{"id":"an4.40","title":"With Udāyī","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"an4.40","title":"With Udāyī","units":[{"id":"an4.40:0","sourceIds":["an4.40:0.1","an4.40:0.2","an4.40:0.3"],"kind":"text","text":{"pi":"Aṅguttara Nikāya 4.40\n4. Cakkavagga\nUdāyīsutta","en":"Numbered Discourses 4.40\n4. Situations\nWith Udāyī"}},{"id":"an4.40:1","sourceIds":["an4.40:1.1","an4.40:1.2","an4.40:1.3","an4.40:1.4","an4.40:1.5","an4.40:1.6","an4.40:1.7","an4.40:1.8"],"kind":"text","text":{"pi":"Atha kho udāyī brāhmaṇo yena bhagavā tenupasaṅkami; upasaṅkamitvā bhagavatā …pe… ekamantaṁ nisinno kho udāyī brāhmaṇo bhagavantaṁ etadavoca:\n“bhavampi no gotamo yaññaṁ vaṇṇetī”ti?\n“Na kho ahaṁ, brāhmaṇa, sabbaṁ yaññaṁ vaṇṇemi;\nna panāhaṁ, brāhmaṇa, sabbaṁ yaññaṁ na vaṇṇemi.\nYathārūpe kho, brāhmaṇa, yaññe gāvo haññanti, ajeḷakā haññanti, kukkuṭasūkarā haññanti, vividhā pāṇā saṅghātaṁ āpajjanti;\nevarūpaṁ kho ahaṁ, brāhmaṇa, sārambhaṁ yaññaṁ na vaṇṇemi.\nTaṁ kissa hetu?\nEvarūpañhi, brāhmaṇa, sārambhaṁ yaññaṁ na upasaṅkamanti arahanto vā arahattamaggaṁ vā samāpannā.","en":"Then Udāyī the brahmin went up to the Buddha, … and asked him,\n“Does the worthy Gotama praise sacrifice?”\n“Brahmin, I don’t praise all sacrifices.\nNor do I criticize all sacrifices.\nTake the kind of sacrifice where cattle, goats and sheep, chickens and pigs, and various kinds of creatures are slaughtered.\nI don’t praise that kind of violent sacrifice."}},{"id":"an4.40:2","sourceIds":["an4.40:2.1","an4.40:2.2","an4.40:2.3","an4.40:2.4"],"kind":"text","text":{"pi":"Yathārūpe ca kho, brāhmaṇa, yaññe neva gāvo haññanti, na ajeḷakā haññanti, na kukkuṭasūkarā haññanti, na vividhā pāṇā saṅghātaṁ āpajjanti;\nevarūpaṁ kho ahaṁ, brāhmaṇa, nirārambhaṁ yaññaṁ vaṇṇemi, yadidaṁ niccadānaṁ anukulayaññaṁ.\nTaṁ kissa hetu?\nEvarūpañhi, brāhmaṇa, nirārambhaṁ yaññaṁ upasaṅkamanti arahanto vā arahattamaggaṁ vā samāpannāti.","en":"But take the kind of sacrifice where cattle, goats and sheep, chickens and pigs, and various kinds of creatures are not slaughtered.\nI do praise that kind of non-violent sacrifice; for example, a regular gift as a propitious sacrifice."}},{"id":"an4.40:3","sourceIds":["an4.40:3.1","an4.40:3.2","an4.40:3.3","an4.40:3.4"],"kind":"text","text":{"pi":"Abhisaṅkhataṁ nirārambhaṁ,\nyaññaṁ kālena kappiyaṁ;\nTādisaṁ upasaṁyanti,\nsaññatā brahmacārayo.","en":"Well-prepared and non-violent,\na sacrifice that’s allowable and timely,\nis attended by\ndisciplined spiritual practitioners."}},{"id":"an4.40:4","sourceIds":["an4.40:4.1","an4.40:4.2","an4.40:4.3","an4.40:4.4"],"kind":"text","text":{"pi":"Vivaṭacchadā ye loke,\nvītivattā kulaṁ gatiṁ;\nYaññametaṁ pasaṁsanti,\nbuddhā yaññassa kovidā.","en":"The Buddhas—who have cast off the world’s veil,\npassing beyond time and rebirth—\npraise this sacrifice,\nas they are expert in sacrifice."}},{"id":"an4.40:5","sourceIds":["an4.40:5.1","an4.40:5.2","an4.40:5.3","an4.40:5.4"],"kind":"text","text":{"pi":"Yaññe vā yadi vā saddhe,\nhabyaṁ katvā yathārahaṁ;\nPasannacitto yajati,\nsukhette brahmacārisu.","en":"When you’ve prepared a suitable offering,\nwhether as sacrifice or for ancestors,\nsacrifice it with confident heart,\nin the fertile field of spiritual practitioners."}},{"id":"an4.40:6","sourceIds":["an4.40:6.1","an4.40:6.2","an4.40:6.3","an4.40:6.4"],"kind":"text","text":{"pi":"Suhutaṁ suyiṭṭhaṁ suppattaṁ,\nDakkhiṇeyyesu yaṁ kataṁ;\nYañño ca vipulo hoti,\nPasīdanti ca devatā.","en":"When it’s well-gotten, well-offered, and well-sacrificed,\nto those worthy of a religious donation,\na sacrifice is truly abundant,\nand even the deities are pleased."}},{"id":"an4.40:7","sourceIds":["an4.40:7.1","an4.40:7.2","an4.40:7.3","an4.40:7.4","an4.40:7.5","an4.40:7.6"],"kind":"text","text":{"pi":"Evaṁ yajitvā medhāvī,\nsaddho muttena cetasā;\nAbyābajjhaṁ sukhaṁ lokaṁ,\npaṇḍito upapajjatī”ti.\nDasamaṁ.\nCakkavaggo catuttho.","en":"When an intelligent, faithful person,\nsacrifices like this, with a mind of letting go,\nthat astute one is reborn\nin a happy, pleasing world.”"}},{"id":"an4.40:8","sourceIds":["an4.40:8.0","an4.40:8.1","an4.40:8.2","an4.40:8.3","an4.40:8.4"],"kind":"text","text":{"pi":"Tassuddānaṁ\nCakko saṅgaho sīho,\nPasādo vassakārena pañcamaṁ;\nDoṇo aparihāniyo patilīno,\nUjjayo udāyinā te dasāti."}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/an4.40/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}