{"id":"an4.51","title":"Overflowing Merit","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"an4.51","title":"Overflowing Merit","units":[{"id":"an4.51:0","sourceIds":["an4.51:0.1","an4.51:0.2","an4.51:0.3"],"kind":"text","text":{"pi":"Aṅguttara Nikāya 4.51\n6. Puññābhisandavagga\nPaṭhamapuññābhisandasutta","en":"Numbered Discourses 4.51\n6. Overflowing Merit\nOverflowing Merit"}},{"id":"an4.51:1","sourceIds":["an4.51:1.1","an4.51:1.2","an4.51:1.3","an4.51:1.4"],"kind":"text","text":{"pi":"Sāvatthinidānaṁ.\n“Cattārome, bhikkhave, puññābhisandā kusalābhisandā sukhassāhārā sovaggikā sukhavipākā saggasaṁvattanikā iṭṭhāya kantāya manāpāya hitāya sukhāya saṁvattanti.\nKatame cattāro?\nYassa, bhikkhave, bhikkhu cīvaraṁ paribhuñjamāno appamāṇaṁ cetosamādhiṁ upasampajja viharati, appamāṇo tassa puññābhisando kusalābhisando sukhassāhāro sovaggiko sukhavipāko saggasaṁvattaniko iṭṭhāya kantāya manāpāya hitāya sukhāya saṁvattati.","en":"At Sāvatthī.\n“Mendicants, there are these four kinds of overflowing merit, overflowing goodness. They nurture happiness and are conducive to heaven, ripening in happiness and leading to heaven. They lead to what is likable, desirable, agreeable, to welfare and happiness.\nWhat four?\nWhen a mendicant enters and remains in a limitless immersion of the heart while using a robe, the overflowing of merit for the donor is limitless …"}},{"id":"an4.51:2","sourceIds":["an4.51:2.1"],"kind":"text","text":{"pi":"Yassa, bhikkhave, bhikkhu piṇḍapātaṁ paribhuñjamāno appamāṇaṁ cetosamādhiṁ upasampajja viharati, appamāṇo tassa puññābhisando kusalābhisando sukhassāhāro sovaggiko sukhavipāko saggasaṁvattaniko iṭṭhāya kantāya manāpāya hitāya sukhāya saṁvattati.","en":"When a mendicant enters and remains in a limitless immersion of the heart while eating almsfood, the overflowing of merit for the donor is limitless …"}},{"id":"an4.51:3","sourceIds":["an4.51:3.1"],"kind":"text","text":{"pi":"Yassa, bhikkhave, bhikkhu senāsanaṁ paribhuñjamāno appamāṇaṁ cetosamādhiṁ upasampajja viharati, appamāṇo tassa puññābhisando kusalābhisando sukhassāhāro sovaggiko sukhavipāko saggasaṁvattaniko iṭṭhāya kantāya manāpāya hitāya sukhāya saṁvattati.","en":"When a mendicant enters and remains in a limitless immersion of the heart while using lodgings, the overflowing of merit for the donor is limitless …"}},{"id":"an4.51:4","sourceIds":["an4.51:4.1","an4.51:4.2"],"kind":"text","text":{"pi":"Yassa, bhikkhave, bhikkhu gilānappaccayabhesajjaparikkhāraṁ paribhuñjamāno appamāṇaṁ cetosamādhiṁ upasampajja viharati, appamāṇo tassa puññābhisando kusalābhisando sukhassāhāro sovaggiko sukhavipāko saggasaṁvattaniko iṭṭhāya kantāya manāpāya hitāya sukhāya saṁvattati.\nIme kho, bhikkhave, cattāro puññābhisandā kusalābhisandā sukhassāhārā sovaggikā sukhavipākā saggasaṁvattanikā iṭṭhāya kantāya manāpāya hitāya sukhāya saṁvattanti.","en":"When a mendicant enters and remains in a limitless immersion of the heart while using medicines and supplies for the sick, the overflowing of merit for the donor is limitless …\nThese are the four kinds of overflowing merit, overflowing goodness. They nurture happiness and are conducive to heaven, ripening in happiness and leading to heaven. They lead to what is likable, desirable, agreeable, to welfare and happiness."