{"id":"an4.4","title":"Broken (2nd)","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"an4.4","title":"Broken (2nd)","units":[{"id":"an4.4:0","sourceIds":["an4.4:0.1","an4.4:0.2","an4.4:0.3"],"kind":"text","text":{"pi":"Aṅguttara Nikāya 4.4\n1. Bhaṇḍagāmavagga\nDutiyakhatasutta","en":"Numbered Discourses 4.4\n1. At Wares Village\nBroken (2nd)"}},{"id":"an4.4:1","sourceIds":["an4.4:1.1","an4.4:1.2","an4.4:1.3","an4.4:1.4","an4.4:1.5"],"kind":"text","text":{"pi":"“Catūsu, bhikkhave, micchā paṭipajjamāno bālo abyatto asappuriso khataṁ upahataṁ attānaṁ pariharati sāvajjo ca hoti sānuvajjo ca viññūnaṁ, bahuñca apuññaṁ pasavati.\nKatamesu catūsu?\nMātari, bhikkhave, micchā paṭipajjamāno bālo abyatto asappuriso khataṁ upahataṁ attānaṁ pariharati, sāvajjo ca hoti sānuvajjo ca viññūnaṁ, bahuñca apuññaṁ pasavati.\nPitari, bhikkhave, micchā paṭipajjamāno …pe… tathāgate, bhikkhave, micchā paṭipajjamāno …pe… tathāgatasāvake, bhikkhave, micchā paṭipajjamāno bālo abyatto asappuriso khataṁ upahataṁ attānaṁ pariharati, sāvajjo ca hoti sānuvajjo ca viññūnaṁ, bahuñca apuññaṁ pasavati.\nImesu kho, bhikkhave, catūsu micchā paṭipajjamāno bālo abyatto asappuriso khataṁ upahataṁ attānaṁ pariharati, sāvajjo ca hoti sānuvajjo ca viññūnaṁ, bahuñca apuññaṁ pasavati.","en":"“When a foolish, incompetent untrue person acts wrongly toward four people they keep themselves broken and damaged. They deserve to be blamed and criticized by sensible people, and they brim with much wickedness.\nWhat four?\nMother …\nfather … a Realized One … and a disciple of a Realized One.\nWhen a foolish, incompetent untrue person acts wrongly toward these four people they keep themselves broken and damaged. They deserve to be blamed and criticized by sensible people, and they brim with much wickedness."}},{"id":"an4.4:2","sourceIds":["an4.4:2.1","an4.4:2.2","an4.4:2.3","an4.4:2.4","an4.4:2.5"],"kind":"text","text":{"pi":"Catūsu, bhikkhave, sammā paṭipajjamāno paṇḍito viyatto sappuriso akkhataṁ anupahataṁ attānaṁ pariharati, anavajjo ca hoti ananuvajjo ca viññūnaṁ, bahuñca puññaṁ pasavati.\nKatamesu catūsu?\nMātari, bhikkhave, sammā paṭipajjamāno paṇḍito viyatto sappuriso akkhataṁ anupahataṁ attānaṁ pariharati, anavajjo ca hoti ananuvajjo ca viññūnaṁ, bahuñca puññaṁ pasavati.\nPitari, bhikkhave, sammā paṭipajjamāno …pe… tathāgate, bhikkhave, sammā paṭipajjamāno …pe… tathāgatasāvake, bhikkhave, sammā paṭipajjamāno paṇḍito viyatto sappuriso akkhataṁ anupahataṁ attānaṁ pariharati, anavajjo ca hoti ananuvajjo ca viññūnaṁ, bahuñca puññaṁ pasavati.\nImesu kho, bhikkhave, catūsu sammā paṭipajjamāno paṇḍito viyatto sappuriso akkhataṁ anupahataṁ attānaṁ pariharati, anavajjo ca hoti ananuvajjo ca viññūnaṁ, bahuñca puññaṁ pasavatīti.","en":"When an astute, competent true person acts rightly toward four individuals they keep themselves intact and unscathed. They don’t deserve to be blamed and criticized by sensible people, and they brim with much merit.\nWhat four?\nMother …\nfather … a Realized One … and a disciple of a Realized One.\nWhen an astute, competent true person acts rightly toward these four people they keep themselves healthy and whole. They don’t deserve to be blamed and criticized by sensible people, and they brim with much merit."}},{"id":"an4.4:3","sourceIds":["an4.4:3.1","an4.4:3.2","an4.4:3.3","an4.4:3.4","an4.4:3.5","an4.4:3.6"],"kind":"text","text":{"pi":"Mātari pitari cāpi,\nyo micchā paṭipajjati;\nTathāgate vā sambuddhe,\natha vā tassa sāvake;\nBahuñca so pasavati,\napuññaṁ tādiso naro.","en":"A person who does wrong\nby their mother or father,\nor a Realized One, a Buddha,\nor one of their disciples,\nbrims with much wickedness."}},{"id":"an4.4:4","sourceIds":["an4.4:4.1","an4.4:4.2","an4.4:4.3","an4.4:4.4"],"kind":"text","text":{"pi":"Tāya naṁ adhammacariyāya,\nMātāpitūsu paṇḍitā;\nIdheva naṁ garahanti,\nPeccāpāyañca gacchati.","en":"Because of their unprincipled conduct\ntoward their parents,\nthey’re criticized in this life by the astute,\nand they depart to be reborn in a place of loss."}},{"id":"an4.4:5","sourceIds":["an4.4:5.1","an4.4:5.2","an4.4:5.3","an4.4:5.4","an4.4:5.5","an4.4:5.6"],"kind":"text","text":{"pi":"Mātari pitari cāpi,\nyo sammā paṭipajjati;\nTathāgate vā sambuddhe,\natha vā tassa sāvake;\nBahuñca so pasavati,\npuññaṁ etādiso naro.","en":"A person who does right\nby their mother and father,\nor a Realized One, a Buddha,\nor one of their disciples,\nbrims with much merit."}},{"id":"an4.4:6","sourceIds":["an4.4:6.1","an4.4:6.2","an4.4:6.3","an4.4:6.4","an4.4:6.5"],"kind":"text","text":{"pi":"Tāya naṁ dhammacariyāya,\nmātāpitūsu paṇḍitā;\nIdheva naṁ pasaṁsanti,\npecca sagge pamodatī”ti.\nCatutthaṁ.","en":"Because of their principled conduct\ntoward their parents,\nthey’re praised in this life by the astute,\nand they depart to rejoice in heaven.”"}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/an4.4/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}