṁ āsavā khīṇā,\nviddhastā vinaḷīkatā.","en":"I could have been reborn as a god,\nor as a centaur flying through the sky.\nI could have become a spirit,\nor returned as a human.\nBut I’ve ended those defilements,\nthey’re blown away and mown down."}},{"id":"an4.36:6","sourceIds":["an4.36:6.1","an4.36:6.2","an4.36:6.3","an4.36:6.4","an4.36:6.5"],"kind":"text","text":{"pi":"Puṇḍarīkaṁ yathā vaggu,\nToyena nupalippati;\nNupalippāmi lokena,\nTasmā buddhosmi brāhmaṇā”ti.\nChaṭṭhaṁ.","en":"Like a graceful lotus,\nto which water does not cling,\nthe world doesn’t cling to me,\nand so, brahmin, I am a Buddha.”"}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/an4.36/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}