}},{"id":"an4.51:5","sourceIds":["an4.51:5.1"],"kind":"text","text":{"pi":"Imehi ca pana, bhikkhave, catūhi puññābhisandehi kusalābhisandehi samannāgatassa ariyasāvakassa na sukaraṁ puññassa pamāṇaṁ gahetuṁ: ‘ettako puññābhisando kusalābhisando sukhassāhāro sovaggiko sukhavipāko saggasaṁvattaniko iṭṭhāya kantāya manāpāya hitāya sukhāya saṁvattatī’ti. Atha kho asaṅkhyeyyo appameyyo mahāpuññakkhandhotveva saṅkhyaṁ gacchati.","en":"When a noble disciple has these four kinds of overflowing merit and goodness, it’s not easy to grasp how much merit they have by saying that this is the extent of their overflowing merit … that leads to happiness. It’s simply reckoned as an incalculable, immeasurable, great mass of merit."}},{"id":"an4.51:6","sourceIds":["an4.51:6.1","an4.51:6.2"],"kind":"text","text":{"pi":"Seyyathāpi, bhikkhave, mahāsamudde na sukaraṁ udakassa pamāṇaṁ gahetuṁ: ‘ettakāni udakāḷhakānīti vā, ettakāni udakāḷhakasatānīti vā, ettakāni udakāḷhakasahassānīti vā, ettakāni udakāḷhakasatasahassānīti vā’, atha kho asaṅkhyeyyo appameyyo mahāudakakkhandhotveva saṅkhyaṁ gacchati;\nevamevaṁ kho, bhikkhave, imehi catūhi puññābhisandehi kusalābhisandehi samannāgatassa ariyasāvakassa na sukaraṁ puññassa pamāṇaṁ gahetuṁ: ‘ettako puññābhisando kusalābhisando sukhassāhāro sovaggiko sukhavipāko saggasaṁvattaniko iṭṭhāya kantāya manāpāya hitāya sukhāya saṁvattatī’ti. Atha kho asaṅkhyeyyo appameyyo mahāpuññakkhandhotveva saṅkhyaṁ gacchatīti.","en":"It’s like trying to grasp how much water is in the ocean. It’s not easy to say how many gallons, how many hundreds, thousands, hundreds of thousands of gallons there are. It’s simply reckoned as an incalculable, immeasurable, great mass of water.\nIn the same way, when a noble disciple has these four kinds of overflowing merit it’s simply reckoned as an incalculable, immeasurable, great mass of merit."}},{"id":"an4.51:7","sourceIds":["an4.51:7.1","an4.51:7.2","an4.51:7.3","an4.51:7.4"],"kind":"text","text":{"pi":"Mahodadhiṁ aparimitaṁ mahāsaraṁ,\nBahubheravaṁ ratanavarānamālayaṁ;\nNajjo yathā naragaṇasaṅghasevitā,\nPuthū savantī upayanti sāgaraṁ.","en":"Hosts of people use the rivers,\nand though the rivers are many,\nall reach the great deep, the boundless ocean,\nthe cruel sea that’s home to precious gems."}},{"id":"an4.51:8","sourceIds":["an4.51:8.1","an4.51:8.2","an4.51:8.3","an4.51:8.4","an4.51:8.5"],"kind":"text","text":{"pi":"Evaṁ naraṁ annadapānavatthadaṁ,\nSeyyānisajjattharaṇassa dāyakaṁ;\nPuññassa dhārā upayanti paṇḍitaṁ,\nNajjo yathā vārivahāva sāgaran”ti.\nPaṭhamaṁ.","en":"In the same way, when a person gives food, drink, and clothes;\nand they’re a giver of beds, seats, and mats—\nthe streams of merit reach that astute person,\nas the rivers bring their waters to the sea.”"}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/an4.51/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}